حرام ليه؟!!!

Posted on Sunday, March 7, 2010. Filed under: My Life | Tags: , |


السلام عليكم

النهاردة بعد ما خلصت حضوري في الجامعة طلعت و كعادتي ركبت تاكسي

بس ركبت ف الكرسي اللي ورا عشان كان في واحد قدام

المهم بعد ما ركبت على طول لقيت بنتين بيقولوا للسواق ع المكان اللي رايحينه (مخدتش بالي بصراحة)

لقيته بيقولهم تعالوا

انا قلت اكيد واحدة بس اللي هتيجي و التانية هتكون رايحة مكان تاني

و في الحالة دي عموما هيبقى في كرسي فاضي في النص و الموضوع مش هيضايقني

بس ده محصلش … و لقيتهم هما الاتنين هيركبوا

فسألتهم .. انتوا الاتنين؟ قالولي اه

لفيت انا ع السواق و قلتله مينفعش مش هركب جمب البنت كدا يعني

المهم البنت لما لقت الموضوع كدا قالت خلاص مش مشكلة و قفلت الباب

سواق التاكسي بقى مش مثلا يتكتم .. لأ بيقولي يعني هما الاتنين موافقين وانت اللي رفضت؟

– اه طبعا حرام يعني … مينفعش البنت تقعد جمبي كدا

بس الراجل سكت

انا اه اضايقت من الموقف

بس اللي مضايقني أوي ان الظاهرة دي بدأت تنتشر لانها حصلتلي مرة برضه قريب … تقريبا في الامتحانات

و مش بس كدا … لأ ده المرة الأولى دي السواق قعد يتخانق معايا و ف الاخر كان عايز فلوس زيادة

(أينعم انا ماعبرتوش) بس برضه متوقعتش قلة الأدب توصل لكدا

ولما قلتله حرام قالي حرام ليه؟

ساعتها كنت هشيط منه … بس انا كويس في استفزاز الناس فقلتله اني والحمد لله عارف ديني كويس

اللي انا مش عارفه بقى

هل الظاهرة دي من زمان وانا اللي لسه حاصلة معايا الوقت دا مرتين قريبين من بعض؟

و ليه السواقين بيضايقوا لما يبقى معايا حق في الحاجات دي؟

هوا ايه اللي بيحصل ف البلد؟؟؟؟

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

20 Responses to “حرام ليه؟!!!”

RSS Feed for BooDy's BloG Comments RSS Feed

tab3n howa esta3’rab en 7adretak bet2olo 7aram .. ma tab3n .. howa sawa2 el taxi hamo ih el 7alal w ih el 7aram .. howa hamo el 2 gneh ely 7adretak day3tohom 3aleeh .. 😀
7asbeya allah w ne3m el wakeel f dy balad .. ana asln 3la a5ry menha !!

هو لو انا اتفتحت ف الموضوع ده مش هاتأفل لان الكلام مش هايبقى ف نقطه واحده ولا الموضوع هايقتصر ع الرد ع السؤال بس
بس برضه زى مافيه نوعيه السواقين دول فين سواقين محترمين ومابيركبوش اوبن
يعنى مثلا لو بنت قاعده ورا مابيقفش لولد يركبه او يأما يطلع البنت تطلع قدام جمب السواق والولاد ورا ونوعيه الويواقين دى اللى شوفتها الصراحه
بس موقفك ايجابى ياريت كله كده مكنش حد اشتكى

لا حول ولا قوة الا بالله

اللى يعيش يا ما يشوف 😦

اه الموضوع من زمان…
وآه قليل اللى بقى محترم…
بالنسبالى بقول هاتوا بنت يا اما بلاش!!
وان حصل غير كدا بحط كل حاجة فى ايدى بحشرها جنبى سواء كشكول او شنطة او استلف من اللى جنبى اتخن كشكول معاها!!
واهو احسن من قلته برضو …
والحمد لله ان مش بنتحط فى المواقف دى كتير!!

مش عارفة اقول ايه والله
بس هو اهم حاجة عنده انه يركب أكبر عدد من البنى آدمين فى 3 كراسى ملوش دعوة بقى حرام ولا حلال..مع انه عارف ان مينفعش 😐
وكمان لقى البنتين عندهم استعداد يركبوا م الأول يبقى ليه لأ!!:|

وبتختلف فعلا من سواقين لتانيين فى ناس عندها ضميير موجودة لسة اكيد

ربنا يرحمنا

هو على فكرة الموضوع ده من زماان حصلت معايا فى ثانوي وانا راجعة من درس فى رمضان والمغرب بيأذن خلاص والسواق استاذن وقعد يعتذر طول السكة ويقول معلش عشان بس نلحق نفطر فى بيوتنا وكنت حاطة شنطة المدرسة فى النص والراجل اصلا كان محرج جداااا

أنا اللى مستغربة منه هو أن ازاى البنات عادي؟؟؟
مفيش احراج طيب؟؟
مفيش حياء؟؟؟؟
ده الواحد يروح مشي أرحم
وبعدين ما أكيد ربنا هيكرم وتلاقى تاكسي تاني أكيد مش هتبات فى مكانها يعني
وحلو قوي السؤال بتاع حرام ليه؟!!!
طب خلاص نخليه حلال يعني عشان خاطره ولا ايه طيب؟؟؟
ربنا يهدينا ويهدي جميع المسلمين

هوا ايه اللي بيحصل ف البلد؟؟؟؟

لأ واضح أنه بيحصل كتير
الواقع بقي مؤلم أكتر ما الواحد متصور
ربنا يهدي الناس بجد

برافو عليك والله يا عبدو
😀
سيبك منهم مدام انت صح يبقى اى حاجه او اى حد بعد كده يولع ويضرب دماغه ف اضخمها حيطه
ربنا يثبتك 🙂

على فكرة المرة دي اللي نرفزني اكتر مش تصرف السواق … لأ تصرف البنتين
مكانش عندهم اي اعتراض انهم يركبوا جمبي و البنت كانت فتحت الباب و هتقعد فعلا لولا اني اتكلمت ..
..
أكيد في سواقين كويسين و دول اللي بجد ربنا يصبرهم لان سمعتهم بتتبهدل بسبب السواقين التانيين

الله اعلم هيعملوا فينا ايه بعد كدا

شكرا على ردودكم 🙂

انا كان بيحصلى كتير كدا وكنت بضايق لو واحدة بس حتى ركبت
بس حليت المشكلة انى مش بركب غير التاكسيات الفاضية عشان اركب جمبه واريح دماغى .. وانت عارفنى فى التاكسيات .. عين الجمل قصدى عين العقل يا صحبى

ممممممم , أنا الحقيقه مش شايف فيها حاجه
اذا كان البنات نفسهم شايفينها مش مشكله يا عبدالله
يبقه انته ايه المشكله بالنسبه لك ؟
انته قاعد فى كرسيك والبنتين طبيعى هيتلموا جمب بعض مش معقول هتلزق فيك
وبعدين أى تاكسى فعلا اللى يهمه انه يكمل تلاته ورا
فى حاله انك رفضت يبقه هو من حقه يطالبك بـ أجره الواحد الزياده اللى انته رفضت تركبه !

ارجوك قولي انك بتهزر ..

أنا
مش
بهزر 😀

اوك انت من حقك تقول رأيك برضه

بس خد بالك ان مش مشكلتنا ان البنات شايفينها صح ولا غلط
ولا حتى احنا شايفينها صح ولا غلط
اد ما مشكلتنا اصلا انها حرام!

وكمان بالنسبة لانهم هيلزقوا ف بعض
ماتضمنش .. وانا مش عايز ادخل ف نوايا الناس ف الحاجات دي

و مش من حق سواق التاكسي انه يطالبني بأجرة زيادة …
لان ببساطة أي تاكسي ف العالم كله المفروض مياخدش اكتر من زبون ف نفس الوقت
لو انت شايف ان ده حقه .. يبقى انت حقك انك تخليه يشغل العداد وتدفع زي ما العداد بيقول
اللي هوا هيبقى جنيه و نص ولا حاجة ..

المهم احنا مش هنمشي على مزاج الناس و نعمل زي ماهما عايزين و نسيب دينا زي ماهما عملوا

ابقى بص ف اللينك ده ع السريع كدا
http://www.islamweb.net/ver2/fatwa/ShowFatwa.php?lang=a&Id=126832&Option=FatwaId

🙂

أوكى جميل عارف الكلام دا والله
وعلى اساسه قولتلك هيكونوا لازقين فى بعض طالما ان فى ولد جمبهم .

تعرف ان فى سواقين ميكروباص فى الكرسى الاودمانى مش بيركبوا غير بنات !
ودا مش عشان بيحبوا يركبوا جمبهم بنات لكن عشان البنات لما بتركب اودام بتتزلق فى بعضها وبيبعدوا عن السواق وبيعرف يسوق براحته
انما لو ولدين اللى راكبين أودام هتلاقى واحد منهم قاعد على رجل السواق والتانى نايم ومطلع رجليه من الشباك 😀

بس ده برضو مايغيرش كون ان ده حرام!
لان اكيد هتلمسه حتى لو غصب عنها
فليه نخلي ده يحصل اصلا طالما ممكن نمنعه

دا هيوجهنا لـ نقطه تانيه وهى افرض الظروف حكمت بكده

كـ مثال افرض انك واقف فى حته مقطوعه , مفيش عربيات , الوقت متأخر , الجو بيمطر , الخ …
وجاى تاكسى فى واحد راكب أودام جمب السواق وفى بنتين راكبين ورا ونته لما شاورت للتاكسى عشان يقف مكنتش تعرف ان فى بنتين ورا
السؤال هنا :
هتركب ولا لاء ؟؟

اه دلوقتي بس فكرتني انك كنت بتقرأ رجل المستحيل … 😛

المهم لو الظروف حكمت انا هركب اه بس لازم هيكون في عازل بيني و بين البنت
بس عموما احنا كل دا كنا بنتكلم في الظروف الطبيعية

دائماً إعتبر إن المواقف دي هيه فرصتك الحقيقيه إنك تنصح غيرك ، جايز يكون سواق التاكس مش عارف إيه الخطأ الديني في كده فالمفروض إنك تعلمه ، أو كان عارف بس ناسي يبقي المفروض إنك تذكره ، أو عارف و مش مهتم يبقي برده تذكره لعله يستحي

المسلم عليه إنكار المنكر باليد أو باللسان أو بالقلب

انت معاك حق و كلامك فعلا صح

بس المشكلة بقى هي انهم لما يلاقوك بتتكلم بلين كدا بيفكروا انك خايف و بيعملوا معاك الواجب …
ولو اتكلمت عادي هيتخانقوا معاك

اصل انا مجرب 🙂
بس متقلقش هستمر ان شاء الله 🙂


Where's The Comment Form?

Liked it here?
Why not try sites on the blogroll...

%d bloggers like this: