يوم من أيام سي إساوي …

Posted on Monday, May 4, 2009. Filed under: My Life | Tags: |


النهاردة ماأخدناش المحاضرة الأولى و خلصنا المحاضرة التانية بسرعة …

بس الواحد طلع بشوية حاجات كويسة النهاردة

زي ….

1- عرفت ايه المشكلة بالظبط في الـ

Threading in python

عقبال الحل ان شاء الله 😀

2- حطيت لسته بمواصفات الناس اللي ممكن ادخل معاهم في مشروع بعد كده

نظرا لمشاكل كتير حصلت بسبب عدم اختياري للتيم المناسب

ممكن اقول اللي توصلت ليه في الموضوع ده …

– عايز حد مابيتخانقش ولا بيزعق على كل حاجة

– حد مايفرضش عليا رأيه

– حد ممكن يشتغل تحت ضغط … تحسبا لأي مفاجآت

– حد يشتغل في التاسك بتاعته و يلتزم بيها مايدخلش على تاسكات تانية

ممكن في حاجات كمان … بس لسه مش في بالي ..

3- أخيرا بقى … توصلت لفوائد محاضرة الـ

Artificial Intelligence

– مفيدة جدا للتفكير في المشاريع و المناقشة بينك و بين التيم بهداوة و بصوت واطي

– مفيدة جدا لقراءة الكتب من أي نوع كانت

– مفيدة في الشغل في المشاريع …. (اقعد ورا حد طويل و افتح لابك)

– مفيدة للترويح عن النفس …. الواحد بيضحك شوية كويسين في المحاضرة!!

– لازم كل مرة الدكتور يفكرك باللقب بتاعك (جاهل)

– التجمع مع صحابك اللي في القسم التاني …

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

21 Responses to “يوم من أيام سي إساوي …”

RSS Feed for BooDy's BloG Comments RSS Feed

اااااااااااه يا بشمهندس
المحاضرة على كده طلعت مفيدة جداا من ورايا 🙂
أصلي نفسي أعرف قعد فى محاضرة وأعمل حاجة تانية 🙂
يلااا وأهم حاجة اللقب بتاعنا ده
بيحسسك أن الدنيا لسه فيها خير طول ما أنت جاهل وعايش عادي كده 🙂
بس ما أعتقدش بكرة هيبقي فيه فايدة
سكشن وامتحان ومحاضرة وإحتمال محاضرة كمان 🙂
يلا سلاااااااااااام بقى

اه … المفروض ينزلولنا جدول كل يوم 🙂

هيبقى احسن بكتييير!!!

/* 2- حطيت لسته بمواصفات الناس اللي ممكن ادخل معاهم في مشروع بعد كده

نظرا لمشاكل كتير حصلت بسبب عدم اختياري للتيم المناسب

ممكن اقول اللي توصلت ليه في الموضوع ده …

– عايز حد مابيتخانقش ولا بيزعق على كل حاجة
– حد مايفرضش عليا رأيه*/

بالظبط كده .. أووووول مرة أتقرص فى مشروع
بس مش بسبب سوء اختيار للتيم .. بس سوء اختيار لحاجات تانية +فرض آراء = حالة نفسية ومزاجية وحشة ينتج عن ده كله.. مشاكل وعدم انتاج كويس للمشروع

وبجد أهم حااجة (بالنسبالى ) عشان أشتغل بمزاج ..توفر الحاجتين اللى فوق دول .. لو اتوفروا باذن الله كله هيبقى تمام من غير عصبية ولا بتاع

وأحب أضيف حاجة كمان .. كل ما قل عدد أعضاء المشروع …كللللل ما الانجاز بقى أكتر وأسرع

ربنا معانا كلنا ونخلص المشاريع دى على خير 🙂

عدد الاعضاء دي كانت مشكلة تانية برضه
بس في مشروع التخرج … انا سمعت ان العدد مايقلش عن 8 او حاجة زي كده

بالنسبه لمواصفات التيم فتقريبا كلنا اتعلمنا ازاي نختار التيم بتاعنا
بالنسبالي حاطه حوالي خمس مواصفات كمان غير بتوعك 😀

محاضره ال AI
لو حاولت اعدد مميزاتها مش هقدر 😀

بس فعلا الموضوع ده فادني كتير و خلاص عرفت مين ممكن يبقى معايا و مين مستحيل اشتغل معاه تاني الا بشروط طبعا

// مفيدة في الشغل في المشاريع …. (اقعد ورا حد طويل و افتح لابك)

– مفيدة للترويح عن النفس …. الواحد بيضحك شوية كويسين في المحاضرة!!

– لازم كل مرة الدكتور يفكرك باللقب بتاعك (جاهل)

– التجمع مع صحابك اللي في القسم التاني

————-
😆 😆

هى ليه المحاضره ديه فكرتنا بمشروع التخرج … هو الدكتور جاب سيرته 😀 😕
أصل انا ببقى فى المحاضره ومش فى المحاضره 😀

لا انا اصلا بفكر في مشروع التخرج بقالي فترة 🙂

بشوف كل الاخطاء اللي بتحصل في المشاريع بتاعت السنة دي عشان ماكررهاش في مشروع التخرج 🙂

نسيت فايدة كمان للمحاضرة
هو أنا مش في سي اس بس الفايدة دي في كل المحاضرات
بتعرف تنام على طووول من غير ماتحاول تمسك كتاب تذاكره علشان تنام
😀

بالنسبة للمشروع
كويس ان كان فيه مشاريع تبين التيم المفروض يبقى ازاي
و بجد لو التيم ده كان كله زي واحد أنا عارفه يبقى أكيد الدنيا حتمشي من غير مشاكل 😀

مش قصدي انت علشان لسا ماشتغلتش معاك في مشاريع 😛

أكيد قصدك على
Hunikal
🙂

انت مش متخيل اد ايه انا نفسي اشتغل معاكوا انتوا الاتنين في اي مشروع! 😀

انا كنت بقول اصلا لو مشروع التخرج مش كل قسم لوحده كنت دخلت مع آي تي … (اللي هما انتوا يعني)
😀

معدتش تفكر كتير في الموضوع دا .. اللي ربنا عاوزه هيكون

سيبها لله … وربنا ييسر

ربنا يسهل ان شاء الله 🙂

أهااا المحاضرة دي بقت أدمان لو ينزل منها فواار هتبقي مفيدة في الصيف
أنا باخدها فترة تأمل للنفس كدا حلوة وصفاااء
وضحك بقي لما تخرج عن الطريق المرصوف أصله ما بيعرفش يسوق 😉
شوف بقي الكلام الي يودي ورا الشمس الي بقت قدمنا أصلا
وأهم حاجة في أختيار التيم
الروح + النفس + الحاجات العادية بقي
سلاااام

في حاجات كتيييييييير مهمة لاختيار التيم المناسب

بس انا دققت على الحاجات دي عشان دي اللي اتقرصت فيها الترم ده 🙂

فعلا يبشمهندس عندك حق
وبالنسبة لانى فعلا اضايقت دلوقتى كمان
فاحب اقول انا كمان مشكلتى مع التيم
وانى اتعلمت فعلا اختار الناس اللى بتشتغل صح
واللى بتحط فى دماغها تنفذ المشروع ايا كانت الضغوط
وان كمان تحط فى دماغها الحماس وعدم الاحبااااااااااااااااااط
ولو حتى مكنش عندها دافع للانجاز والحماس فبلاش تحبط اللى عمال يشتغل وطالع روحة فى المشروع!!!!!!!!!!!!1
مش حيبقى دا كمان يعنى
وحاجة كمان
مفيش حاجة اسمها على قد قدراتى انا حعمل
وعلى قد قدراتى انا حشتغل
وعلى قد قدراتى انا حنفذ مشروع
لان لو خدناها كدا يبقى مش حنفذ حااجة وحنفضل زى محنا ومش حنتغير ابدا
وحجات كتييييييييييييير اوى اوى فعلا لسا متقالتش
شكرا جدا

ان شاء الله على ما الواحد يكون التيم بتاعه يكون عرف بالظبط مين الكويس بالنسبة ليه 🙂

ربنا يسهل بس و يااااااااااااااااارب تبقى الاقسام مع بعضها
ساعتها هيبقى في تفكير تاني ..

ان شاء الله 🙂

الحمد لله اهه يوم وعدى على خير بالنسبه لمحاضرات الايه اى ده موضوع تانى لانى محضرتش تقريبا الا محضرتين باين والله اعلم بالنسبه للمشاااريع طبعاا فا اانا كمان اتعملت م الموضوع ده جدااا
وكفاايه اوى انى اختلطت بكل وااحد فيكو وعرفت مين ممكن يطلع شغل ف معاده ومين لااا
وعرفت مين بيشتغل ومين بيكلم وخلااص
والحمد لله اهه الواحد بيتعلم 😀

/Basma/ولو حتى مكنش عندها دافع للانجاز والحماس فبلاش تحبط اللى عمال يشتغل وطالع روحة فى المشروع!!!!!!!!!!!!1
مش حيبقى دا كمان يعنى
//
بجد يا بشمهندسه بحييكى على النقطه ديه
جزاكى الله كل خير

فوايد المحاضرات دي الواحد بيطلع بفيدة جديدة كل محاضرة

وبالنسبة للمشروع كويس ان انت تعرف التيم اللي معاك و اية اللحلو والوحش فية و تتعلمو تشتغلو مع بعض بس في حجتين متنسهمش
– ومتنساش كمان ان انت ممكن يكون عندك اخطاء حاول تبص من وجهة نظر الناس اللي معاك كمان
– الناس بتتغير و تتعلم سعات مع الوقت يعني مش شرط كل حاجة وحشة تفضل زاي ماهيا واهم حاجة تعرف تفصل بين الشغل,المشاريع و الصحوبية يعني مفيش حاجة تئسر علي التانية

ربنا يوفئك يا مان و يوفقنا جميعا

واهم حاجة تعرف تفصل بين الشغل,المشاريع و الصحوبية

ده السبب الرئيسي اللي خلاني أكتب البوست ده أصلا 😀

بس ان شاء الله هيبقى الشغل في ناحية و المشاكل الشخصية في ناحية تانية

شكرا على كومنتك يا صاحبي 🙂

Do you know that i’m in a team of five people since our first year in college and we have done everything together since then …

And by the way this isn’t because we are a good team or anything , this is because we know that we are a good team so we live up to it ..

You don’t have to gather the best minds to make a great team , you only need to gather people who know that they will make a great team ..

Another thing , i really envy you for what you take in college , i always wished to take these courses officially instead of reading in them unofficially but what can you say 😀

Good Luck

بجد ربنا يوفقكوا في التيم بتاعكوا 🙂

و بالنسبة للمواد اللي بناخدها في الكلية
اوكي انت ممكن يبقى باين قدامك ان المواد بتاعتنا كويسة جدا جدا

و هيا فعلا كويسة … بس لو ادرّست صح!!
و طبعا قليل من المناهج دي بتدرّس صح …

You don’t have to gather the best minds to make a great team

معاك حق في النقطة دي 🙂
انا فعلا مش مهتم بحكاية تجميع أحسن ناس و كدا
انا مهتم ان التيم اللي ابقى معاه … ماظلموش ولا اتظلم منه

يعني ماحدش ياخد شغل زيادة اوي عني و يقوللي بخفف عليك …
انت كده بتظلمني باني مش هستفيد حاجة من المشروع كدا
و بتظلم نفسك عشان بتحمل نفسك أكتر من طاقتها …


Where's The Comment Form?

Liked it here?
Why not try sites on the blogroll...

%d bloggers like this: