قلقاس

Posted on Monday, June 28, 2010. Filed under: My Life | Tags: , , , , , , |

السلام عليكم ورحمة الله وبركاته

مع اني اتأخرت بس مارضيتش أضيع فرصة الكتابة عن يوم نهاية المرحلة الجامعية

😀

وبالنسبة لعنوان البوست … ماتدقوش اوي كدا

مانتوا بقالكوا سنيييييين بتاخدوا مناهج ملهاش علاقة بالمسمى بتاعها .. جت ع البوست بتاعي و هتقفوا؟ 😀

المهم بقى الحمد لله يوم 24-6-2010 ده كان يوم جميل جدا بكل ما تحمله الكلمة من معنى

خرجنا و قطعنا نفسنا فسحة عشان ميبقاش نفسنا في حاجة

اليوم ده بأمانة مايتنساش أبدا 🙂

أخدت الصورة دي في آخر اليوم

ربنا يقوينا و نخلص مشروع التخرج على خير يارب ونجيب كلنا امتيازات 🙂

Advertisements
Read Full Post | Make a Comment ( 2 so far )

The real vacation

Posted on Thursday, July 23, 2009. Filed under: My Life | Tags: , |

Panorama shot in 3ajeeba - Matrouh

Panorama shot in 3ajeeba - Matrouh

السلام عليكم

بقالي حوالي اسبوع مابقعدش في البيت 😀

يوم الأربعاء 15-7-2009 رحت البلد عشان مشوار مهم

و رجعت يوم الخميس بالليل … يومها كنت راجع بالطيارة

المهم كنت متفق مع صحابي اللي سبقوني و راحوا جمصة اني هروحلهم على يوم الجمعة

و فعلا رحتلهم جمصة و قعدت معاهم اليومين الباقيين في المعسكر

و هيصنا و عملنا كل اللي عايزين نعمله و قضينا يومين جامدين بجد 🙂

(مش عشان جمصة …لأ عشان الصحاب بس)

😀

المهم يوم الأحد الصبح كنا راجعين

و كنت متفق مع صحابي اسلام و الأهلاوي و مسعود اننا نروح مطروح على يوم الأحد عشان نحضر فرح أخت محمد السيد

طبعا مقدرتش أروحلهم يوم الأحد عشان لسه راجع من جمصة .. رحت يوم الاثنين (اللي هوا يوم الفرح)

قضيت أحسن يومين في الأجازة و رجعت امبارح (الأربعاء) بالليل 😀

رحلة مطروح دي كانت مطلوبة بجد عشان تغيير الجو

وفعلا الرحلة كلها كانت حلوة ماعدا التاكسي اللي ركبته في آخر اليوم … أصل لازم يبقى في حاجة تبع جنينة المصريين في الآخر -.-

بس بعد فترة من تغيير الجو و الفسحة و الحاجات الحلوة دي 😀 … ان شاء الله هرجع للشغل اللي ورايا و اللي أجلت منه كتير في الفترة اللي فاتت دي

بس فعلا الواحد كان محتاج لفترة النقاهة دي 😀

بشكر كل صحابي على الفترة اللي قضوها معايا

بجد استمتعت بالاسبوع الجميل ده مع رجالة 513 … بس في أماكن متفرقة 😀

و أخيرا أحب أقول اني لما رجعت لقيت عندي:

57 mail, 98 tweets & 113 reader’s topics

فقدامي مشوار على ما أخلص الحاجات دي 😀

سلام

Read Full Post | Make a Comment ( 6 so far )

Vacation Plan Review

Posted on Thursday, July 23, 2009. Filed under: My Life | Tags: |

السلام عليكم

انا كنت حطيت بوست لخطة الأجازة قبل كده

و كان المفروض اني أكتب آخر أخبار الخطة دي من اسبوع

بس اتأخرت لاني مكنتش بقعد في البيت كتير و مكانش في كونكشن

المهم آخر أخبار الخطة:

Vacation Plan Review

Vacation Plan Review

بصراحة التجربة جميلة جدا

و عجبني اني احاول أخلص كل اللي قلت عليه عشان ميبقاش منظري “زبالة” قدام الناس 😀

احب اشكر صاحبي “اسلام محمود” على اقتراحه للتجربة دي 🙂

Read Full Post | Make a Comment ( 2 so far )

Vacation Plan

Posted on Sunday, June 14, 2009. Filed under: My Life | Tags: |

thinking-cap

السلام عليكم

المفروض ان أجازتي بدأت من اسبوع بالظبط

بس فعليا … هيا بدأت النهاردة .. نظرا للمهام العائلية و الظروف الجوية و كدا ..

و بالتالي طبعا … أنا لسه مابدأتش في أي حاجة من اللي كنت مخططلها في أول اسبوع

و هتبقى بدايتي النهاردة بإذن الله

———————————

واحد صحبي اقترح عليا فكرة اننا ندبس نفسنا عشان منكسلش

و هوا فعلا سبقني و دبس نفسه

و أنا عملت زيه:

Vacation Plan

Read Full Post | Make a Comment ( 5 so far )

Liked it here?
Why not try sites on the blogroll...