Taxi

Posted on Friday, July 10, 2009. Filed under: My Life | Tags: , |


Taxi

السلام عليكم

سواقين التاكسي بقوا حاجة فظيعة في البلد كلها

و التعاملات معاهم بقى حاجة صعبة جدا يعني

لدرجة ان في كتاب اسمه “تاكسي” نزل و المصيبة انه اترجم لـ 7 لغات

و هوا الكتاب الوحيد اللي اتباع منه اكتر من 75000 نسخة في سنة واحدة!!

منكرش ان الموضوع شدني … و قررت اني أقرأ الكتاب

الكتاب فيه 58 قصة … كل قصة منفصلة عن التانية …

في شوية قصص تحزن جدا … و في حاجات مسخرة بجد

الكتاب عجبني لان الكاتب جاب قصص مختلفة و فعلا وانا بقرأ الكتاب حسيت اني راكب التاكسي و الحوار ده بيدور قدامي

———————————————————–

انا طبعا بيحصل معايا مواقف عجيبة مع سواقين التاكسي

يعني كان زماني ألفت كتاب برضه 😛

بس الواحد بيسكت!

آخر موقف كان اول امبارح

ركبت لقيت السواق مشغل أغنية (تقريبا عبدالحليم) و عمال يغني معاه بصوت عالي

و الراجل عايش حياته … مع ان الجو حررررررر جداااا و مش مساعد

المهم قبل ما أوصل المكان اللي هنزل فيه … اديته الأجره بتعته

قالي … لسه جنيه كده

– جنيه ليه ان شاء الله؟؟

الراجل سكت شوية كده …. بتاع 10 ثواني في صمت و بيقوللي:

– يعني مش هتجيب الجنيه يعني؟!

– لأ مش جايبه

( و رسمت على وشي ابتسامة عريضة )

قاللي: – اه .. فأستني يعني؟

– أييييوة فأستك يا باشا 😀

كان الموضوع كله هزار من الأول و كان باين عليه شوية …

انا الحمد لله بقيت اعرف اللي قدامي بيهزر ولا لا بسهولة … 😀

اصل بيبقى في ضحكة مستخبية جواهم كده … بيحاولوا يخبوها … بس عرفت أفئسه (على حد قوله)

الموقف ده عادي جدا بالنسبة لمواقف تانية شفتها … و متخلونيش أحكي عشان منقلبش المواجع 😀 😀

———-

اه بالمناسبة انا لسه مغير الثيم من شوية

يعني متخافوش العنوان صح 😀

سلام 🙂

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

13 Responses to “Taxi”

RSS Feed for BooDy's BloG Comments RSS Feed

😀

ليهم حق يألفوا كتاب عن التكاسى والله

وخصوصا بقى لما يكون مشغل الكاست على اخره ومندمج قوى فى الاغنيه وبيغنى معاها تقريبا كانت لعبد الوهاب
وبعدين يقولى بابا بيسمع الحاجات ديه !!
انت مالك انت ومال بابا !!
ساعات بقى الزبون هو اللى بيضحك
يعنى اخر موقف كنت فى تاكسى ووقف لبنات واحنا على بعد خطوتين من جزيرة الورد وهما بيقلوله جزيره الورد لو سمحت 😀
الراجل استغرب وقال هو احنا فين 😆
ركبهم بقى وقعد يديهم درس بس بصراحه الجو كان حر يمكن انا لو مكانهم اعمل كدا 😀

3alm 2l tokosa male2 b 2l mofag2at 😀 ..

mabroOoOoOoK 2l theme .. w a7la 3la fekra 🙂

🙂
فعلا سواقين التاكسى دول تحسهم رجال أعمال ومش فاضيين خالص 🙂
بس أحلي موقف حصل كان فيه سواق تاكسي مشغل أغنية لأم كلثوم وبعدين جه صوت تصقيف وناس بتصفر وكده قام قايل دي صفارتي على فكرة أصلي كنت غاوي أحضر حفلات أم كلثوم قوي 🙂
ربنا يبعدنا عنهم بصراحة
ومبروك الثيم الغريب أني ماحسيتش أنه اتغير
هو ده كان موجود قبل كده ولا ايه؟
شكلي جالي زهايمر 🙂
سلااااام

شكله كان بيصفر مخصوص عشان يقول للناس كده
ده اذا كان هو اصلا 😀
—————–
دي أول مرة أحط الثيم ده 😀 😀

إيه ده كتاب عن التاكسيات
هشتريه طبعااااااااااااا
بس كنت أحب أنا اللى ألف الكتاب ده هههههههه
من كتر المواقف والحاجات الغريبة اللى بتحصلى
يعنى أنا بجد عمرى ما ركبت تاكسى إلا وحصلى موقف غريب
ومش أى مواقف ده بتبقى أغرب مما يكون
ده أنا مش المفروض أكتب كتاب ده المفروض أعمل مرجع هههههههههه
ومبروك على الثيم الجديد

تنبيه: الكتاب فيه ألفاظ و شتايم مش هيسرك انك تقرأيها 😀

بس الألفاظ دي مش كتيرة عموما

شكرا ليكم 🙂
و الله يبارك فيكو على الثيم 😀

واضح ان معظم مواقف التكسة مرتبطة بالأغاني القديمة
😀

هههههههههههه
الناس والتاكسيات
حصريا في شريط حيااااتى
يااااه التاكسيات
بينا كيميا من نوع خاص قلبت فيزيا وأحياء في ذات الوقت
حلوة الثيم
سلام

مبروك الثيم الجديد حلو اوى 🙂

سواقين التاكس معذورين بعد ماقريت الكتاب ايقنت بده
😀
ومنكرش انى فكرت ألف جزء تانى بس قلت اسأل الكاتب الأول
😀
الكتاب ممتع

امممممممم شكلي هحاول اجيبه .. وواضح انه حلو
🙂
مبروووك الثيم الجديد يا معلمي
حلو اووي على فكرة
😀

Loooooool
7elwa fa2asteni de 😀 😀 !!!

ثانكس يا يببول على كومنتاتكو 🙂

That book is amazing, kefaya enno wesel el tab3a el 15 bayen :D..


Where's The Comment Form?

Liked it here?
Why not try sites on the blogroll...

%d bloggers like this: