إخفى

Posted on Sunday, June 6, 2010. Filed under: My Life | Tags: , |

إلى كل شخص بيرغي كتير على الفاضي و بيحاول يحكي قصة حياته في كل رد ليه

و إلى كل شخص كل كلامه شكوي

وإلى كل شخص بيعمل حاجة معينة عشان يقول للناس أنا تعبت فيها بس مش أكتر

وإلى كل حيوان بيحب يبقى مصدر للاشاعات

ابعد عني لأنك غبي و محبط وانا مش عايز أبقى غبي زيك
مهما كنت … انت غبي!


وإلى كل شخص بيحاول يخنق عليا

متحاولش … في كتير غيرك حاولوا و فشلوا

Read Full Post | Make a Comment ( 6 so far )

حرام ليه؟!!!

Posted on Sunday, March 7, 2010. Filed under: My Life | Tags: , |

السلام عليكم

النهاردة بعد ما خلصت حضوري في الجامعة طلعت و كعادتي ركبت تاكسي

بس ركبت ف الكرسي اللي ورا عشان كان في واحد قدام

المهم بعد ما ركبت على طول لقيت بنتين بيقولوا للسواق ع المكان اللي رايحينه (مخدتش بالي بصراحة)

لقيته بيقولهم تعالوا

انا قلت اكيد واحدة بس اللي هتيجي و التانية هتكون رايحة مكان تاني

و في الحالة دي عموما هيبقى في كرسي فاضي في النص و الموضوع مش هيضايقني

بس ده محصلش … و لقيتهم هما الاتنين هيركبوا

فسألتهم .. انتوا الاتنين؟ قالولي اه

لفيت انا ع السواق و قلتله مينفعش مش هركب جمب البنت كدا يعني

المهم البنت لما لقت الموضوع كدا قالت خلاص مش مشكلة و قفلت الباب

سواق التاكسي بقى مش مثلا يتكتم .. لأ بيقولي يعني هما الاتنين موافقين وانت اللي رفضت؟

– اه طبعا حرام يعني … مينفعش البنت تقعد جمبي كدا

بس الراجل سكت

انا اه اضايقت من الموقف

بس اللي مضايقني أوي ان الظاهرة دي بدأت تنتشر لانها حصلتلي مرة برضه قريب … تقريبا في الامتحانات

و مش بس كدا … لأ ده المرة الأولى دي السواق قعد يتخانق معايا و ف الاخر كان عايز فلوس زيادة

(أينعم انا ماعبرتوش) بس برضه متوقعتش قلة الأدب توصل لكدا

ولما قلتله حرام قالي حرام ليه؟

ساعتها كنت هشيط منه … بس انا كويس في استفزاز الناس فقلتله اني والحمد لله عارف ديني كويس

اللي انا مش عارفه بقى

هل الظاهرة دي من زمان وانا اللي لسه حاصلة معايا الوقت دا مرتين قريبين من بعض؟

و ليه السواقين بيضايقوا لما يبقى معايا حق في الحاجات دي؟

هوا ايه اللي بيحصل ف البلد؟؟؟؟

Read Full Post | Make a Comment ( 20 so far )

اه يابلد ماشية بالستر

Posted on Wednesday, December 16, 2009. Filed under: My Life | Tags: , |

السلام عليكم

ازيكوا يا شعب؟

المرة دي بكلمكم من بيتنا بس في القاهرة و الحمد لله مفتاحه مش ضايع 😀

بس عشان اوصل لهنا مريت بتعب أعصاب شديد طول الطريق

الاتوبيس كان بيدخل في أي مكان و بيعدي مابين اي عربيات و يكسر على الناس و اقول خلاص هنخبط

و الحمد لله ربنا ستر و وصلت رمسيس

ومن رمسيس ركبت ميني باص برضه نفس النظام

بعدين اكتشفت ان انا اللي مركز النهاردة زيادة عن اللازم

لان ده بيحصل كل يوم وانا اللي كنت اتعودت

الناس كلها بتكسر على بعضها

الناس كلها بترمي بوزها

الناس كلها بتشتم و تتخانق طول ماهيا ماشية

ومحدش واخد باله انه بمجرد انه بدأ يسوق وهوا بيهدد حياة ناس كتير

والله امرنا غريب جدا

ربنا يستر علينا كلنا و يرحمنا من الهمج اللي مابيرحموش حد …

Read Full Post | Make a Comment ( 5 so far )

عيد بعد عذاب شديد

Posted on Thursday, November 26, 2009. Filed under: My Life | Tags: , , |

السلام عليكم

كل عام و أنتم  بخير بمناسبة عيد الاضحى المبارك

—–

النهاردة و الحمد لله كان نهاية امتحانات الميدترم

و الحمد لله انها خلصت والا الواحد كان جاله تخلف عقلي بسبب لخبطة الوقت دي

نظامي في الامتحانات دي كان أغرب نظام مشيت عليه في حياتي:

1- ابدأ مذاكرة ليلة الامتحان الساعة 11 أو 12 بالليل

2- اسهر للفجر في مذاكرة مستمرة و سحور في النص و عصير أو شعرية بلبن أو كراميل

(ده على حسب مزاجي انا و عابد)

3- انام ساعتين أو 3 ساعات بالكتير

4- أكمل مذاكرة و اسيب وقت للمراجعة في الاخر

5- اروح امتحن و اكتب اللي اعرفه و اللي معرفوش

6- ارجع أعمل حاجة للفطار

7- افطر و أنام

8- أقلب في النت شوية و ادلع لحد ما الساعة تيجي 11 احس بالضغط و أبدأ اذاكر المادة اللي بعدها

 

و الحمد لله اخر امتحان كان النهاردة و حليت كويس بفضل ربنا!

 

اليوم النهاردة كان جميل لحد ما خلصت كلية و قررت اني اسافر في اسرع وقت ممكن

من غير تفاصيل كتير عشان ممكن اشتم لو توسعت في الموضوع

انا طلعت من بيتنا في المنصورة الساعة 3 و ربع تقريبا

وصلت بيتنا في القاهرة الساعة 9 تقريبا

يعني حوالي 6 ساعات بهدله

حوالي ساعتين منهم مكنتش مستمتع بوجودي في جنينة المصريين

 

ربنا يسترها علينا بقى

 

كفاية عشان انام

 

سلام

Read Full Post | Make a Comment ( 16 so far )

معلومات للشعب

Posted on Saturday, October 31, 2009. Filed under: My Life | Tags: , |

السلام عليكم

النهاردة جايب شوية معلومات و اختراعات جامدة جدا هتعجبكوا ان شاء الله

1- queueلمحبي النظام:

في اختراع جديد اسمه “طابور” تقريبا بيتعمل عشان محدش يظلم حد

على راي جورج عزمي:

بجد البتاع ده جامد جدا

احنا لازم نجيب البتاع ده مصر

نشتري منه الصيني حتى … هيبقى تحفة

2- عربية المشتريات:

ده صندوق فاضي ليه عجل من تحت

بيتحط فيه الحاجات اللي بتشتريها من المحل

عشان يوفر عليك تعبك في الشيل

و بيتزق والله مش بيتشد!!

3- 107029-main_Fullالاشارات:

دي باختصار لمبة صغيرة بتنور و تطفي في يمين او شمال العربية على حسب الجهة اللي العربية هتروحلها

بيستخدمها سائق العربية قبل ما يحود يمين او شمال عشان الناس تعرف هوا رايح في انهي داهية 🙂

4- السماعات:

SHH2618_00-GAL-global

معلش ممكن الاختراعات دي تبقى جديدة على البعض

بس اتمنى انها تعجب الناس و يبدأوا يستخدموها في أقرب وقت

عشان في ناس بتعاني هنا -.-

سلام!!

Read Full Post | Make a Comment ( 14 so far )

« Previous Entries
  • Recent Comments

    Abdallah Alaraby on م/وليد محمد محمود العدروس…
    waleed mohamed on م/وليد محمد محمود العدروس…
    nadir on Magic Cube
    angel on النية موجودة
  • Categories

  • June 2017
    S S M T W T F
    « Nov    
     12
    3456789
    10111213141516
    17181920212223
    24252627282930
  • Flickr

    Time changes everything

    More Photos
  • My Tweets

    Error: Twitter did not respond. Please wait a few minutes and refresh this page.

Liked it here?
Why not try sites on the blogroll...