Organized my Hard Drive

Posted on Friday, July 31, 2009. Filed under: My Life | Tags: |

السلام عليكم

واحدة من المشاكل اللي كنت عايز أحلها بأي شكل هيا مشكلة الهارد بتاعي

الهارد سليم و الحمد لله بس المشكلة في تنظيمه بقى

انا كنت حاطط

3 Operating Systems

عليه … و هما:

  • Fedora
  • Ubuntu
  • Windows

من اول ما بدأت الأجازة و أنا مابستخدمش الابونتو و الوندوز خالص

ممكن ادخل اعمل حاجة بسيطة جدا و اطلع تاني

فقررت اني أشيلهم و أسيب الفيدورا

و النهاردة كل اللي كان في بالي شوية حاجات اعملها:

1- أشيل الوندوز الحقير ده

2- أشيل الأبونتو لانها خنقتني

3- أحط الوندوز على Virtual Machine

4- في كل العمليات اللي فاتت دي … مافقدش حاجة من الداتا اللي عندي

و بالتالي عملت Backup

و الحمد لله المهمة انتهت و نظمت الهارد

و كده بقى اللي عايز يدخل على الوندوز …

يتنيل يدخل ع الفيدورا الأول و بعدين يدخل ع الوندوز من جوا

وده المفروض كان يتعمل من الأول لان الوندوز ده مش من حقه يبقى على الـ

Physical Machine كده

لازم يترمى في الـ Virtual

Read Full Post | Make a Comment ( 12 so far )

وسواس قهري

Posted on Wednesday, April 29, 2009. Filed under: My Life | Tags: |

كل ما أقفل اللاب و احطه في الشنطة

لازم اشيك عليه 100 مرة عشان أتأكد اني ماحطيتوش مفتوح!!

الكويس اني بتأكد انه مش مفتوح .. 🙂

اللي مش كويس اني ببص عليه كللللللل شوية!!! 😀

Read Full Post | Make a Comment ( 22 so far )

me & my laptop

Posted on Wednesday, February 18, 2009. Filed under: My Life | Tags: |

السلام عليكم

أيام أجازتي بدأت يوم الجمعة اللي فاتت

انا كنت قررت آخد أجازة الأسبوع ده كله

أريح شوية من الامتحانات و العسكرية اللي جم ورا بعض دول

المهم أنا دلوقتي في القاهرة مع أهلي (أخيرا) بتفسح و بعيش حياتي

بس في مشكلة كبيرة مقابلاني وهي عدم وجود اللااااب!

لا أنا مانسيتهوش في المنصورة ولا حاجة

بس اللاب فيه مشكلة

تقريبا انا افتريت على كارت الشاشة … فزعل!

وما ادراكم ما زعل كارت الشاشة!

كل ما آجي أفتح اللاب .. ألاقي شاشة بيييييضة! … مفييش أي نفس خالص!!

المهم بعد كده اكتشفت ان اللاب ده فيه المشكلة دي اصلا و ناس كتير اشتكت منها

و لقيت على السايت بتاع DELL

انهم هيخلوا تصليحه ببلاش لغاية شهر أغسطس الجاي

طبعا فرحت جداااااااااا

و عرفت الضمان بتاع دل هنا في مصر … اللي هوا اسمه Quest

جبت رقم الشركة و الموبايل و الإيميل و العنوان و كل معلومة ممكن توصلني ليهم … (ماصدقت بقى)

المهم اتصلت بيهم من يومين كده … قعدوا يحولوني مابين الخطوط و كل شوية واحد يرد عليا أقوله اللي حصل في اللاب بالظبط .. يقوم محولني على اللي بعده … و هكذا

لحد ما وصلت للراجل المطلوب (بعد ما زهقت) و قلتله على المشكلة … قاللي طيب هيبقى في نسبة تدفعها على القطعة اللي هنصلحهالك

قلتله على العرض اللي دل مقدماه ده عشان ممكن مايكونش عارف (أو عارف و بيستهبل) .. قاللي لا مش هينفع

و لازم تدفع نسبة و مش عارف ايه

المهم كلمت أخويا بعدها بيوم … و قاللي ماتصلحوش دلوقتي

لما أبقى آجي هتصرف … (المفروض انه جاي من الامارات يوم الجمعة الجاية)

وانا دلوقتي قاعد على الجهاز اللي هنا بخطفلي كام ساعة الصبح كده قبل ما اختي تصحى! 😀

بحاول أعمل فيهم أي حاجة مفيدة

انا دلوقتي عايز أعرف رأيكم

أعمل ايه في اللاب ده بقى؟؟؟؟؟؟؟!!!!

أنا كنت بفكر أصلحه بأسرع وقت و أبيعه و أشتري واحد تاني

عشان طالما المشكلة في كل اللاابات اللي من النوع ده … يبقى ممكن نفس المشكلة تحصل تاني!

و الله أعلم ساعتها الظروف هتكون ايه

بس طالما احنا لسه فيها … قلت أسألكم و أعرف الاقتراحات و الحاجات اللي ممكن تتعمل!

شكرا!

سلام!

Read Full Post | Make a Comment ( 10 so far )

عزاء واجب

Posted on Sunday, November 30, 2008. Filed under: My Life | Tags: |

السلام عليكم

النهاردة فقدت حاجة من أغلى الحاجات في حياتي

بجد ربنا يرحمها …

الداتا اللي على الجهاز بتاعي …

كلها اتمسحت 😦 😦

لو كنتوا متوقعين اني فعلا فقدت حد … بصوا فوق … أنا كاتب (حاجة) مش (حد) …! المهم

بجد انا زعلان جدا جدا بسبب الموضوع ده …

انا ميهمنيش أي حاجة كانت على الجهاز أكتر من الشغل اللي كنت حاطه عليه

حرام بجد كل الحاجات دي تضيع كده …. ربنا يعيني و اقدر أعوض الحاجات دي

بس بجد كان في حاجات ماتتعوضش 😦

😦 😦

درس النهاردة:

اوعى تثق بالكمبيوتر … دي عبارة عن آلة غبية ناس أذكياء اللي عملوها

فممكن تثق بالناس … ممكن تثق بنفسك … بس اوعى تثق بالحاجة الغبية دي!!

Read Full Post | Make a Comment ( 20 so far )

I Got My Own “……….”

Posted on Sunday, June 1, 2008. Filed under: My Life | Tags: |

السلام علكيم

ازيكووو؟!!

انا النهاردة مبسوط شويتين تلاتة كده

النهاردة رجعت البيت بعد امتحان الاو ار لقيت اخويا جه من القاهرة و جاب معاه”………….” (ولا بلاش) مش قايل … خليكو كده شوية

(اللي عايز يعرف يكمل الحكاية …. و اوعوا حد يجيب الموضوع من الاخر عشان يعرف ايه هوا ال”………….” ده)

(more…)

Read Full Post | Make a Comment ( 26 so far )

Liked it here?
Why not try sites on the blogroll...