أول القصيدة كفر!!

Posted on Sunday, February 1, 2009. Filed under: My Life |


السلام عليكم

التربية العسكرية دي مملة أوي

كل يوم عبارة عن:

1-نروح الجامعة

2-نستنى على ما ييجي حد يلمنا

3-يلمونا و نقعد نعمل نفسنا بنتمرن عشان الظابط معدي

4-ناخد رست

5-يجمعونا عشان يقولولنا ان في رست

6-رست

7-رست

8-رست

9-غياب

10-نروح (على الساعة 2 كده)

11-نرجع هلكانين

12-ننام

13-نصحى على الساعة 9 بالقليل

14-نتنيل على عينا نفكر في حاجة نعملها

15-نضيع وقت

16-نحاول نعمل حاجة مفيدة

17-ننام

بس النهاردة كان يوم مميز شويتين

اليوم كان ممل بطريقة غبية!

اليوم العسكري خلص و الحمد لله ….

راجع البيت بقى!! …

الطريق زحمة جداااااااااااااااا

قلت أروح البنك قبل ما أروح

رحت و في طريقي للعودة بقى

بعدي الشارع الرخم من عند المحافظة كده

لقيت ميكروباص ماشي بالراحة

قلت أعدي عادي يعني … إذ لقيت جمب الميكروباص ده تاكسي يعتبر لازق فيه

دلوقتي قدامي حل من الاتنين

يإما أتحشر بين الاتنين

يإما أختار واحد فيهم يخبطني

رفعت إيدي جمبي كده و حطيت فوقي علامة تعجب .. قلتلهم … أروح فين أنا بقى؟!!!!

شاورت للاتنين على ان واحد فيهم يهدى

مفييييييييش

مكملييييييين

اشطة … رحت فيها

لقيت الميكروباص داخل فيا .. قمت ساند عليه و برجع بضهري بقى لحد ما الراجل ده يقف!

وقف و الحمد لله و انا سلييييييم!! …

الموقف مش غايظني أوي قد ردة الفعل بتاعة السواق …. أصل اول ما وقف ببص عليه لقيته عمال يضحك على آخره

اتخنقت منه جدا … قلتله أعمل ايه مفيش مكان اعدي منه!!

قلت ممكن فاكرني بزق الميكروباص عكس اتجاهه ولا حاجة

المهم ف الآخر لقيته برضه عمال يضحك … كنت عايز أقتله بصراحة وقتها

بس عشان مش ناقصة اليوم ينتهي بنكد كمان

فسكت و مشيت ولا اكن حاجة حصلت

و طبعا كله يهون عشان أهلك يا مصر

سلام يا جدعان

ادعولنا!!!

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

11 Responses to “أول القصيدة كفر!!”

RSS Feed for BooDy's BloG Comments RSS Feed

حملله علي السلامة
عجيب اليوم دة معاك بعد العسكرية تختمو بـ زق المكروباص
بنا يعدي الكام يوم دول علي خير
سلام
🙂

ربنا معاكم ويعديها على خير وتخلصوا ان شاء الله 🙂
ومعلش على موقف المكروباص ده …الحمد لله انها عدت على خير 🙂
وتلاقى السواق كان مزاجه حلو شويتين 😐

الحمدلله انها جات على قد كده
والحمدلله انه وقف
وكويس ان سواق الميكروباص اكتفى بالضحك
كان ممكن يغلطك انك عطلت طريقه 🙂
ويارب القصيده ديه تنتهى على خير 🙂

هههههههه عارف ياواد ياعبدالله لبس العسكريه ده بيفكرني ب بريزون بريك الجزء الاول
بس على كتيييييييييرشويه كده … لما نشوف اخرتها ايه مع “مهيب الركن” !! 😛
سلام 😀

فكرتنى بفيلم فانتاستك فور 😀
بس مع اختلاف الأحجام 😀
الحمد لله على سلامتك ياجميل , وربنا يعدى ايام التربيه العسكريه دى على خير ونترحم من الميرى اللى احنا متمرمغين فيه ده

mawqef el microbuzz da 5anee2 sa7ee7..
3yza a2ollak ana marra kont ba3addi share3 el gam3a 3ndena..w tab3an wama adrak ya3ni enta 3aref..elmohem etzana2t fe nafs el 7ewar…bs lel asaf badal taxi kan mallaki say2aha sett…w enta 3aref y3ni eh SETT…zana2etni zan2a souda w 5abatt fel meraya bta3et.ha …kol da 3shan ye3addo =@@@
Yalla…rabena m3ak yabni

هو بالنسبة للعسكرية ربنا يعديها على خير إن شاء الله
وبالنسبة للموقف هو لو كان حصل ليا كنت هأفضل واقفة قدام المكيروباص لحد ما الباشا يخلص ضحك خالص ومش هامشى بقي ولو مش عاجبه يخبطني 😐
بس اكيد شوية وهامشى خوفا من ردة فعل مهذبة منه
بس اكون ضايقته الأول 🙂
عامة موقف وعدي والحمد لله انك سليم
سلااااام

Samdella 3alla el 7alama ya rays .. eshbongn el zahma de 7aga zay el teeeeeeet ya gad3
we rabina ye3adeha 3ala 5eeeeeeeeeeeeeer fe om de tabrya 3aksrya

bs 5laaaaas

ربنا معاكم يا جماعه وتخلص علي خير
وحمدلله علي سلامة حضرتك
حصل معايا الموقف دا قبل كدا بس كان مينى باص وملاكى
أنا طبعا أختارت الملاكى أصل المينى باص عالي كدا
الملاكى هيشيل بس بهداوه 🙂
بس هدى طبعا وأنا لسه بصحتى أهو
سلااااااااام

@all:
m3a en ma7asaleesh 7aga … bas allah yesallemko 😀

ennaharda b2a REST men el 3askareya!!!

ana aslan kont nawy anam l7ad el wa2t bta3 el 3’yab 3shan aro7 a5od 3’yaby w agy

la2eet Hunikal w Metoo byeteslo y2ololy mafeesh 3askareya enaharda

a3mel eh ….
akeed kammelt noom y3ny!!
😀 😀

bas eshta ya reggala bgad 😀
eb2o eteslo kol youm 😀 😀

هههههههههههههههههههههههههه

وصفك جاامد اووي يا عبدو
😀
ابقى خد بالك يا عم وانت بتعدى مش ناقصين كسور
😆
ربنا يعديها على خير ان شاء الله

سلاااام يا عسل


Where's The Comment Form?

Liked it here?
Why not try sites on the blogroll...

%d bloggers like this: