finished mid-terms

Posted on Friday, April 17, 2009. Filed under: My Life | Tags: , |


السلام عليكم زواري الكرام!! 😀

الحمد لله خلصنا امتحانات الميد تيرم للتيرم التاني لكلية الحاسبات و المعلومات!!

يظهر اني اتأخرت أوي في كتابة الموضوع ده حيث ان ييجي خماشر واحد كتبوا زي الموضوع ده قبلي

Hend, Metoo, Ahmed Samir, Amr Magdy, Rana, E.D, Roody

يارب ماكونش نسيت حد 😀

الاسبوع ده كان عصيب جدا بالنسبة ليا بصراحة … هوا مش عشان امتحانات بس … عشان روتيني كده … يعني ماكنتش بعمل حاجة جديدة تقريبا!!

الواحد كان يصحى الصبح بدري … يضرب مج النسكافيه … و يتنيل يقعد على المادة يذاكر قبل ما ينزل يمتحن … يروح الامتحان

يحل الأسئلة اللي عارفها و يخرف في الباقي

بس بصراحة … المرة دي كان في أسئلة read-only

ماكنتش بعرف أألف فيها 😀 … بس خير خير ان شاء الله

المهم الواحد كان بيلزق الحاجات اللي هوا عارفها حتى لو مش في مكانها الصح و يطلع من الامتحان .. يروح يذاكر المادة التانية و ييجي على الساعة 1 بالليل مايبقاش قادر … بلابلابلا …. و تستمر الحياة …

بس دلوقتي الحمد لله …الامتحانات خلصت

و قدامي حاجات كتير تتعمل …

اصلا طول منا في الامتحانات و الـ “تو دو لست”

Todo List

عمالة تكبررررررررررر

بس كله خير ان شاء الله 🙂

انا لحد دلوقتي مانمتش الا نص ساعة من الصبح … و لقيتهم بيصحوني عشان نسافر …

و السفر كمان خلى الواحد مرهق اكتر … يعني المفروض ماكنتش أفتح الجهاز و اقعد اصلا!! 😀 المفروض أناااام

وحشتني جزيرة القطن والله (اللي هوا السرير يعني)

بس انا خلاص نويت آخد بكرة رست ان شاء الله (ولو اني عارف ان ايدي بتاكلني و مقدرش أقعد ساعتين على بعض من غير ما أشوف حاجة مفيدة تتعمل)

بس هحاول أريح نفسي شوية استعدادا للطحن من النوع اللي انا بحبه بقى 🙂

دعوااااااتكم 😀

سلام

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

5 Responses to “finished mid-terms”

RSS Feed for BooDy's BloG Comments RSS Feed

eshtat 😀

كفاره ياعوبد على نهاية الميدتيرم ابن التييييييييت ده
بصراحه انا كمان نفسى أنام بس عاوز أحتفل بنهاية الميد تيرم بموسم ولا اتنين فيفا , واريح يوم ولا اتنين
عشان بعدها هابدأ الشغل
ريحلك يومين تلاته كده قبل ماتبدأ فى قايمة to-do list
عشان تعرف تفوق كده
وعقبال مانحل كلنا كويس ان شاء الله فى امتحانات الفاينال
have a nice time Bood(g)y 😀

ألف مبروك أن احنا خلصنااا
ده فى حد ذاته إنجاز
أنك تخرج سليم وفيك مخ تشوف هتعمل ايه بعد كده
أنا خلصت أهو
وقاعدة أعمل فى لعبة الAI
مش عارفة طيب ما اخد النهاردة راحة
بس مفيش بأحس أن حرام أريح دماغى من التفكير يوم
ربنا معانا
وياااااا رب الفينال تبقي أفضل من كده
سلااااماات

Done ! 😀

حلوه جزيرة القطن دى 🙂


Where's The Comment Form?

Liked it here?
Why not try sites on the blogroll...

%d bloggers like this: