دعوة إلى الهبل

Posted on Thursday, March 18, 2010. Filed under: My Life | Tags: |


الناس حبايبنا اللي في تيت راديو قالوا:

بيقولوا أول علامات الجنون انك تكلم نفسك
وتاني علامات الجنون انك ترد عليها
وانا دلوقتي بناقش نفسي … يبقى انا اتلحست رسمي

وانا جاي النهاردة اناقش الموضوع ده

انا من زمان بكلم نفسي

و من زمان برضه برد عليها و بناقش نفسي كمان

وانا عارف اني اتلحست من زمان خلاص

وده ممكن يكون بيحصل مع ناس كتير اوي الايام دي و خصوصا الناس اللي في دفعتي و اللي عانوا المعاناه اللي احنا بنعانيها

انا مقتنع تماما ان بما ان انت مصري .. يبقى انت اتلحست من بدري

..

بس في ناس بتلحق نفسها من الاول و في ناس بتكمل المسيرة

انا من الناس اللي كملت مسيرة الهبل دي

وان صح التعبير … أعتقد هيبقى احسن لو قلنا ماسورة الهبل

انا النهاردة مهيس

مش التهييس بتاع البني ادمين … لا فوق الطبيعي بكتير

اللي اكدلي ان النسبة كبيرة هيا اني كنت من شوية واقف قدام المراية بكلم نفسي و عمال اسأل و أرد على نفسي

مش بس كدا

لأ دنا كنت بعمل حركات عبيطة قدام المراية و اقعد اضضضضضضحك

وكل ماشوف نفسي وانا بضحك ف المراية اقعد اضحك اكتر

طبعا مش دي كل حاجة عشان اقول اني اتلحست خلاص

في عوامل كتير … يعني مثلا انا كل يوم او يومين بشغل مشروع لذيذ كدا معمول نتوورك عشان اعرف اكلم نفسي في الشات بتاعه

و بقعد العب و أتشات مع نفسي لحد ما اعرف ايه المشكلة اللي عايز احلها او حلها هيبقى ازاي

..

المهم بقى ان الناس اللي حواليا في المجتمع ابتدوا يقتنعوا بالحقيقة دي

وخصوصا اني قاعد لوحدي فاليقين بيزيد اسرع

ده حتى خطيب اختي بيسألني كل ما اكلمه “الحيطان بقت تتجاوب معاك ولا لسه لما تكلمها مابتردش؟”

وكمان ابويا لما شافني في مرة بكلم نفسي اتخض فعلا و قال للي حواليه: “بصوا الواد اتجنن و بقى يكلم نفسه ازاي”

..

بس اهم حاجة في الموضوع بقى اني مستمتع جدا

ومحدش عارف يوقفني عند حد معين و الموضوع عمال يزيد

..

الهبل حلو يا جماعة فعلا

ومحدش يقدر ينكر كدا لان الناس كلها بتقول جملة بتدل على انها حاجة حلوة

“احنا عندنا بطيخ بالهبل”

وده معناه ان الهبل حاجة حلوة أوي ومحدش يقدر يستغنى عنها

..

دي بس كانت دعوة إلى الهبل

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

20 Responses to “دعوة إلى الهبل”

RSS Feed for BooDy's BloG Comments RSS Feed

عبدالله يا حبيبي .. مالك يبني منتا كنت كويس الصبح
وكنتوا شغالين كومبوا -دا دلع الكومبيلر- وزي الفل
😀
بدأت اقلق عليك زيادة يا عبدالله
😆
شكلي هسيب المدينة واجيلك اقعد معاك
علشان امشي الناس اللي انت قاعد معاهم دووول
لان واضح ان الموضوع جد
!!
حد يشيل الواد ده من الشقة يا جدعان
دخلوه 513 واحبسوه هناك لحد اما ارجعله
😆

يابني خلاص معدش في أمل

اللي اتكسر اتكسر و مينفعش يتصلح 😆

ولو عايز تيجي .. تشرف يا باشا والله
بس اعمل حسابك ان انا اللي هأثر عليك مش العكس 😀

انا فى البيت رمو طوبتى .. فا عادى انا مش شايف ان ده عيب او جنون ده طبيعى

انت فاكر انك انت لوحدك اللى كدا؟؟؟؟

لأ داحنا كتييييير! 😀
بس الدرجات تختلف يابني برضه 😀

انا : قاعده قدام الكمبيوتر وبتكلم وبصرخ وفجأه قولت يا حيوان
ماما وحد قربنا قاعدين قريب استغرب وبص لماما
ماما: مش بتقولك ياحبيبى هى شغاله كده مع نفسها 😀

انا كنت بشتم ال visual studio
بس انا مبكلمش نفسى الا لما اكون قاعده ع الجهاز او قدام التليفزيون غير كده ببقى سايلنت

احب ابشرك ان دي كانت البداية 😆

ياحبيبى ياعبده
أخر مره شوفتك كان باين عليك حاجه متغيره
بس ماتوقعتش انك تكون وصلت للدرجه دى 😀 😀 😀
الحل الوحيد انك يتعملك العمليه اللى اتعملت للمبى ورياض المنفلوطى يعنى نجيبلك مخ حد تانى
😀 😀 😀 😀 😀

/*في عوامل كتير … يعني مثلا انا كل يوم او يومين بشغل مشروع لذيذ كدا معمول نتوورك عشان اعرف اكلم نفسي في الشات بتاعه*/

بتمنى اشوفه خلص بقى!!
لان بصراحة الموضوع دا كفاية لوحده انه “يهبل” بجد!!!!….
ربنا معاكوا ومعانا كلنا…

@عموووووووور 😀
طيب هستنى واعمل العملية بعد ما اكشف ف الجيش
جايز يطلعوني للسبب دا 😀

@la principessa:
لا ان شاء الله هيخلص قريبا 😀

الهبل حلو 🙂
ساعه الشغل اما ابقى قااعد قصاد الجهاز بشتغل ف حاجه
واحل المشكله بذات لو كانت معصلجه معايا بقالها كتير
اروح قاايم من ع الجهاز واطلع الطاقه المكبوته جوايا وغالباا بتبقى الرخامه غلسه او الغلاسه رخمه على حسب الظروف
ف
الهبل حلو 🙂

انا دايما بطلع الطاقة اللي جوايا في المشاريع عشان اعرف احل المشاكل اللي بتقابلني فيها

عشان كدا لما تسألوني سؤال انا عارف اجابته بقولكوا الحل ببساطة لاني طلعت فيه كل شتايم الدنيا قبل كدا فمش مستاهلة مرة كمان 😀 😀

🙂
فعلا؟؟؟
مكنتش أعرف أننا كتير
دا أحنا شريحه عريضه من المجتمع بقي
انا بقول نعمل حزب وندخل الباب من بابه
😀

الجنون والهبل والعبط برده دول حاجه كويسه جدا ودول اللى بيميزوا بتوع حاسبات عن اى كليه تانيه

انا من ساعت ما دخلت الكليه دى وانا مش طبيعيه وخاصه اكتر لما دخلت سى اس الموضوع كبر اكتر

بس السؤال هنا هل عمرنا ما هنرجع طبيعين زى الاول فعلا !!؟

لانى بقلق على نفسى واللى حواليا اتعودوا على كده 😀

الجنون معناه انك انسان مفكر :)اوعبقرى

ما شاء الله
واضح أن الموضوع بيزيد معانا كلنااااااا
بس أكيد حضرتك ما وصلتش لدرجة أنك ترفع ازازة الميه عشان تشرب
وبعد شوية تحس أن رجلك جه عليها ميه
تبص تكتشف أنك كنت بتشرب الهوا
=))
أعتقد دي مرحلة هبل حضرتك لسه ما وصلتلهاش
😀
أنا خلاص فاضلي طوبة وادخل موسوعة جينيس للهبل
😀
وهو ده العادي من حاسبات
Welcome to the real life 🙂
يللا بينا نلحق الهبل بقي 😀

السلام عليكم،
ممكن إقترح شيء: يمكنك إحاطة موضوعك بـ <div style=”direction:rtl;text-align:right”> مع </div> لتعديل إنجاه الكتابة و المحاذاة الأسطر ليتناسب مع اللغة العربية.

شكرا جزيلا 🙂
انا جربت الكود ده قبل كدا بس ماشتغلش بسبب الستايل على حسب منا فاكر

هجربه في الستايل ده ان شاء الله في المواضيع القادمة 🙂

على الرحب والسعة 🙂

للتأكد فقط: عندما تكتب الكود، تأكد من ان محرر wordpress في وضعية HTML و ليس الوضعية العادية. و إن شاء الله سيعمل (لأنه يعمل على مدونتي بشكل طبيعي)

و السلام عليكم و رحمة الله

انا كنت متأكد اخر مرة جربته بس ماشتغلش

بس المرة دي جربته في موضوعي الجديد و اشتغل

شكرا 🙂

السلام عليكم،
ممكن إقترح شيء: يمكنك إحاطة موضوعك بـ مع لتعديل إنجاه الكتابة و المحاذاة الأسطر ليتناسب مع اللغة العربية.


Where's The Comment Form?

Liked it here?
Why not try sites on the blogroll...

%d bloggers like this: