Alexandria

Posted on Friday, April 24, 2009. Filed under: CAT, My Life | Tags: , |


السلام عليكم و رحمة الله و بركاته!! 🙂

النهاردة (اللي هوا 23-4-2009) ده يوم بعد امبارح (اللي هوا 22-4-2009)

(شوية رخامة بقى!!) 😛

أنا مش من النوع اللي بحفظ تواريخ … بس أعتقد ان التاريخ ده هيتحفظ لوحده 😀

امبارح طلعت انا و (بعض من) صحابي رحلة لاسكندرية

احب اغيظ صحابي اللي ماجوش معانا امبارح و أقوللهم ان الرحلة بجد كانت لا توصف …. كانت جامدة جدا جدا جدا

مش عشان اسكندرية بس … لا عشان اللمة بتاعة امبارح دي …. بجد من الأوقات اللي عمري ماهنساها (ان شاء الله)

برنامج الرحلة كان لذيذ 🙂

1-القلعة

2-المنتزه

3-المعمورة

4-سان ستيفانو

6-ستانلي

7-محطة الرمل

القلعة كانت الاختيار الأنسب اننا نروحها الأول … رحنا و لفيناها حتة حتة تقريبا 😀 و صورنا حاجات كتير هناك 🙂

المنتزه بقى … المكان لوحده تحفة بجد 🙂 الاشجار و المباني اللي في النص و البحر اللي بتطل عليه و حاجات كتيرة جميييييلة جدا 🙂

المهم اننا رحنا هناك نلعب بولنج 😀

و الشاشة اللي كان عليها الاسكور فصلت و لعبنا من غير ما نحسب الاسكور

و حصل معانا موقف ظريف جدا جدا واحنا واقفين في المنتزه …

كنا حوالي 8 كده متجمعين … فلقينا عربية جاية و فيها واحد وواحدة … المهم لقيناه وقف جمبنا

و بيسأل (مش فاكر بصراحة كان بيسأل عن ايه)

المهم “بينجو” من غير ما يبصله كده بيقوله “لا متلاقيش هنا”

فالمهم الراجل مشي …

اكتشفنا في الآخر ان اللي كان بيسألنا ده هوا “عماد بعرور” لو عارفينه 😆

تقريبا أول مرة في حياتي أشوفه تكون على الحقيقة مش في صورة 😆

ما علينا

المهم … بعد كده انتقلنا للمعمورة … رحنا نقعد على الشط

الموضوع ماعجبناش اوي… المية شكلها مغري بس احنا ماينفعش ننزل!!

المهم قلعنا الجزم و الشرابات و قلنا نتمشى شوية على المية 😀

شوية بشوية … قلنا نجري!!!

قعدنا نتسابق على الشط و على ما وصلنا للمقر بتاع الكراسي كانت نص هدومنا غرقت

😀

المشكلة تأتي هنا بقى … لما قررنا نروح المول

هههههههه … هنروح غرقانين كده؟!!!! … أنا عن نفسي بجد … مكانتش تفرق معايا … و فعلا … رحنا و أنا نص البنطلون من تحت غامق و من فوق فاتح … اشطة يعني … كويس ان محدش يعرفني في اسكندرية!! 😆

بعد كده رحنا “ستانلي” و كان المكان ممتع جدا … بس المشكلة كانت في تعدية الشارع (مش كده يا ميتو؟!!) 😛

و أخيرا … محطة الرمل!!

انا ماكنتش ضحكت كده بقالي فترة 😀

بس بجد كنا ماشيين في الشارع عاملين نضحك على آخرنا!!

خصوصا ان “إيفان” (اللي هوا أحمد منير) كان معانا

كفاية موضوع الشاي بالبطيخ  ده 😀

المهم اتفسحنا و لعبنا و هيصنا و صورررررررنا و جرينا و عملنا كل اللي نفسنا فيه تقريبا 😀

المشكلة بس ان على آخر الرحلة الواحد كان بدأ يجيله تهيؤات من قلة النوم 😆

بجد مش بهزر 😀 … “تهيؤاااات”

بس الحمد لله بجد … كان يوم ممتع!!

ان شاء الله انا هرفع الصور (المسموح بها فقط! 😛 ) على الأكاونت بتاعي على

flickr

المشكلة بس ان الواحد مقضيها سفريات اليومين دول

امبارح (المنصورة – اسكندرية – المنصورة)

و النهاردة (المنصورة – القاهرة)

و ربنا يستر 😀

فمش هحط كل الصور دلوقتي

سلااام 🙂

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

16 Responses to “Alexandria”

RSS Feed for BooDy's BloG Comments RSS Feed

و الله كان نفسي أجي معاكوا بس كان لازم أخلص ورق يوم الأربع في المنصورة و مقدرتش أجي
😦

تتعوض ان شاء الله .. والحمد لله انكوا انبسطوا

🙂

مهو انا كمان كنت بخلص نفس الورق برضو :((
كنت اتمني ان اكون موجود بس المهم ان انتو اضيتو يوم جامد

حمدالله على السلامة

والحمد لله انها كانت رحلة جميلة واتبسطوا 🙂

ويارب دايما 😀

أنا بقى نفسى فى رحله من دول
الواحد نفسه يخرج يروح اى حته يغير بيها جو ويخرج من الروتين بتاع كل يوم

ميه ميه انكم اتبسطوا ياشباب وان شاء الله كل رحلاتكم تكون احسن وتكونوا كلكم متجمعبن سوا

يارب دايما .. الايام الجميلة الجامدة … دى ..

وحمد الله ع السلامة

🙂

الحمد لله أنكم فرحتوا فى الرحلة
بجد اسكندرية فعلا جامدة
وأنا كمان على فكرة لما طلعت اسكندرية قضيت اليوم كله بنطلون لونه من تحت غير من فوق
بس ولا همني أنا اشتريته كده 🙂
واحلي حاجة فى اسكندرية أنك بتروح أماكن كتيرة فبتحس اليوم أطول
وحمد لله على السلامة بعد السفريات الكتيرة دي 🙂
سلاااااااااااام

يا غلاااااااااااسه
اومال رايحن ليه بدام مش نزلتو الميه

على فكرة أنا مابعترفش باسكندرية كمصيف …
المصيف ده تسيبه لمطروح و الأماكن الفاضية دي 😀

[…] stories in this trip u can find it here with my friend boody … […]

@Eslam & Eleven:
والله انا كان نفسي تبقوا موجودين!!
بس حصل خير 🙂
ان شاء الله ابقى انزلكوا مخصوص في مرة 😀

@Amany & MeMe:
الله يسلمكوا 🙂
اعتقد كلنا محتاجين يوم زي ده نفصل بيه بين الأيام الطبيعية بتاعتنا 😀

@Soul of Darkness:
ربنا يكون في عونك يابني والله!!
انتوا فعلا محتاجين تغيروا جو …
مشاريع بقى و كده … فالواحد لازم يرتاح شوية 🙂

@your fate:
الله يسلمك 🙂

هوا اعتقد ماينفعش الواحد يروح اسكندرية و يفضل ناشف كده 😆

حمدلله ع السلامه
وكويس انكم خرجتوا من الروتين اليومى ده
وعقبال رحلات تانيه تكون كويسه برضه ان شاء الله

الله يسلمك 🙂

كل اسكندرية وانتوا طيبين بقى 😀

El re7la di kanet wahmeyaaaaaaaaaaaa :D, ento shabab zai el fol w dema3′ dema3′ y3ny, masha2 Allah, a2om asa2af ala2y bashar ma3aya ya ged3an :D, beys5ano mn a2al 7aga 😀

I was really happy to be with you guys, it was a wonderful day 🙂

For those who didn’t come, fatetkoooooooooooo 😀 :P, bas met3awada again isA

LOL!! 😀

enta sa2af bas … we7na m3ak ya rayes!! 😀

el re7la makansh hayeb2a leha 6a3m men 3’erak 6b3n 🙂

كان نفسى اطلع والله

بس نعمل اية ظروف الشغل وكدة

تتعوض ان شاء الله يا شباب

سلام

معلش بقى يا عادل 🙂

ان شاء الله نبقى نروح مع بعض في الأجازة حتى 🙂


Where's The Comment Form?

Liked it here?
Why not try sites on the blogroll...

%d bloggers like this: