هاااااتشوووووو!!!

Posted on Saturday, December 27, 2008. Filed under: My Life | Tags: |


السلام عليكم

تقريبا انا عندي امتحان عملي بكرة

“prolog” …

هااااااااااتشوووووووووووو!!!!!!!!!!!

احم … سوري …. عندي حساسية من القرف …

ماتتخيلوش المادة مملة و مقرفة اد ايه!!!!

بجد أنا زهقان جدا و مش عايز أكمل مذاكرة

و غالبا مش هكمل مذاكرة دلوقتي … هدخل أنام و ممكن اصحى بدري اراجع اي حاجة

المادة دي مملة جدا جدا بصراحة … هي أكيد ليها لازمة في الحياة …. بس أكيد -كالعادة- احنا بندرسها غلط

فعلا زهقت من البرامج اللي فيها … و خصوصا انها شغالة على الوندوز

و معرفتش أشغلها على اللينوكس …. حاجة تقرف!!

—————–

ده كان الجانب المظلم للنهاردة

الجانب اللي هوا المنور بقى … 🙂

——————-

كان عندنا امتحان شفوي النهاردة

Software Engineering

و بجد بجد الحمد لله ربنا ستر …. و دخلنا الامتحان أول ناس …. و دخلنا للمعيد اللي فاهمنا كويس و من الناس القليلين اللي بيفهموا في الكلية …

بجد ربنا يكرمه … المهم هو سألنا و اتبسط مننا جدا الحمد لله …

و طبعا احنا خرجنا من الشفوي هنتنطط من الفرحة

ولا فرحة الزملكاوية في الأهلاوية لما خسروا في اليابان!!

المهم المهم …

دعواتكم بقى عشان اليومين الجايين دول …………………………… ربنا يستر بجد!!

مش عايز اطول عشان مش عايز اكتب اصلا

سلامون

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

21 Responses to “هاااااتشوووووو!!!”

RSS Feed for BooDy's BloG Comments RSS Feed

كنت لسة في نفس ذات لحظه فتح البلوج بتاع حضرتك
بقول أنها مادة غبيه ومقرفة
يلا خيرررر
وبعدين أيه يا بشمهندس دا فين التفاءل وجرعات الأمل الي المفروض حضرتك بتأيدها ؟؟
لأ لأ لأ كدا بقي أنا هغير رأيي وأكتئب
مليش دعوة بقي
أو هنام بكرا بقي من 12 الي 2 بالظبط
🙂 ربنا يستر بقي يا ريت الناس تدعيلنا خمستاشر عشرتاشر عشربن دعوة ولا حاجة
يلا أنا صاحية من النوم مهيسة تقريبا
سلاااااااام

عندك حق يا بشمهندس
أنا مش عارفة بكرة ده هيعدي عليا ازاى؟؟
ده لو النهاردة عدي أصلاااا
وبعدين حضرتك احسب ال best case
للمادة واشتغل على أساس كده
عشان أنا مش هأقدر أحسب غير ال worst case
ما علينااا 🙂
وأعتقد يعني الأفضل حضرتك تقوم ترتاح شوية ساعة ولا حاجة كده تلعب شوية
وبعدين ترجع يمكن ربنا يكرم
وياااااا رب استرهااا علينااا بكرة
سلااام

@key of life:
انا مقلتش اني مش متفائل ولا حاجة
انا بس مرهق جدا من كتر الحاجات اللي حصلت النهاردة … فعايز أسييييب البتاعة الغبية اللي اسمها برولوج دي و أدخل أنام
بس حاسس بالذنب ….

@your fate:
ده أنا هريت نفسي بيست و وورست كيس النهاردة
على العموم أنا هدخل أناملي 8 ولا 9 ساعات كده … برااااحتي بقى …. لما أقلق هبقى أقوم أذاكر
😀

شكرا على الردود السريعة!!

ااااااااااااااااااااااه بالمنااااااااااااااااااااااااسبة
هو الامتحان بكرة في معاد السكشن باين صح؟!!!

انا كنت هكتب في البلوج بتاعي برده عن الاقرف ده
اصل خلاص معتش مستحمله بس حضرتك سبقت
وربنا يستر ويعدي الايام الجايه دي علي خير وربنا يوفقنا جميعا
بس انا عندي اعتراض
علي فرحه الزمالكويه في الاهلويه دي

اخر التطورات دلوقتي فرحه الاهلويه في الزمالكويه
سلام

ههههههههههه
ربنا معانا جميعااا
والمعاد فى نفس معاد السكشن بتاعنا
يعني من 12 ل2
وبعدها الواحد المفروض يحرق البرولوج دي والله
هو هيبقي معانا برضه فى إمتحان الترم؟؟
يااا رب يطلع لأ
أه صحيح
تصبح على خير
سلااااام 🙂

ربنا معاك في الـ prolog مش دي شغلتك علي المدفع بردو :))
ربنا معاك يا كبير
🙂

يرحمكم الله : d

عبد الله … يرحمكم الله يا عبد الله
ايه يبني ؟؟ .. معقوله مادة هتعمل فيك كده
لا حول ولا قوة الا بالله .. يظهر كلكم كده باين
ربنا يسترها معاكم يبني والله .. دعوة واحد من اي اس ساعة اذان الفجر
الدعوة لكله
😀
..
يارب تنام كويس علشان متصحاش تلاقي نفسك في الامتحان
😆
سلام يا حبي
😀
اه سيبك من الكورة علشان متنضربش .. انت اصلا مش بتشجع كورة
خليك في البرولوج يا عسكري
😛

دلوقتى الساعه كام ..اه 9 الا ربع صباحا 😀
يعنى خلاص كلها كام ساعه ونكون بنممتحن
وانا امبارح كنت مخططه لحاجات هاتتعمل فى الماده ديه …بس ولا حاجه اتعملت
يادوب دلوقتى بقرأ على السريع الورقتين اللى خدناهم فى السكشن …هو ده اللى اقدر اعمله بقى
نظرا لانى …نمت كتيييييييييير جداااااااا
مش عارفه ايه وباء النوووم اللى جالى ده 😦
تقريبا اثر السوفت وير 🙂
خير خير …يااااااااارب خييييييير
واه يا زمن …بحب اغنيه شاديا فى المواقف اللى زى ديه 😦
😀 😀
وهانمتحن بروووووولوووووووج 😀

@yasmin:
فعلا ربنا يسسسستر!!!

اخر التطورات دلوقتي فرحه الاهلويه في الزمالكويه

على فكرة أنا عرفت …. بس قلت أفرّح الزملكاوية شوية
و بعدين … أنا محايد أصلا …..
و كمان حاجة ….
ده مش موضوعنا أصلا!! 😀

@your fate:
شكرا على تأكيد المعاد

@Hunikal:
اه انا سمعت جملة في فيلم تاني:
برولولولوج برولولولوج …. لالالالاااااالا

@sandy:
يهديكم الله و يصلح بالكم 😀

@elahlawy:
على فكرة المادة مش صعبة والله … بس مملة جداااااا
تقعد تعمل “تريس” للبرنامج نص ساعة عشان تعرف بيعمل المضروب ازاي!!!
شوف بقى في كام برنامج تانيين ….. بجد ربنا يستر

اه سيبك من الكورة علشان متنضربش .. انت اصلا مش بتشجع كورة

يا جدع اجري ….. بس قبل ما تجري قوللي صحيح
انت لسه اسمك “الأهلاوي” بعد النكسة ولا ايه نظامك؟ 😛

@Dina:
هههههههه … نفس النظام كده
بس انا حتى مش لاقي الورقتين اللي اخدناهم في السكشن
😀

// بس انا حتى مش لاقي الورقتين اللي اخدناهم في السكشن

ههههه
كمان 🙂
هما عموما زى البرامج اللى نازله على المنتدى بس اقل طبعا 🙂
مش هاتفرق كتير ..انا الورقتين قدامى اهم وزى قلتهم 🙂
أحسن حاجه اقوم البس وانزل الجامعه لانى مش بذاكر حاجه 😀
وربنا يستر

ها يا جماعه ايه اخبار ال prolog
يارب يكون تمام ويكون عدى على خير
ربنا معاكم 🙂

السؤال الطبيعي بعد الامتحان:
عملت ايه؟؟؟؟

الإجابة الطبيعية بالنسبالي:
ما عملتش!!

هو بصراحة أنا حليت سؤالين من تلاتة
و حليتهم غلط كمان
واحد طلع فيه غلطة شنيعة
و التاني غلطة صغيرة جدا …

بس اهم حاجة ان الدرجات على الكود … مش على الناتج بس

كلنا ماعملناش 😀

انا طبعا البرنامجين فيهم ايرور …الاول فيه غلطه بسيطه وجبت فيه 3 من 5
والثانى كان كامل تقريبا بس كان فيه غلطه صغنونه مش عارفه هى ايه !! وبصراحه مافتحتش الكتاب بعد الامتحان علشان اعرف 🙂

جبت فيه 4 من 5 🙂

بس 😀

عقبال الشفوى اللى مش عارفه هانسأل فيه فى ايه ؟؟
ماحدش عنده فكره عن الشفوى هايبقى نظامه ايه ؟؟

@yusra:
شكرا انك بتطمني على الامتحان …
اظن ردي اللي فات وضح احنا عملنا ايه 😀

@Dina:
في نظرية بتقول

فيه امتحان السبت… هو النهاردة الجمعة؟؟ .. لا .. يبقى لسة مافيش امتحان … 😀

و النظرية تنطبق على جميع أيام الأسبوع

بس عموما يعني
كلنا عارفين نظام الشفوي ايه
احنا ندخل … الدكتور يسأل … احنا نجاوب
😛
😛
على فكرة أنا هيست جدا من بعد الامتحان
😀

هو ايه حكايه الايروزر الي بتطلع مع كل الناس دي !!!
ده انا كل ماكلم حد من سي اس يقولي البرنامج بيطلع ايرور !!
ع العموم ربنا يوفقكم ف الشفوي بقى 😛
جود لك ياجماعه 😀
سلام 🙂

howa wade7 en el sho3or el 3am bel 2araf :), bas sada2ni di mn aham el mawad elli hatedres-ha fi 7ayatak :D, la2enaha betosta5dam fi wa7ed mn aham el fields elli fel 7ayah w howa el AI, Artificial Intelligence, yemken 3andoko daresoha b shakl rezel, ana mosh mota2aked, bas 7awel te7ebaha 😀

@ahmed samir:
ابتسم … انت في حاسبات
😀

@bingo:
على فكرة .. بجد المادة مش تقيلة أوي
بس البرامج اللي فيها مملة جدا

هو بالنسبة للطريقة اللي درسناها بيها
احنا اخدناها في المحاضرات بطريقة غلط خالص
بس اتظبطت شوية في السكاشن

الإجابة الطبيعية بالنسبالي:
ما عملتش!!

أنا الأجابة الطبيعية الدائمة
الحمدلله

بس خيررررر مش كدا؟
كل أمتحان وأنت مهييس أأقصد طيب 🙂
سلام

@bingo :

ايوه الAI

هانخدها ان شاء الله الترم الجاى ….بالصدفه الموضوع ده اتفتح مع معيده وحكتيلى على الماده ديه ..حبيتها واضح انها لذيذه من كلامها 🙂
على فكره تقريبا دكتور السيد اللى هايدرسها لينا 😀

كنت هاجبلكم فكره الجورزم بس هى قالتلى ان الحل بتاعه هايتحل بال AI
مش بالاجورزمات اللى احنا بنخدها السنه دى 🙂
بس الفكره فى دماغى …حلوه قوى على فكره ..وهاتدرس الترم الجاى ان شاء الله
وقاتلى ان فيها كمان سؤال ازاى نعمل لعبه الشطرنج 😀
بصراحه شوقتنى ليها …بس يااارب بس ما اتصدمش فيها بسبب حاجه غلط فى الكليه 😦

بس أكيد -كالعادة- احنا بندرسها غلط”
LMAO

and LOOOOOL @ the far7et elzamalkaweyya fel ahlaweyya !!!
This post is mas5araaaa my 3obazzz
Keep ’em coming =)
w rabena m3ak insha’allah 🙂


Where's The Comment Form?

Liked it here?
Why not try sites on the blogroll...

%d bloggers like this: