اعمل نفسك عبيط

Posted on Tuesday, October 27, 2009. Filed under: My Life |


ليه الناس بتحب تتبع اسلوب “اعمل نفسك عبيط” و لما يكون في طابور بياخدوا دور الناس اللي جايين من بدري

 

و ليه برضه الناس مابتحترمش نفسها الا لما الواحد يزعق و يقرب يشتم؟؟

 

و ليييييه كمان الناس مابتتكلمش الا لما حد يبدأ يزعق؟؟

 

الاسئلة دي جت في بالي امبارح لما كنت في طابور محطة اتوبيس القاهرة لما لقيت الناس بتتزاحم قدامي وانا جاي من بدري و بدأت أزعق و الناس بدأت تنصرني و الناس اللي جايين متأخر احترمت نفسها

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

8 Responses to “اعمل نفسك عبيط”

RSS Feed for BooDy's BloG Comments RSS Feed

طب كويس جدااااا
أنا اتحطيت فى حالة مقاربة
يعني تقدر تقول كان فيه ناس فى محل ومعاهم تقريبا فريق حضانة
ويا سلااام على الهدوء بقي
حاجة فووووووق الوصف
وقعدت ارمي كلام أنا وأصحابي
بس محدش عبر وبقي الوضع كما هو عليه 😀
ده الموقف ده حضرتك تحسد عليه 😀

معلش ..هو دا الطبيعى من بنك مصر

قصدى انك فى مصر

لو لقوا حد ساكتلهم يتمادوا فيها ومحدش يحترم نفسه من سكات..ساعتها مينفعش الذوق فعلا!!

في اعتقاد سائد ان الانسان اللي بيزعق ده لازم يكون في حاجة مقوياه انه يزعق..
وبما ان تسع اعشار الشعب يتميز بالجبن والخوف…
فبيحترموا اللي بيزعق..باعتباره اكيد يقدر ياخد حقه…
وبما ان الوضع ده مش هيتغير قريب ان شاء الله..
النتيجة: الاستراتيجية الصح لما البني ادم يلاقي الناس بتستعبط..انو يحرجهم ويعلي صوته موجها او ملقحا الكلام عليهم…
يا اما يكشوا..يا اما يعلو درجة الاستعباط…انت وحظك:)

لان ده شعب دايما ساكت ..
ساكت على حقه .. ساكت على حاله .. ساكت عن انه ينطق و يطلعله صوت حق ..
و عامل عبيـــــط
و بالتالي لازم حد يزعق و يتخانق و يجيب عليها واطيها عشان اللي حواليه يبتدي يفوق .. و لكن للاسف بيفوق بشكل مؤقت جداا
و عمار يا مصر 🙂

@ur fate:
بصراحة اكتر اسلوب لاستفزاز الناس هوا رمي الكلام
فأحييكي لانك عرفتي تتعاملي مع الموقف صح 😀

@baby:
المشكلة مش في كده بس
ماهو في ناس كويسين كتير
بس المشكلة ان العدوى بتوصلهم

@emanD:
تحليل جامد جدا
بالنسبالي دي كانت أول مرة -تقريبا- أزعق فيها للناس اللي مش ملتزمين بدورهم
بس عجبتني التجربة و ممكن اكررها ان شاء الله 😀

@Rana:
“مؤقت” فعلا
لان بعد ما زعقت لقيت واحد واقف جمب الشباك كده و عامل نفسه “عايز يسأل بس”
و عموما هوا ماحجزش برضه لاني كنت مبحلق في وشه عشان ياخد باله ان في حد هياكله لو فكر يحجز قبل دوره

هههههههههه .. ياراجل إنت زعلان عشان واحد خد دورك في طابور محطة الأتوبيس .. إستني بس و شوف لما واحد ياخد دورك في الحياه و المعامله و المكانه ..

إستني لما تبدأ تحتك فعلا بالواقع لما تتخرج و تبدأ تحتاج حاجه من الحكومه .. أنا بيتهيألي إنت ساعتها هتكتب بوست ميت ألف صفحه

و كما قال أبو القاسم الشابي

إذا الشعب يوما أراد الحياة فلا بد أن يستجيب القدر

ولا بد لليل أن ينجلي ولابد للقيد أن ينكسر

ومن لم يعانقه شوق الحياة تبخر في جوها واندثر

كذلك قالت لي الكائنات وحدثني روحها المستتر

ودمدمت الريح بين الفجاج وفوق الجبال وتحت الشجر

إذا ما طمحت إلى غاية ركبت المنى ونسيت الحذر

ومن لا يحب صعود الجبال يعش ابد الدهر بين الحفر

فعجت بقلبي دماء الشباب وضجت بصدري رياح أخر

وأطرقت أصغى لقصف الرعود وعزف الرياح ووقع المطر

وقالت لي الأرض لما سالت: يا أم هل تكرهين البشر ؟:

أبارك في الناس أهل الطموح ومن يستلذ ركوب الخطر

وألعن من لا يماشي الزمان ويقنع بالعيش ، عيش الحجر

@KAM:
ايه التشاؤم ده حرام عليك يابني!!

و بعدين انا لو سبت ده ياخد مكاني في محطة الاتوبيس … هتعود اسيب حقي بسهولة و ده اللي ممكن يخلي حاجة زي اللي انت بتقول عليها تحصل!!


Where's The Comment Form?

Liked it here?
Why not try sites on the blogroll...

%d bloggers like this: