عيد بعد عذاب شديد

Posted on Thursday, November 26, 2009. Filed under: My Life | Tags: , , |


السلام عليكم

كل عام و أنتم  بخير بمناسبة عيد الاضحى المبارك

—–

النهاردة و الحمد لله كان نهاية امتحانات الميدترم

و الحمد لله انها خلصت والا الواحد كان جاله تخلف عقلي بسبب لخبطة الوقت دي

نظامي في الامتحانات دي كان أغرب نظام مشيت عليه في حياتي:

1- ابدأ مذاكرة ليلة الامتحان الساعة 11 أو 12 بالليل

2- اسهر للفجر في مذاكرة مستمرة و سحور في النص و عصير أو شعرية بلبن أو كراميل

(ده على حسب مزاجي انا و عابد)

3- انام ساعتين أو 3 ساعات بالكتير

4- أكمل مذاكرة و اسيب وقت للمراجعة في الاخر

5- اروح امتحن و اكتب اللي اعرفه و اللي معرفوش

6- ارجع أعمل حاجة للفطار

7- افطر و أنام

8- أقلب في النت شوية و ادلع لحد ما الساعة تيجي 11 احس بالضغط و أبدأ اذاكر المادة اللي بعدها

 

و الحمد لله اخر امتحان كان النهاردة و حليت كويس بفضل ربنا!

 

اليوم النهاردة كان جميل لحد ما خلصت كلية و قررت اني اسافر في اسرع وقت ممكن

من غير تفاصيل كتير عشان ممكن اشتم لو توسعت في الموضوع

انا طلعت من بيتنا في المنصورة الساعة 3 و ربع تقريبا

وصلت بيتنا في القاهرة الساعة 9 تقريبا

يعني حوالي 6 ساعات بهدله

حوالي ساعتين منهم مكنتش مستمتع بوجودي في جنينة المصريين

 

ربنا يسترها علينا بقى

 

كفاية عشان انام

 

سلام

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

16 Responses to “عيد بعد عذاب شديد”

RSS Feed for BooDy's BloG Comments RSS Feed

الحمد لله الامتحنات خلصت
كل عيد و انت طيب 🙂

يا عم حمد الله على السلامة
احمد ربنا انا واصل بيتنا الساعة 1 بليل .. وغيرك واصل الساعة 2
ربنا يسترها علينا
🙂
المهم كل سنة وانت طيب .. والعيد فرحة
ماااااااااااااااااء
😆

انا اخويا بيجيلنا من القاهرة..
طالع من شغله الساعة واحدة ووصل البيت الساعة 9 ونص بردو..
😐
كل سنة وحضرتك طيب
وحمد الله ع السلامة بردو

@Hunikal:
وانت طيب يا حبي 🙂

@elahlawy:
مااااااااااء 😀

@emanD:
ااااه ربنا يعينه بجد
طريق الرجوع من القاهرة كان واقف اكتر بكتير من الدخول للقاهرة
حمدلله على سلامته 🙂
حاسس بيه انا دلوقتي 😀

كل سنه وانت طيب .. 😀
انا كنت متابعك من خلال تويتر
😆
واضح انك كنت بتحارب مش بتسافر 😆
حمد الله ع السلامه 😀

هههههههه
معلش اصل ارخم واحد واقف في الطابور جه قعد جمبي في الاتوبيس
لا و عايز يحسسني ان الدنيا مش فارقة معاه
بيقوللي شغال في مصنع حديد و فاتح مصنع في المنصورة وواحد تاني في بورسعيد باين و بيروح اسوان يشتغل هناك كتير و عنده 5 عيال و مبسوطين و زي الفل و عايش في منطقة مستواها مش اوي و مش قادر يطلع منها

و كل ده وهوا معاه الابتدائية
بس متعلم احسن تعليم و متربي احسن تربية

تصور ده كله سمعته من واحد عايز ياخد دور كل الناس اللي قدامه في حجز تذكرة الاتوبيس
😆

وكل سنه وانت والمسلمين بخير
عيد سعيد بعد عذاب شديد

وانتي و المسلمين كلهم بالصحة و السلامة 😀

حمدالله على السلامة

وكل سنة وحضرتك طيب

عيد سعيد ان شاء الله 🙂

الله يسلمك

وحضرتك طيبة

بس اخر جملة مش هرد عليها عشان انا متأكد ان مليش اخ اسمه عيد
اظن الناس المفروض ماتقوليش عيد “سعيد” ولا عيد “مبارك”

قولولي عيد “زي الفل” عليك ان شاء الله 😀 😀

حمد لله على السلامة
وإن شاء الله العيد يبقي حلو علينا كلنا
ومشكلة الموصلات حاجة تقرف بصراحة
بس أنا اخويا خدها من القاهرة للمنصورة فى تلت ساعات بس 😀
وقت قياسي جداااا
ربنا معاكم
بس أحنا نركز فى العيد 🙂
كل سنة وحضرتك طيب
سلاام

أيوة كده حد بيقول عيد “حلو” علينا كلنا

ان شاء الله 😀

بس ثانية
يعني ايه اخو حضرتك خدها في 3 ساعات بس!

3 ساعات كتير على فكرة 😛
بس قوليلي هوا نزل في مطار ايه ف المنصورة؟ المختلط برضه؟

😀

loooooooooool hamd lelah 3ala salmtk 😀

eshta 😀

allah yesallemak ya m3allem

عيد “”زى الفل “” 😀 عليك وعلينا باذن الله

😆
يارب علينا كلنا 😀


Where's The Comment Form?

Liked it here?
Why not try sites on the blogroll...

%d bloggers like this: