قلقاس

Posted on Monday, June 28, 2010. Filed under: My Life | Tags: , , , , , , |

السلام عليكم ورحمة الله وبركاته

مع اني اتأخرت بس مارضيتش أضيع فرصة الكتابة عن يوم نهاية المرحلة الجامعية

😀

وبالنسبة لعنوان البوست … ماتدقوش اوي كدا

مانتوا بقالكوا سنيييييين بتاخدوا مناهج ملهاش علاقة بالمسمى بتاعها .. جت ع البوست بتاعي و هتقفوا؟ 😀

المهم بقى الحمد لله يوم 24-6-2010 ده كان يوم جميل جدا بكل ما تحمله الكلمة من معنى

خرجنا و قطعنا نفسنا فسحة عشان ميبقاش نفسنا في حاجة

اليوم ده بأمانة مايتنساش أبدا 🙂

أخدت الصورة دي في آخر اليوم

ربنا يقوينا و نخلص مشروع التخرج على خير يارب ونجيب كلنا امتيازات 🙂

Read Full Post | Make a Comment ( 2 so far )

دعوة إلى الهبل

Posted on Thursday, March 18, 2010. Filed under: My Life | Tags: |

الناس حبايبنا اللي في تيت راديو قالوا:

بيقولوا أول علامات الجنون انك تكلم نفسك
وتاني علامات الجنون انك ترد عليها
وانا دلوقتي بناقش نفسي … يبقى انا اتلحست رسمي

وانا جاي النهاردة اناقش الموضوع ده

انا من زمان بكلم نفسي

و من زمان برضه برد عليها و بناقش نفسي كمان

وانا عارف اني اتلحست من زمان خلاص

وده ممكن يكون بيحصل مع ناس كتير اوي الايام دي و خصوصا الناس اللي في دفعتي و اللي عانوا المعاناه اللي احنا بنعانيها

انا مقتنع تماما ان بما ان انت مصري .. يبقى انت اتلحست من بدري

..

بس في ناس بتلحق نفسها من الاول و في ناس بتكمل المسيرة

انا من الناس اللي كملت مسيرة الهبل دي

وان صح التعبير … أعتقد هيبقى احسن لو قلنا ماسورة الهبل

انا النهاردة مهيس

مش التهييس بتاع البني ادمين … لا فوق الطبيعي بكتير

اللي اكدلي ان النسبة كبيرة هيا اني كنت من شوية واقف قدام المراية بكلم نفسي و عمال اسأل و أرد على نفسي

مش بس كدا

لأ دنا كنت بعمل حركات عبيطة قدام المراية و اقعد اضضضضضضحك

وكل ماشوف نفسي وانا بضحك ف المراية اقعد اضحك اكتر

طبعا مش دي كل حاجة عشان اقول اني اتلحست خلاص

في عوامل كتير … يعني مثلا انا كل يوم او يومين بشغل مشروع لذيذ كدا معمول نتوورك عشان اعرف اكلم نفسي في الشات بتاعه

و بقعد العب و أتشات مع نفسي لحد ما اعرف ايه المشكلة اللي عايز احلها او حلها هيبقى ازاي

..

المهم بقى ان الناس اللي حواليا في المجتمع ابتدوا يقتنعوا بالحقيقة دي

وخصوصا اني قاعد لوحدي فاليقين بيزيد اسرع

ده حتى خطيب اختي بيسألني كل ما اكلمه “الحيطان بقت تتجاوب معاك ولا لسه لما تكلمها مابتردش؟”

وكمان ابويا لما شافني في مرة بكلم نفسي اتخض فعلا و قال للي حواليه: “بصوا الواد اتجنن و بقى يكلم نفسه ازاي”

..

بس اهم حاجة في الموضوع بقى اني مستمتع جدا

ومحدش عارف يوقفني عند حد معين و الموضوع عمال يزيد

..

الهبل حلو يا جماعة فعلا

ومحدش يقدر ينكر كدا لان الناس كلها بتقول جملة بتدل على انها حاجة حلوة

“احنا عندنا بطيخ بالهبل”

وده معناه ان الهبل حاجة حلوة أوي ومحدش يقدر يستغنى عنها

..

دي بس كانت دعوة إلى الهبل

Read Full Post | Make a Comment ( 20 so far )

مصحة سي إس

Posted on Tuesday, March 16, 2010. Filed under: My Life | Tags: , , |

حبيت أشارككوا بعض الأعمال الفنية من قسمنا (سي إس) في إحدى المحاضرات المجيدة

photo taken by mahmoud el-banna

كان في ورق كتير من معظم رجالة الدفعة بس ده اللي جمعناه في الاخر

ملحوظة: انا شاركت بالنجمة الصغيرة خالص دي 😀

كل محاضرة وانتوا طيبين

Read Full Post | Make a Comment ( 14 so far )

ليه مابنغسلش الهدوم في الخلاط؟

Posted on Sunday, January 3, 2010. Filed under: Other... | Tags: , , |

ليه مابنغسلش الهدوم في الخلاط؟

ده كان سؤال سألته على تويتر و كنت مستني اجابة منطقية

الاجابات اللي جتلي كانت كالآتي:

أحمد مسعود حب يجازف و يرد الأول: علشان صغير شوية؟

بس بعدها بمفيش … محمود البنا قال اجابة منطقية شوية و هيا:
علشان التلاجة مليانة

و جه رد تاني يؤكد رد احمد مسعود بس المرة دي كان من بشمهندسة ميادة:
عشان الخلاط اكبر من انه ياخد الهدوم

انا عن نفسي كنت بدأت أقتنع باجابة البنا:

اجابة البنا منطقية … مابنغسلش الهدوم في الخلاط لان التلاجة مليانة

… لحد ما مسعود رد تاني:
أو علشان البوتجاز فيه مية و ممكن توسخ الهدوم
ولما قلتله اني لسه منضف البوتجاز حالا:

أرجوك متجبش سيرة البوتجاز لاني لسه منضفه و خد من وقتي الثمين ساعة … و ده معناه ان المية اللي ف البوتجاز مش هتوسخ حاجة

… اقتنع اكتر و قالي:
طيب كويس انك نضفت البوتجاز كده حتعرف تغسل كويس

و بعدها أسامة جمال قال:
la2 .. la2en el 3’asala 2a2rab men el 5alat 3andena 🙂 .. plus el 5alat bey7tag mas7o2 aktar 😛
ولما حاولت أقنعه ان الغسالة دي اختراع فاشل قلتله:
الغسالة دي اختراع فاشل … عشان تنضف الهدوم تقوم تكرمشها؟؟؟ …

رد عليا ببساطة:
fe3lan na2es-ha sekena .. 3ashan teb2a 2×1 .. tekarmesh we te2ata3 😛

بس أنا عندي اجابة كنت محتفظ بيها و محدش قالها لحد دلوقتي:

واحنا نغسل الهدوم في الخلاط ليه أصلا؟!!

————————————–

نتمنى أن تكونوا قد اتخنقتم من بوستنا

و نأسف على التهييس

😀

و اشطة 🙂

Read Full Post | Make a Comment ( 18 so far )

Liked it here?
Why not try sites on the blogroll...