صباح النتيجة …

Posted on Thursday, July 2, 2009. Filed under: My Life | Tags: , |


-قايم من النوم على صوت أمي و هيا بتقولي:

-“قوم يا عبدالله عشان اختك بتقول نتيجتكو ظهرت اهه”

-ماشي بس ثواني و هقوم اهو

– قوم يابني وابقى نام تاني بعد ما تشوفها

– لازم اشوفها يعني؟!

– انت دمك بارد اوي من ناحية النتيجة كده ليه

– ……….

طبعا بعد التفكير الطويل … قررت اني اجيب النتيجة

-خلاص هقوم أجيبها اهو

و قمت فعلا و اخدت الكارنيه بتاعي عشان مش حافظ الآي دي

و دخلت من شارع الاستبيان كده و رايح على النتيجة

لقيت يافطة بتقول

“تم حجب النتيجة لعدم سداد رسوم امتحان مواد التخلف”

انا طبعا:

– الله يحرقكم و يحرق النتيجة في يوم واحد

أمي:

– طيب هتعمل ايه يابني مفيش حل للموضوع ده؟

– الحل الوحيد اني انزل الكلية و اروح اقلبلهم الدنيا عشان انا دفعت الرسوم اللي بيقولوا عليها دي بس هما بيستهبلوا!

-خلاص معلش يابني روح و لما ترجع ابقى نام برحتك … أهم حاجة تطمنا عليك

(في الكلية)

انا: السلام عليكم

أ/أمنية + أ/أشرف: و عليكم السلام

انا: انا عندي سؤال بس ..

(اديته الكارنيه بتاعي و بدأت كلام)

هوا مش ده كارنيه الكلية برضه؟

أ/أشرف: اه ايه المشكلة؟

انا: يعني مش أنا اللي مزوره ولا حاجة!!

أ/أشرف: لا بس قولي انت عايز تقول ايه

انا: ثانية بس … معنى ان الكارنيه ده أصلي و مكتوب فيه مستجد تخلف .. يبقى أنا دفعت رسوم التخلف!!

(عدت 5 ثواني في صمت كده)

أ/أمنية: اااااه … انت دخلت تجيب النتيجة ومكتوبلك انك مدفعتش الرسوم؟

انا: أيوه .. بالظبط!

أ/أمنية: لا دي مشكلة نت اصلا … يعني المشكلة مش من عندك

(و تكمل كلامها ..) … طيب انت جبت النتيجة؟

انا: لا لسه طبعا … منا مش عارف اجيبها عشان السبب ده!

هي: انت قسم ايه؟

انا: علوم حاسب

هي: هيا نتيجتكوا ظهرت أصلا؟

انا: أيوه ظهرت و لسه داخل الصبح ع النت و لقيتها موجودة في السايت

أ/أشرف: طيب استنى أما اشوف الموضوع ده … تعال

(قعد على الجهاز التاني و دخل سايت الجامعة عشان يتأكد الأول ان النتيجة ظهرت فعلا … بعدين اخد اسمي و القسم اللي انا فيه)

هو: جبت جيد … ألف مبروك

انا: (ملحقتش أشوف النتيجة ولا أي حاجة .. يادوب لمحت ان مفيش حاجة صفرة و خلاص)

أحمدك يارب … مش طالع بمواد

————————————————–

اتصلت بأمي اقولها ع اللي حصل … قعدت تباركلي و فرحت الحمد لله

(في البيت بقى)

قلت أشوف جايز سايت الجامعة حن علينا و صلح الخطأ المتخلف اللي خلاني أنزل الكلية

لقيت ان النتيجة برضه محجوبة

انا: (طيب فين السرير بقى؟) … انا عايز انام

ايه اللي خلاكوا تصحوني؟ … في أولويات يا جماعة

النوم ثم النتيجة

أمي: خلاص يبني الحمد لله اننا اطمنا عليك … ادخل كمل نوم بقى

انا: خلاص هستنى اصلي الضهر و انام تاني بقى

و دلوقتي انا مستني الأذان بفارغ الصبر عشان اصلي و أدخل اتقِلِب تاني على السرير

جايز لما اصحى يكونوا ظبطوا سايت الجامعة (مش عارف ليه عندي أمل زيادة كده)

و عموما الواحد اتعلم حاجة مهمة جدا من الكلية دي

“الصبر”

فأنا مقداميش الا اني أصبر من دلوقتي لحد يوم الأحد (عشان الجمعة و السبت اجازة)

و لو السايت مظبطش … هنزل الشئون تاني أعرف درجاتي كلها من هناك و خلاص

اهو برضه الواحد يكون صحي و فاق كده … بدال منا كنت رايح مش قادر أتكلم و عايز أفتح فرع للسرير في الشئون

طولت أنا عارف .. بس هعمل ايه … الضهر مكنش راضي يأذن .. و الحمد لله بدأ أهو

يلا سلامز بقى

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

21 Responses to “صباح النتيجة …”

RSS Feed for BooDy's BloG Comments RSS Feed

صباح الخير اولا ثم الف مبروك اولويات بقى 😀
نتيجتكم ظهرت ونجحتوا الحمد لله اهو يعني مفيش حد احسن من حد
ومبروك مره تانيه يا حبي وعقبال السنه الجايه

فعلا أولويات يا معلم 😀

الله يبارك فيك يا صحبي 🙂

الف مبررررروك

ا

الف مبروك ياعبدالله عقبال التخرج

ألف مبروك يا بشمهندس
والظهر أدن والناس صلت
ودلوقتى 2.30
يعنى الشئون روحت
ويبقي الوضع علي ما هو عليه
خيررر جدااا
سلام

وانا نمت و صحيت و الحمد لله الحياة ماشية زي الفل اهي 😀

مبرووووووووووووك

وعقبال التخرج ان شاء الله 🙂

مبرووووووووووووك يا عبدالله
عقبال التخرج ياااااض
🙂
وعقبال اما نتيجتنا تظهر بقى .. نفسي حد يقولي مبروك عديت نضيف
😀

ان شاء الله تنجح يا معلمي و بتقدير جديد اسمه
“كويس جدا”
و بإذن الله هتعدي نضيييييييييف 😀
بس مبدئيا خد الجهاز حطه تحت المية شوية و نضف فيه عشان النتيجة تطلع نضيفة 😀

مبروك عقبالنا كلنا
والواحد يتخرج ويخلص من الكليه دي بقي

مبرووووووووووووووووووووووك يا ملعم

الف مبروك وعقبال السنة الجاية ان شاء الله

البكالوريا 😀

alf mabroOoOok .. 🙂

ostaz ashraf da b 2l ta7ded ba3ezo gdn .. da mafrood yeshta3’l f 2l kafeterya w yl3ab door 2l botgaz !

2nsan mostafez ..

🙂

الله يبارك فيكي 🙂

والله أ/أشرف راجل طيب … بس هوا ليه تصرفات غريبة شوية 😀

الله يبارك فيكو جميعا 🙂

و ان شاء الله عقبالنا كلنا لما نتخرج و نلاقي شغل كويس يرضينا 🙂

و الف مبروك لكل الناجحين و ان شاء الله ناجحين دايما في حياتكو 🙂

ألف مبرووووووووووك لحضرتك 🙂
والمهم أنك عرفتها
وعرفت أن السنة دي عدت
وعقبال السنة الجاية والتخرج ياااا رب
وعقبال الشغل إن شاء الله 🙂
سلااام

ألــــــــــــــــف مبروووووووك

:d

الف مبروك ياعبدالله
وعقبال البكالووووريااااا 😆 😆

1000 مبروك يا عبدالله
واسف جدا ان انا جيت متاخر
لان انا كنت تعبان فترة و النت مقطوع فترة تانية

الله يبارك فيك
…..
ولا يهمك يا حبي 🙂
و ألف سلامة عليك يا معلم 🙂

شكرا لكل اللي ردوا 🙂
و الله يبارك فيكم جميعا 🙂

Congratulation


Where's The Comment Form?

Liked it here?
Why not try sites on the blogroll...

%d bloggers like this: