لاجئ

Posted on Monday, December 14, 2009. Filed under: My Life | Tags: |


السلام عليكم

النهاردة البوست مميز حبتين

عشان بكتبه من عند عابد

مش من جهازه و بس … لا من بيته كمان

وانا لابس هدومه كمان

ربنا يعينه عليا بقى

المهم اني دلوقتي بكتب من على كيبورد ايطالي مفيهاش حروف عربي

و مفيهاش كلام انجليزي

المهم

الموضوع ببساطة ان مفتاح التاكسي وقع مني في الشقة ..

وانا قاعد لوحدي السنة دي في التاكسي فعشان كده محدش تاني ممكن يفتحلي

يادي النيلة … تاكسي ايه بس … اقصد الشقة … و المفتاح وقع ف التاكسي

اللذيذ في الموضوع اني ماخدتش بالي الا لما خلصت لعب مع صحابي في الخروجة التحفة (بجد المرة دي)

بس انا اكاد اجزم ان اليوم ده فيه حاجة غلط

لاني شفت حادثة وانا رايح لصحابي

و شفت حادثتين وانا راجع

و اللي حصلي ده يعتبر اكبر حادثة فيهم اصلا -.- كده 4 حوادث

الغريب اني بقالي فترة مريح واول ماجيت أشتغل الموضوع ده حصل

و كمان بوسترز الكات لسة واخدها النهاردة و المفروض تتعلق بكرة بالكتير

والشقة مقفولة عليهم

يعني ولا بوسترات ولا لاب ولا شغل ولا كريم كراميل ولا غسيل مواعين ولا أي استغلال للوقت في اي حاجة

أمري لله مضطر أستنى لما اهلي يبعتولي مفتاح الشقة بكرة 😦

الحمد لله اني معايا فلوسي و موبايلي والا كنت كرهت البنطلون اللي بيوقع المفاتيح بس ده …

دعواتكم للاجئ مؤقت

سلام

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

12 Responses to “لاجئ”

RSS Feed for BooDy's BloG Comments RSS Feed

وااااااااااااااد
اوعى يكون نفس البنطلون
الى وقع منه البطاقه واحنا بنجرى
لو مش نفسه
ابقه ارمى البناطيل الى عندك كلهااا
واشترى دسته بناطيل جديده
وقول لعمو بتاع البناطيل
عايز بناطيل من الى هى مش مقطوعه من الجيب
وسلملى ع الكيبورد الايطالى 😀

مش هوا 😦

ده واحد تاني بيوقع مفاتيح بس

لا حول ولا قوة الا بالله
الله يعينك يارب
معلش كلنا كدا …
وربنا يسترها معاك ومعانا ان شاء الله
(بس سؤال):-
الكى بورد بتكتب عربى منين؟!!
من جوا ؟! لو كانت من جوا
فتبقى حادثة
“5” بس :-s

الكيبورد مش مطبوع عليها حروف عربي
مكتوب عليها ايطالي
Invoi … Canc … Fine … Pausa

ممكن نعتبرها حادثة برضه!!

هيا فى حادثة من دى ف مصر؟!:D
الله معك…

معلش ..قدر الله وماشاء فعل

ان شاء الله يوصلك المفتاح فى أقرب وقت بإذن الله 🙂

بسمة .. الحوادث بقى فى منها مستورد اه

ههههههههههههههههههههههههه
هو ده اللى أقرد أقوله
يظهر عشان جو الإمتحانات بيلوح فى الأفق الحوادث بدأت تحصل
بس إن شاء الله ترجع التاكسي قريب وتاكل الكريم كراميل
😀

اكيد خير والله يابشمهندس
ربنا معاك والمفتاح يوصل بسرعه
وتقدر تعمل كل اللى وراك 🙂

hehehehe 😀
7elw 2l bantaloon 2ly bye3mel filtering da !
isa yegy b 2l salama we’re w8ing for the CAT’s posters 🙂

ههههههههههههههه
ربنا يعينك يا بشمهندس
وتكون المفاتيح وصلت بالسلامة ان شاء الله
بعد كدة ابقى اربطهم فى دبارة وعلقهم فى رقبتك عشان ميقعوش تانى
😀 😀

😦
3ayza a3ya6lk salaf wallahy

la3lho 5eer isA 🙂

الحمد لله بكلمكم من البيت 😀

و الحمد لله المفتاح وصل بالسلامة 😀

شكرا جدا جدا على الدعم المعنوي و شكرا لعابد على فترة الإقامة 😀

@Amany:
شكرا على دعائك … الحمد لله المفتاح وصل 😀

@your fate:
رجعت التاكسي و اكلت الكريم كراميل و كان طعمه تحفة 😀

@bosycat:
شكرا على دعائك …لسه الدعوة هتكمل لو خلصت اللي ورايا

@Rana:
lol
i’m not sure about the CAT posters, but we may stick one in front of our faculty

@senioreta:
فكرت في الموضوع ده فعليا والله

@angel:
لا مش مستاهلة
قدر الله وماشاء فعل … و الحمد لله المفتاح رجع
ده عشان اخد بالي من مفاتيحي بعد كده 😀

شكرا جزيلا على ردودكم و دعواتكم

سلامز


Where's The Comment Form?

Liked it here?
Why not try sites on the blogroll...

%d bloggers like this: