CAT

Posted on Sunday, April 26, 2009. Filed under: CAT, My Life | Tags: , , , , |


السلام عليكم و رحمة الله و بركاته

النهاردة هتكلم في موضوع كان نفسي أتكللم فيه من زمان

بس حبيت يبقى في مناسبة عشان أتكللم في الموضوع الشيق ده

الموضوع ده غير ناس كتير … و من ضمن الناس دي “أنا”

و أكيد من ضمنهم ناس هيقرأوا البوست ده

عنوان الموضوع … زي مانتوا شايفين فوق

CAT

كات هوا اختصار

Computer Assistance Team

و ده على رأي “إيفان” صاحبي … “أجعص جروب آي تي في كلية الهندسة جامعة المنصورة”

😆

المهم …. أنا ايه اللي خلاني أكتب البوست ده دلوقتي؟

بصراحة أنا بقالي فترة مستني اليوم ده عشان أشوف تطوراتي من ساعتها

من ساعة ايه؟؟

من ساعة ما عرفت الـ CAT

و كان بتاريخ 22 – 4 – 2007 … و ده كان أول يوم في

Scope 6

cat-scope-6

أول معرفتي بـ “كات” كان من كلام واحد صاحبي “حسن ابراهيم” … و كانت أول سيشن أحضرها هي سيشن:

Design Talk “2” … by “Ahmed Ali”

(و بصراحة دي السيشن الوحيدة اللي حضرتها في السكوب)

أظن الناس اللي عارفين الكات و عارفين أحمد علي … عرفوا أنا ليه حبيت كات 😀

أحمد علي كان من الناس اللي حببوني في الجرافيكس … و كل سيشن أحضرهاله بيبهرني بحاجة جديدة -ماشاء الله عليه- 🙂

المهم نرجع لموضوعنا … أنا ليه ماعملتش البوست ده يوم 22؟؟؟

عشان 26 – 4 – 2007 ده كان يوم اتخاذ قراري اني أشارك في كات

أشارك بإيه؟؟ باني أحضر السكوب الجاي كله … و مافوتش ولا سيشن

😆

الواحد كان على أد نياته بقى أياميها!! 😀

المهم … اتخذت القرار فعلا … و حضرت السكوب اللي بعده كله

Scope 7

و كان بتاريخ 23 – 10 – 2007

و ده كان نقطة التحول في حياتي 🙂

من أول هنا بقى … و أنا بدأت أغير اسلوب تفكيري … و أغير وجهة نظري للمجال بتاعي

و من ساعتها و أنا بقول اني مش ديزاينر … أنا بس بحب الديزاين

و اشتركت في “بيكسي كات” في يوم 25 – 10 – 2007 بس ماكنتش اشتغلت تقريبا

و من بعدها عرفت اللينوكس و أخدت كورس مع “أيمن طاهر” … و كان هوا الـ

CAT Coordinator

ساعتها … و بجد كان أكتر واحد شجعني اني أدخل الكات و أشارك و لو في مشكلة مقابلاني أقول عليها و كده

و بدأت المشاركة فعليا في

Scope 8

cat-scope-8و السكوب ده كان بتاريخ 10 – 3 – 2008

مشاركتي في السكوب ده مكانتش بديزاينات و كده … مشاركتي كانت في الـ

Marketing

سكوب 8 ده طلع من أنجح السكوبز اللي اتعملت لحد دلوقتي … و بفضل ربنا قدرنا نعمل دعاية ماعرفناش نعمل زيها تاني

و احنا لحد دلوقتي بنحلف بالسكوب ده و بالحضور اللي فيه … و خصوصا الحضور اللي كان في سيشن “أحمد سليمان”

المهم احنا نفسنا كنا منبهرين بالحضور … و كمية الناس اللي حضروا من عندنا من حاسبات كانوا كتير (تقريبا ثلث الحضور)

و من ساعتها و في ناس كتير من حاسبات بتلتزم بحضور السكوبز اللي بعد كده

و السكوب ده كان في آخر عهد “أيمن طاهر” كـ

Coordinator

و اللي اخد اللقب بعده كان “السيد جمال”

اما بالنسبة للتحول من سكوب 8 ل سكوب 9

من هنا بقى بدأت مشاركة بكل حاجة أعرفها … سواء جرافيكس في بيكسي كات أو برمجة أو لينوكس في هاكرز

و الحمد لله أكبر فترة استفادة ليا كانت مابين سكوب 8 لحد دلوقتي …

بعد كده كان

Scope 9

https://b89dy.wordpress.com/2008/10/27/cat-scope-9-be-there/

Scope-9و ده كان بتاريخ 28 – 10 – 2008

في السكوب ده … حسيت اني واحد من اللي شايلين السكوب فعلا

و حسيت ان انا و صحابي عملنا مجهود كويس نسبيا … 🙂

و كان في بنات من الكلية عندنا بدأوا يشاركوا و فيهم ناس بدأت توزع فلايرز على البنات و كده …

حسيت اننا فعلا عملنا فيه شغل كويس

مع ان السكوب ده كان قابلنا فيه مشاكل كتيرة … بس الحمد لله عملنا اللي علينا و السكوب مشي كويس 🙂 …

هوا اه كنا متخيلين اكتر من كده … بس الوقت كان ضيق جدا و اتزنقنا في كذا حاجة و بالتالي الدعاية اتأخرت شوية … عشان كده الحضور مكانش زي سكوب 8

و من بعد السكوب ده و أنا طورت نفسي في شوية حاجات زي البرمجة مثلا

بدأت أتعلم “بايثون” و دست فيها شوية كويسين … و كانت بداية كويسة جدا جدا لعالم البرمجة

و بعدها بدأت أنا و تيم البرمجة اللي معايا في الدفعة نتعلم “جافا” و لسه شغالين بيها لحد دلوقتي

و دلوقتي آخر سكوب اتعمل كان

Scope 10

كان بتاريخ 21 – 3 – 2009

https://b89dy.wordpress.com/2009/03/20/scope-10/

مشاركتي في السكوب ده كانت في محاولات للديزاين

و في تقديم تاني يوم في السكوب

و السكوب الحمد لله كان ناجح جدا … يعني مابين سكوب 8 و 9 كده

و مشاركتي في كات بقى كانت بمشاركتي في ديزاينات تبع بيكسي كات … و في مشاريع زي مشروع “فكرة”تبع هاكرز

و شوية حاجات تانية بسيطة 🙂

أنا عامل البوست ده أصلا عشان أسجل تطوراتي في السنتين دول

و بجد أنا مش حاسس انهم سنتين أصلا 🙂 .. أنا حاسس انهم كتيييييير!! 😀

حاسس اني اتقدمت كتير بفضل ربنا و بمساعدة ناس كتير 🙂

ناس زي “أحمد الجميل” و “أيمن طاهر” و “أحمد سليمان” و “السيد جمال” و “إبراهيم عبدالفتاح

و ابراهيم بالذات ممكن ماكونش اتعاملت معاه كتير في مجال التكنولوجيا و كده … بس بستمتع جدا بالسيشنز اللي بيعملها مهما كانت مش في مجال دراستي

و ناس بقى زي “محمد صفوت” و “كريم الله” و الهاكرز عموما 🙂 … بحب اتناقش معاهم عشان بيفيدوني كتير!!

و ناس في مجال الجرافيكس زي “أحمد فؤاد” و “حسانين محمد” و “رامي المرسي” و “إيفان (أو أحمد منير)”

و البنات اللي فادوني زي “هنادي موسى” و “رميساء محمد” و “مروة” و “مريم عصفور” و “سارة جمعة

و ناس تبعنا في الكلية …

طبعا مش هقول صحابي المعروفين 😀 … دول اللي بيشجعوني اصلا 🙂

بس في ناس كتير غيرهم فادوني … و في معيدين -ربنا يكرمهم يارب- مابيتأخروش علينا بأي حاجة

و في بنات كمان اتعاملت معاهم مفيدين جدا جدا

و صحابي اللي اكبر مني و الناس دي كلها …

بجد بشكر كل واحد من دول مهما كان

و طبعا شكر خااااااااااااااااااص جدااااااااااااااا لكل عضو من أعضاء 513!!

و أنا أكيد نسيت حد … عشان انتوا عارفين الزهايمر بقى … 😀 … فمحدش يزعل بقى!! 🙂

المهم … في آخر البوست بتاعي …

أحب أهنئ كل واحد وصل لنهاية البوست 😆

و أشكره طبعا عشان استحمل كل كلامي اللي فوق ده ووصل لحد هنا!! 😀

و أتمنى اني قدرت أفيد أي حد في السنتين اللي فاتوا دول 🙂

في أي مجال أو في أي طلب ولا حاجة 🙂

هحاول أفتكر أعمل بوست زي ده كمان سنة -ان شاء الله- ان كان لينا عمر 😀

سلااااااااام!!

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

19 Responses to “CAT”

RSS Feed for BooDy's BloG Comments RSS Feed

“أحب أهنئ كل واحد وصل لنهاية البوست”
أيوة المفروض لينا هدية 🙂
ربنا يكرمك ويوفقك دائما يا بشمهندس
وفعلا إحساس جميل أنك تقارن بين نفسك من سنتين وبين نفسك دلوقتي
ولو عشت وكان ليا عمر ممكن أبقي أقرأ البوست التاني اللى كمان سنة ده 🙂
سلااام

ماشاء الله حضرتك نفسك طويل جدا 😆

قدرتي تقرأي البوست بسرعة كده!! 😀

بشكرك جدا انك قرأتي البوست و مازهقتيش منه و طلعتي 🙂

و بالنسبة للهدية …

ان شاء الله هيبقى في جبنة رومي بالعسل و المكسرات هتتوزع على الناس اللي هتقرأ البوست ده
😀
كويس كده؟!! 😀

ana weslt lel a5r
eh da ya gad3 .. ana mesh nafsi taweeeel keda 😀

bs really el days de kanet gamda we e7na m3a ba3d shayfeen ba3d kol wa7ed wa5ed magall we bytawr nafso feh be mosa3det kol el nas elly fo2 doool
7aga tefr7 en fe nas keda we shabab .. we fe kolya mo7trmahom mewafra lehom kol el tashelat mesh zay nas

yalla ana da5l anam la2ny fog2t en el sa3a 1.30 :d
salam

yeah! 😀
el ayam de mesh hattnsy abadan isa 😀

enta bas battal 7eQd 3la el nas elly fe handasa 😛 w 5alena nkammel b mostawa el taQadom dah 🙂

bgd congratulation yaboody , w dymn yarab fe tkadom
ana dymn kont asm3 3n boody bs mkontsh a3rfk shkln aw blzbt elesm mknsh mtrkb m3aya 3la elshkl l7d elpixiday 😀

bs bgd f3ln ana 2oltaha lk 3la elsite en ur session kanet mn elsessions elgmda blnsba ly w really proud of u w all CAT

Sara Gom3a! 😀
shokran leky 3la el comment el moshage3 dah! 😀

matt5yleesh ana fr7t ad eh lama shoft el feedback bta3ek 3la el session 🙂

enty bgad mn el nas el moshage3a geddan 3ala el sho3’l 🙂

ana dymn kont asm3 3n boody bs mkontsh a3rfk shkln aw blzbt elesm mknsh mtrkb m3aya 3la elshkl l7d elpixiday 😀

hehehehe 😀
howa ana mabazharsh kteer bardo 😀

الحمد لله قراته كله !!
البوست على اد الانجاز اللى اتعمل بقى 😀

اه انا لسه فاكره سكوب 8 …كان اول سكوب احضره و أول مره اسمع عن الكات
بس بجد مش هاقدر اقول على الاستفاده اللى استفدتا فى السكوب ده … حضرته كله مافوتش ولا سيشن 😀
طبعا سيشن بشمهندس سليمان مش هانساها 😀

الكات ماليانه شخصيات جامده فى كل المجالات وكل ما تحضر اكتر كل ما فرصتك فى النجاح تكبر 😀

بالتوفيق وعقبال سكوب 11 ان شاء الله 🙂

الحمد لله الكات ادت ناس كتيييييييييير

و انا من الناس دي 🙂

الكات ماليانه شخصيات جامده فى كل المجالات وكل ما تحضر اكتر كل ما فرصتك فى النجاح تكبر 😀

هوا مش “كل ما تحضر” … لأ … خليها “كل ما تشارك” أحسن 🙂

كات بتستفيد بكل واحد يدخل و يعمل فيها شغل 🙂
و اتمنى اللي قدامهم الفرصة مايفوتوهاش 🙂

مبرووك لحضرتك على الانجازات الجامده دى ..ويارب دايما من نجاح لنجاح 🙂
ودايما يبقى فى ناس مشرفانا فى الكات زى حضراتكم 😀

انا طبعا مقدرش انسى سكوب 8 وده كان اول مرة اسمع عن الكات وحضرته كله وكان تحفه جداا بمعنى الكلمه
ودى كانت بداية تغيير ناس كتيير اوى وتحديد اهدافهم .. ومنهم انا ..ومن يومها وانا بحضر كل الاسكوبات وكل الدايز اللى اتعملت 😀
الكات فعلا علمت كل حد دخلها حاجات كتير حتى لو هو مش ملاحظها ولسه بتعلمهم وهتعلمهم
ويارب دايما فى تقدم 🙂 🙂

الله يبارك فيكي 🙂

أنا فاكر ان في سكوب 8 … كان في لوحة فاضية كده و كل واحد يكتب اسمه و حاجة للذكرى
أفتكر كويس اني كتبت:
CAT changed my life
و فعلا كنت اقصد الجملة دي 🙂 ولو اني ماكنتش لسه عملت حاجات كتير … بس كنت بدأت أشارك 🙂

كمان حاجة …

هوا بس معظم الانجازات دي ماكانتش هتتم من غير مساعدة ناس كتير ليا منهم صحابي و شوية من زميلات الكلية 🙂

و أي تشجيع من أي حد كان بيساعدني جامد … 🙂 و لحد دلوقتي برضه 🙂

ماشاء الله .. والله أنا فرحانة وأنا بقرأ الكلام ده 🙂

ربنا يكرمك ان شاء الله ويوفقك .. وتفيدنا دايما 🙂

وان شاء الله كمان سنة ..البوست اللى هتكتبه تكون حققت أكتر وأكتر بإذن الله 🙂

بإذن الله 🙂

خطوة جميلة جدا ان الواحد يكتب كل انجازاته في فترة معينة 😀

الموضوع بيبقى مشجع جدا 🙂

It’s my first time to see this post, and I should really thank you for your words :), ento dayman ad el mas2oleya elli ento beta5doha, ana fe3lan mabsot enni 3erefteko ya shabab 🙂

Thanks again boody 🙂

you’re welcome bingo 🙂

thnx for your nice words 😀

ento dayman ad el mas2oleya elli ento beta5doha

i’m honoured to hear these words from you
and i’m honoured to be ur friend 🙂

beeeeeb beeeeeeeeeb CAT 😀

🙂 .. hope you are always advancing .

Thnx eng/Mariam

hope we’re all cooperative to help people and help ourselves to be advancing 🙂

انا جاية متأخر جداااااااا انا عارفة معاش معلش 🙂

ميرسى على كلامك و ربنا يوفقك دايما
و السيشن بتاعتك فى بكسى داى كانت جامدة جدا ماشاء الله عليك بجد
انت بريزنتر قوى
شد حيلك عاوزة اشوفك سيشنات اكتر واكتر و اقوى دايما

ولا متأخر ولا حاجة .. البوست مفتوح لأجل غير مسمى 😀

شكرا أوي على الكلام المشجع دا
و ان شاء الله ليا عودة للشغل في كات قريبا 🙂


Where's The Comment Form?

Liked it here?
Why not try sites on the blogroll...

%d bloggers like this: