me & my laptop

Posted on Wednesday, February 18, 2009. Filed under: My Life | Tags: |


السلام عليكم

أيام أجازتي بدأت يوم الجمعة اللي فاتت

انا كنت قررت آخد أجازة الأسبوع ده كله

أريح شوية من الامتحانات و العسكرية اللي جم ورا بعض دول

المهم أنا دلوقتي في القاهرة مع أهلي (أخيرا) بتفسح و بعيش حياتي

بس في مشكلة كبيرة مقابلاني وهي عدم وجود اللااااب!

لا أنا مانسيتهوش في المنصورة ولا حاجة

بس اللاب فيه مشكلة

تقريبا انا افتريت على كارت الشاشة … فزعل!

وما ادراكم ما زعل كارت الشاشة!

كل ما آجي أفتح اللاب .. ألاقي شاشة بيييييضة! … مفييش أي نفس خالص!!

المهم بعد كده اكتشفت ان اللاب ده فيه المشكلة دي اصلا و ناس كتير اشتكت منها

و لقيت على السايت بتاع DELL

انهم هيخلوا تصليحه ببلاش لغاية شهر أغسطس الجاي

طبعا فرحت جداااااااااا

و عرفت الضمان بتاع دل هنا في مصر … اللي هوا اسمه Quest

جبت رقم الشركة و الموبايل و الإيميل و العنوان و كل معلومة ممكن توصلني ليهم … (ماصدقت بقى)

المهم اتصلت بيهم من يومين كده … قعدوا يحولوني مابين الخطوط و كل شوية واحد يرد عليا أقوله اللي حصل في اللاب بالظبط .. يقوم محولني على اللي بعده … و هكذا

لحد ما وصلت للراجل المطلوب (بعد ما زهقت) و قلتله على المشكلة … قاللي طيب هيبقى في نسبة تدفعها على القطعة اللي هنصلحهالك

قلتله على العرض اللي دل مقدماه ده عشان ممكن مايكونش عارف (أو عارف و بيستهبل) .. قاللي لا مش هينفع

و لازم تدفع نسبة و مش عارف ايه

المهم كلمت أخويا بعدها بيوم … و قاللي ماتصلحوش دلوقتي

لما أبقى آجي هتصرف … (المفروض انه جاي من الامارات يوم الجمعة الجاية)

وانا دلوقتي قاعد على الجهاز اللي هنا بخطفلي كام ساعة الصبح كده قبل ما اختي تصحى! 😀

بحاول أعمل فيهم أي حاجة مفيدة

انا دلوقتي عايز أعرف رأيكم

أعمل ايه في اللاب ده بقى؟؟؟؟؟؟؟!!!!

أنا كنت بفكر أصلحه بأسرع وقت و أبيعه و أشتري واحد تاني

عشان طالما المشكلة في كل اللاابات اللي من النوع ده … يبقى ممكن نفس المشكلة تحصل تاني!

و الله أعلم ساعتها الظروف هتكون ايه

بس طالما احنا لسه فيها … قلت أسألكم و أعرف الاقتراحات و الحاجات اللي ممكن تتعمل!

شكرا!

سلام!

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

10 Responses to “me & my laptop”

RSS Feed for BooDy's BloG Comments RSS Feed

على فكرة انا رحت شركة كويست دى اكتر من مرة
مع اللاب بتاعى
dell inspiron 1525
وأقل حاجة تدفعها تصليح
هى 150 جنيه

http://blog.spmmf.com/2008/10/i-hate-dell-inspiron-1525/

الأول .. الحمد لله ان حضرتك بدأت الأجازة 😀

بالنسبة للاب بقى .. ممكن تسيبه لما أخو حضرتك يجى ان شاء الله .. يمكن يكون شايف ليه حل مناسب

وان شاء الله خير وربنا يوفقك للحل المناسب باذن الله 🙂

هو ايه حكاية الاب توبات الأيام دي؟!
تالت لاب أسمع أن حصله حاجة
😦
عامة يعني إن شاء الله يتصلح
والفكرة اللى حضرتك بتفكر فيها صح بس المفروض بقي تستني أخو حضرتك لما يجي وتصلحه
هي كانت حصلت فى موبايلي اللى فات تقريبا الشاشة اتحرقت وبعدين صلحته وبعته وجبت واحد تاني (بس انا عامة الموبايلات بتحب تبوظ معايا 🙂 )
لأن فعلا مش ضامن لأنه ممكن تحصل المشكلة تاني
وإن شاء الله خيرااا
وأسمع أن الاب توبات اللى باظت اتصلحت تاني بقى إن شاء الله
سلاااام

ايميل صغير على الموقع الرسمي لشركة DELL

و قول على اللي حصل معاك بالظبط من Quest

و حتلاقيهم هما بنفسهم بيتصلوا بيك

😀

مش عارف أضحك ولا أعمل أيه بصراحه
لسه عارفه أنهاردة إن اللاب بتاعي أتصلح خلاص
أنا وديته توسيبا يعنى أضمن
لأنى أعتقد إن لما هما يصلحوا يبقي أضمن
:(بس بفكر جديا أبيعه وأجيب غيره بس أنا مرتبطة بيه شويه
هاشوف بقي أراء الناس هنا سلف 🙂
سلاااااام

اللاب بتاعك كويس جدا يا عبدو … انا رأيى انه يتصلح فى الضمان وتكمل عليه عادى من غير ما تبيعه ولو اتكرر نفس الخطأ او حصل اى حاجه تانيه … سعتها ممكن تستغنى عنه ونته راضى 100 %

@MMF:
شكراااااااااااااااااا بجد يا مان
والله أفدتني جدااااا كده
وواضح انهم بتوع فلوس!
يعني تركيب البايوس 150 جنيه …. ليه ان شاء الله؟!!!

@Amany:
هوا ده أكيد هيحصل ان شاء الله
عشان هوا جاي بكرة … و اللاب لسه موجود اهو معملتش فيه حاجة!

@your fate:
ان كان على الموبايلات … فاسأليني أنا عن مشاكل الموبايلات!
بس اللاب حاجة تانية طبعا!!

@eleven:
بعت طبعا يا باشا 🙂
بس لسه مستني الرد

@key of life:
مبروك … و عقبال اللاب بتاعي كمان!!
بس أنا مش ضامن شركة كويست اصلا! … ولا ضامن حد كويس في مصر!!

@sultan:
ماهيا المشكلة ان اللاب كويس! عشان كده متردد أبيعه

اوكي شكرا على آرائكم
هشوف الأول مشكلة التصليح دي بعدين أبقى أقرر هل هبيعه ولا لأ!

سلام 🙂

السلام عليكم

يارب تكون حضرتك اخدت اجازه سعيده 😀

والف سلامه على لاب حضرتك يرجع ان شاء الله احسن من الاول

بس ياريت حضرتك لما توصل للحل تقول علشان ابقى اعرف dell عملت ايه

سلام عليكم

اعتقد الحل اللي قاله مسعود مفيش زيه يعني

ربنا معاك يا كبير
😀

ممممم
يمكن اصلا ردى متأخر بعد حل المشكله 🙂

بس انا شايفه ان احسن حل هو ان اكيد حضرتك لازم تصلحه الاول ….وبعدين تاخد رأى اخو حضرتك
بس كدا ولا كدا لو حضرتك بعته يبقى اكيد هاتبقى بخساره ….فلو العيب ده مش بيحصل كتير يبقى اعتقد الافضل حضرتك ماتبعهوش

بس لو حضرتك هاتعرف توديه الضمان فى الامارات ويرجع بسرعه يبقى ده انسم حل على ما اعتقد برده 🙂

وربنا يوفق حضرتك للحل السليم

سلام


Where's The Comment Form?

Liked it here?
Why not try sites on the blogroll...

%d bloggers like this: