وااااااأجااازتااااااااه!!

Posted on Monday, February 9, 2009. Filed under: My Life |


السلام عليكم

ازيكوا يا زواري الكرام؟ 🙂

يارب تكونوا بخير و بصحة جيدة

انا عامل حسابي اني اتكلم كتير في الموضوع ده

أول حاجة هتكللم عن ازاي بقضي أجازتي

هي بصراحة .. أنا هفترض انها فعلا “أجازتي” ….

اصل انا مش في اجازة …. ولا في دراسة

ده احنا (أنا و صحابي) اكتشفنا اننا كنا مرحوميييييين جداااااااا ايام الدراسة!!!

هقولكوا اليوم بقى ماشي ازاي مع آخر التطورات …. وانتوا قرروا بقى هيا اجازة ولا ايه دي!

اول حاجة … اصحى من النوم الساعة 6 الصبح … و ساعات بصحى متأخر عشان الدنيا بتبقى لسه مضلمة وانا مش عارف الساعة كام دلوقتي! 😀

اجهز و ارن على عابد عشان يصحى و يجهز هو كمان

اروح اقابل صحابي في مكان التربية العسكرية … (آداب مؤخرا)

يادوب نسلم على بعض … نلاقي واحد جه يقول … يلا ادخل المدرج … قاعدين بتعملوا ايه!

عععععععععععععععععع … يا عم اجري بقى!!!!!

بعد كده بندخل المدرج كل واحد في مكانه على حسب “رقم الجلوس” بتاعه 😆

نستنى بقى …. نستنى …. نسسسسسسسسسستتتتتتتتتتتنننننننننى …..

حوالي من ساعتين لـ 3 ساعات كده … مابنعملش أي حاجة مفيدة

ييجي الـ”مش عارف ايه” (سواء كان العسكري أو العقيد) و يملينا المحاضرة المملة اللي هو مش عارف يحفظها و بيقرأها من كشكول ولا كتاب .. مش هنختلف … هي حاجة معفنه و خلاص

ولا احنا عارفين نكتب وراه … اصله بيقرأ بقى … و اللي يلحق يلحق!

يخلص المحاضرة بسرعة كده في ساعة

لو حظنا وحش يومها بقى … يبقى ممكن يقعدونا بعد المحاضرة كمان يتفرجوا علينا

المهم … نفترض اننا بنروح بعد كل ده

بتبقى الساعة حوالي 12 أو 1 لما أرجع البيت

طبعا بعوض النوم اللي مش طايله ده في (مش أقل من) 3 ساعات

بعد كده بفكر أتغدى بقى

طبعا الاسبوعين بتوع الأجازة … محدش في البيت هنا غيري …. فبعمل أي حاجة من اللي بتتحط في البق دي .. أو آكل برة البيت

كده تقريبا المغرب اذن و العشاء قربت ….

اصلي الاتنين … و اعمل حاجة تتشرب …

اقعد على الجهاز … أعمل شوية براوزينج

(browsing) 😀

بعدين اششششتغللللللللللللللل بقى!

طبعا لازم الواحد ماينساش نفسه و كل شوية يبص في الساعة

ماينفعش بأي حال من الاحوال الساعة تزيد عن 2 بالليل وانا قاعد

(هي حصلت قبل كده و زادت عادي)

أصحى تاني يوم … نففففففس الحواااار

اللوب بيخلص عند يوم الخميس الجاي ان شاء الله

و كان في النهاردة بقى … حالة خاصة

طبعا كلنا عارفين ان رئيس الوزراء جه النهاردة المنصورة

و عايزين ناس بتشجع بقى و تحيي الناس اللي في العرض و كده

يجيبوا مين …. أكيد المشحططين في الأرض … العيال بتوع التربية العسكرية

رحت في المعاد المتفق عليه … الساعة 7 و نص الصبح

جيت ادخل من بوابة ستاد الجامعة … “مفيييييييش دخوووووووول”

(دي كلمة متداولة بين الحرس … دايما بيقولوها … و دايما تعابير وشهم بتبقى باردة كده!)

يا عم .. يهديييييييييك يرضييييييييك

مفييييييييش برضه!

يا عم العقيد قايلنا فيه مكافأة على حضور اليوم ده!

و شكله هيخلصنا من التربية العسكرية النهاردة … يعني اشطة!

الراجل برضه واقف متنح

لقيت صحابي بدأوا ييجوا … وقفنا نهيس كالعادة … و طبعا كلنا بندور على أي حاجة تصبرنا على ما نشوف هندخل ولا لا

المهم … “جبنه” حاجة ناكلها! (اه والله)

و قعدنا مستنيين الفرج

دخلنا بعدها بحوالي ساعة او ساعة و نص

لما دخلنا …. دخلونا المدرجات بعدها بنص ساعة كمان تقريبا

يعني تقدروا تقولوا داخلين المدرجات الساعة 10 كده

من الساعة 10 لحد الساعة 1 مستنيين سيادته يشرف! .. (مش عارف انا ايه لازمة النظافة دي!! … ماحنا كويسين من غيرها … انتوا فاهمين بقى!)

من الساعة 1 لحد الساعة 4 … ملطوعين عشان حضرته يمشي!

كل ده في الشمس طبعا

لما الواحد فعلا استوى!

حوالي 6 ساعات في الشمس …. نعمل ايه!!

بقى!

انا مش عايز اتكللم عن اللي حصل في الساعات دي بالتفصيل … عشان مش هعرف أمسك كيبوردي…

المهم

خلص العرض

واحنا مستنيين اللحظة دي بقى … عشان نعرف مكافأتنا …

الراجل واقف و كلنا ملمومين حواليه …. ايه … خلصنا العسكرية كده خلاص؟

يبدأ هو يتكللم … “إن شااااء الله يا جماعة ….

بكرة أجازة …. و نشوفكم يوم الثلاثاء في نفس المعاد”

طبعا الكل تنح كده … ايه؟! .. يوم واحد؟!

الله يحرقك زي ما حرقتنا!!

الناس كلها قعدت تدعي على الراجل!

و نهاية اليوم كانت زبالة الزبالة (على رأي عابد) و الواحد وشه اتحرق من الشمس لدرجة ان وشي بقى عبارة عن تي شيرت سبور … غامق شوية … و فيه خطين بيض (بتوع النظارة)

المهم روحنا على الساعة 5 كده (على ما اتغدينا بقى)

قلت أصلي المغرب و أنام براااااحتي بقى!

افتكرت ان عندي ميتنج تبع مشروع “فكرة” …الساعة 9 بالليل

قلت أظبط منبه على 9 … و اصحى اشوف هنعمل ايه

صحيت حوالي 10 الا ربع

و دخلت الميتنج الساعة 10 و ربع تقريبا …

المهم عرفت انا هعمل ايه ان شاء الله و الميتنج انتهى بسرعة

قلت أعمل براوزنج بقى (بتاع كل يوم ده) … لقيت موضوع

top 5 linux games for 2009

قلت أجرب لعبة منهم … طالما كده كده مش قادر اشتغل النهاردة

قعدت ألعب supertux

حاجة زي super mario كده بالظبط

بس بطريق بدال ماريو 😀

بس تحفة بجد

ده اللي فوقني شوية من اليوم المليان رخامة ده 😀

ربنا يستر علينا بقى اليومين الجايين دول و يارب يعدوا على خير

أنا قلت اني هطول في الموضوع … مليش دعوة بقى … انتوا اللي جبتوه لنفسكوا و قعدتوا تقرأوا!

اشوفكم على خير ان شاء الله

سلام!

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

15 Responses to “وااااااأجااازتااااااااه!!”

RSS Feed for BooDy's BloG Comments RSS Feed

🙂
ana 3aref en kol el nas fe el tarbeya el 3askrya mat7ona

rabenak m3akoo

# le3bt tux dy gamdah gedn , ana khatmteha bas 3la windows 🙂

😀

ربنا معاكم العسكرية للجدعان

يوم الثلاثاء هيبقي الرحلة يا اسطه
😀

لأ بجد بجد ربنا معاكو
يلا خير …..
دا انت كدا محظوظ عمرك ما تخيلت العسكرية
والايام الشاقة عند البنات
تخيل ..والدتك وهيه في قمة حالاتها العصبية
و زى ما تكون اتبرت منك ولا تعرف ولا انت تعرفها
و تقف بمنهى الانضباط في المطبخ الحركة محسوبة لأحسن تقلب الحلل
او تبوظ كوم الاطباق اللي انت غاسلهم ويا اما يكسرو يا اما
تغسلهم تاني … ومافيش خمس دقايق من
تخليص الاطباق ..يجو كل اللي في البيت ياخدو كل
الكوبايات بشربو فيها اي حاجة
ويحطوها في اي حتة وانت تلف تلمهم من البيت كله
وتعيد الكرة في المطبخ
على ما تخلص العمليات دي يكون معاد الوجبة التانية جه
وتنعاد المشكلة حوالي 3 مرات في اليوم
وتخيل لو قعت على الكومبيوتر ساعة ولا حاجة قبل ما تنام
تبقى فضيحة وكل اللي في البيت يقولولك انت مش كنت بتموت في المطبخ من شوية ..

يا سيدي الامور متساوية وكلنا في نفس الشقاء

هانت و ربنا يعديها علي خير 🙂

ربنا يسترها علينا ونطلع منها سالمين ياااااارب
😀

على فكرة نظيف دخل علينا الساعة 2 يا عبدالله
😆

الشمس سيحت دماغك ولا ايه ؟؟

ربنا معانا يارب
🙂

@MMF, Falcon:
يااااارب!!! … الواحد بيشطب خلاص!

@lana:
ربنا معاكوا برضه 😀
انا بعمل كل حاجة في البيت …… ماعدا الطبيخ 😀 😀
ماهو لو ماعملتش … مفيش حد موجود اصلا عشان يعملي حاجة!

@Hunikal:
😀
يارب

@elahlawy:
الشمس سيحت دماغي بس؟!!
يابني انت مكنتش معانا ولا ايه؟!!!!
😀
ده الواحد دماغه اتخرمت!

لوووووووووووووووووووووووووووووووووووووووللولوى

الحمد لله
انا هربت انا هربت

ربنا معاكو يا جدعاااااااان

دا احنا اشتغلنا شغل لسنة قدام

وفى الاخر يدونا يووووووم اجازة

دا فية ناس واخدة يوم ويومين اجازة من غير ما تتعب ولا تعمل حاجة

هو تقريبا احنا النحس

انا خلاص بجد زى ما قلتلك معدتش اصلح لاى استخدام

انا بجد عاوز اعمل لنفسى صيانة
بس ان شاء الله اخلص بس على خير

انا وانا جى من افتتاح اسبوع شباب الجامعات لقيت واحد صاحبى اول اما شفنى لقيتة بيقلى اية يا بنى انت رحت المصيف قلتلة انا محروق قوى كدا قعد يضحك عليا

لأ معلشي في السؤال
ما شربتوشي حاجة باردة على شرف السيد نظيف
و محدش يفتن عليا انا صاحبة عيال

ربنا يعينكوا وهانت أهى ان شاء الله 🙂

هى الأجازة دى بانت من أول يوم
يعنى اليوم الوحيد الي الواحد حس بيه في الأجازة كان أخر يوم في الأمتحانات
بعد كدا بقي …………………….. النقط دى بليغه جدا حاجة من نوع
كان يوم أسود يوم ما أخدنا الأجازة 🙂
أنا كانت أمنيتى أقعد في البيت يوم واحد وحيد سينجل( أي حاجة متوحدة ) وأدينا في أجازة من أمتى
ولسه مفعدتش في البيت 😦
ربنا معانا ومعاكم
سلااام

ربنا معاكم وهانت ان شااء الله 🙂

انما صحيح مقولتلناش
هوه انتوا هتاخدوا اجازه نص السنه امتى 🙂

وااااااأجااازتااااااااه …كلمه قليله جدااا والله

انا الاجازه كلها برده رااااحت عندى:( …أول اسبوعين تعب شديد يبدوا انه من أثر الامتحانات بس طول شويه 😀

والاسبوع اللى احنا فيه ده …عليه العوض فى شويه المشاوير اللى البيت كله بيعتمد عليا فيها ….تقريبا انا الدراع اليمين لكل اللى فى البيت 😀

انا نفسى بس اروح مشوارين بس تبعى مش تبع حد تانى ….بس مش هالحق:( ..وااااااااء

علشان كدا مش عايزه اجازات فى نص السنه تانى بيستغلونى اسوء استغلال وخصوصا ان مفيش حد غيرى واخد اجازه والحمد لله 😀

كل سنه واحنا طيببين هانرجع الكليه بعد بكره 😀 😀

@dodo:
مانت هتاخدها السنة الجاية!
متخلينيش أبدأ أدعي بقى!!!! 😛

@Mohamed Ahmed:
اللي اتكسر عمره ما يتصلح 😆

@lana:
ههههههه
حاجة ساقعة؟!!
كل اللي انا فاكره اننا شربنا المررررر

@Amany & sandy:
ياااااااااااااارب!!
الحمد لله فاضل يوووووووووووووووووووم!!!!!!

@key of life:
هيا تقريبا الأجازة دي معمولة عشان نحمد ربنا على أيام الدراسة!!

@yusra:
من أول يوم السبت الجاي أنا مش في المنصورة!!!
و مش نازل الكلية أول اسبوع خالص
ممكن اروح يوم السبت بس عشان هبقى في الجامعة اصلا!

@Dina:
واضح ان الأجازة ممتعة!!!

😀
😀

ربنا معانا يارب!!


Where's The Comment Form?

Liked it here?
Why not try sites on the blogroll...

%d bloggers like this: