ربنا ينتقم منهم …

Posted on Tuesday, June 23, 2009. Filed under: My Life | Tags: , |


يوم جميل جدا!

يبدأ باني مصليتش الفجر ولا نزلت أعمل رياضة زي ماكنت مخطط

و يارتني حتى ارتحت في النوم

صاحي على صوت واحد من الحيوانات اللي بيبقى معاهم موتسكلات و مشغلين أغاني على أعلى صوت

و سعادته واقف بالموتسكل بتاعه اللي ابوه جايبهوله و بيتمنظر بيه

و عمال يكلم صاحبه في الشارع … و مش هاين عليه يوطي الصوت

و ياريته حتى مشغل حاجة عدلة …. و حتى لو مش حاجة عدله … ياريته ثابت على أغنية واحدة

لأ عمال يقلب بين الأغاني المعفنة اللي زيه

لغاية ما لستة الأغاني خلصت و عادها من الأول

و طبعا أنا مستمتع جدا وانا بسمع بدايات الأغاني الهابطة دي

قمت من النوم مصدع و مش طايق حيوانات المتسكلات … ربنا ينتقم منهم جميعا

——————————————————————————————————————-

المهم خلاص شلت الموضوع من دماغي و نزلت أصلي الضهر

صليت و رحت جبت حاجات للبيت

و شايل حوالي 12 كيلو كده ولا حاجة

جيت لقيت الأصنصير واقف في الدور السادس!

أخبط عشان يقفلوا أم الباب … مفيش

أزعق .. برضه مفيش

قلت يبقى أكيد هوا عطلان و مش هيشتغل دلوقتي

طلعت على السلم و انا بقاوم كل الاحوال الجوية و النفسية

وانا في الدور الخامس علوي .. و في دورين تحت للمطعم اللي تحتنا … يعني نعتبر في السابع

راجع مش طايق الحر بقى و كده

شوية و طلعت اشوف ايه موضوع الأصنصير ده لقيتهم كانوا فاتحين الباب – كالعادة – و مستنيين يجيبوا حاجة من فوق و ينزلوا

والله الواحد كان دايما يقول ندعيلهم و نقول ربنا يهديهم

بس خلاص انا جبت أخري من الحاجات اللي -للأسف- تعتبر نوع من أنواع البني آدمين

و ربنا ياخدهم و ياخد كل ظالم زيهم

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

10 Responses to “ربنا ينتقم منهم …”

RSS Feed for BooDy's BloG Comments RSS Feed

و شايل حوالي 12 كيلو كده ولا حاجة//
:d
بصراحة انا ضحكت والله
اصل فعلا بيحصل كدا
وبرضة فى الدور السابع!
بس للاسف حجات بتكتر مش بتقل
:d معلش

ربنا يعينك يبنى وينتقم منه

بجد فعلا ناس عجيبة جدااا
ربنا على الظالم والمفتري
بس الحمد لله أن اليوم عدي على خير 🙂
أنا بقي فيه عفريت فى الشاشة بتاعتي
وعمال يلعب فيها ويفتح حاجات ويقلب ويقفل حاجة زي الفل بصراحة 🙂
يلا لينا ربنا 🙂
سلاااام

ربنا معاك يا عبدوو
الواحد بيحصلوا مواقف زي كده برضه
بس الواحد بيعديها علشان دمه ميتحرقش
🙂
فكك يا معلمي
😀

هههههههههههه لا حول ولا قوة الا بالله

لو بقيت رئيسة جمهورية هغرم كل من يعلى صوت تسجيل وربنا

ياريت والله

و ياريت تقوليلي لو بقيتي رئيسة جمهورية عشان في عادات كتير زي دي عايزة تتعدم 😀

صاحبي السيد جمال اتكلم في بوست مشابه على البلوج بتاعه

بعد حوارنا امبارح على الموضوع ده 😀

ya3eeni!
m3lesh m3lesh..te3ish w matshofsh el nas de tani insha’allah 😀

ana law mnk b al 12 kilo 2ly f edy w 3la dema3’hom 😀

تيجي نبدل شويه
الواحد اليومين دول في امس الحاجة لشويه دوشه من الي عندك دول
عايز احس ان لسه فيه بني ادمين عايشين 😆 😆
ربنا معاك والله 😀


Where's The Comment Form?

Liked it here?
Why not try sites on the blogroll...

%d bloggers like this: