يومياتك!!!

Posted on Sunday, November 9, 2008. Filed under: My Life | Tags: |


السلام عليكم

ازيكم؟!!
اكيد وحشتكم جداااا صح؟!! 😀

طبعا كلنا هنا في مصر بنشوف عجائب الدنيا السبع كل يووم في كل مشوار بنروحه تقريبا
(والله حتى واحنا قاعدين في البيت بنشوف بلاوي!!)

المهم … تعالوا نشوف السيناريو اللي بنشوفه كل يوم (واحنا رايحين الجامعة مثلا) و بنعاني منه بقيت اليوم!!

نبدأ:

1- انت بتنزل من البيت تركب تاكسي مثلا … تلاقي التاكسي واقف في نص الشارع و بيقوللك تعالا بسرعة … و لو مرحتش بسرعة هو هيمشي بسرعة … و هيفضل يشتم فيك بسرعة وانت دمك يتحرق بسرعة و طبعا هتقف عشان تستنى التاكسي اللي بعده (برضه بسرعة)

2-الحمد لله ركبت تاكسي … اول ما السواق يطلع كده … تلاقي واحد على شماله قعد يزمر كتير … و جاي بسرعة من بعيد بقى … و تقول هيشيلنا وهو ماشي … فجأة تاقيه بطأ لما وصل ناحيتك … و طلع راسه من الشباك و “تييييييييييت” … أكيد كلنا عارفين الباقي

3- لو حظك حلو … هتلاقي العربيات التانية بتزنق عليك طول مانت ماشي …
ولو حظك وحش … هتلاقي السواق اللي انت راكب معاه -تقريبا- طاير … وانت قلبك متشعبط في التاكسي بيحاول مايقعش!! …

4- لو حظك وحش بغباء بقى … هتلاقي السواق اللي انت راكب معاه مشغل أغاني من اياها … و بأعلى صوت
و عمال يزنق على اللي حواليه … و كل شوية يفرمل جامد وانت تتنطر لقدام … و كل شوية يشتم واحد (أو واحدة) … مش بعيد يعاكس كام واحدة بسرعة كده عشان يلحق يوصلني و ربنا يباركله في رزقه!!
طبعا انت غلبان هتديله المبلغ اياه بتاع كل مرة … ممكن يتأمر عليك و ممكن لأ … برضه انت و حظك!!

5-تنزل من التاكسي بسرعة جدا و تلحق تاخد قلبك اللي كان متشعبط في التاكسي (اوعى تنساه) وتروح على بوابة الجامعة … تلاقي الحرس واقف كده يقوللك (القارنيييه يا قابتن!!) …. بتطلعله الكارنيه .. و تدخل عادي (إلا لو معاك شنطة) 😀

6- أول ما بتدخل بتلاقي اتنين شباب على شمالك (غالبا بيبقى شكلهم مش مظبوط) بيعاكسوا بنتين قاعدين على يمينك .. (غالبا برضه شكلهم مش مظبوط)

7- و بعدين لما توصل ناحية الكافتيريا تلاقي زحمة (كالعادة) و ناس قاعده حوالين الكافتيريا عمالين ياكلوا … و طبعا طبعا بيرموا الزبالة على الأرض …. مستنيين الفلبينية تيجي تنظف يعني ولا ايه؟!!

8- تلاقي شلة محترمة جدا جدا من البنات و الشباب … و ماشاء الله ماشاء الله … بيلعبوا صلح!!
أو كوتشينة … و بعض الألعاب البريئة الأخرى!!

9- طبعا مش هننسى الولد و البنت اللي قاعدين لوحدهم في حتة منعزلة كده و بيتناقشوا (أكيد بيتناقشوا في الدين يا جماعة!!! .. انتوا بتفهموهم غلط ليه؟!)

10- تروح بقى عشان تحضر المحاضرة … تلاقي كام شاب لذاذ قاعدين ورا مشغلين الموبايلات بصوت عالي و عايشين حياتهم!!
يا جماعة المحاضرة مملة!!! …
طيب ما تروح تنام في بيتكم يا حبيبي انت و هوا

11- الدكتور طبعا (غالبا) بيراعي ضميره و بيشغل الداتاشو و بيقرأ السلايدز وهو قاعد مكانه … (طبعا مش كلهم كده … بس دي الأغلبية)
Presentation Skills=101%

12- بتطلع من المحاضرة …
ساعات بتبقى idle
و ساعات بيتعملك Flood
و ساعات بيبقى استنزاف … فبتطلع جعان جدا!!
ولو حظك وحش … هتطلع فايق!!

13- لو عندك سكشن … ممكن يكمل اللي بدأ بيه الدكتور وهو التخدير الكلي
و ممكن تطلع منه فايق … (ده طبعا لو حظك وحش جدا بقى!!)

14- بتروح تصلي (فرضا يعني!!) … و لو بتروح في معاد الصلاة بالظبط غالبا بتتعصر … و ممكن تطلع ناقص حتة ….
يعني ممكن تطلع من غير موبايل … ممكن من غير محفظة … ممكن من غير كتب …. و ممكن متطلعش (عشان الجزمة اتسرقت!!)

15- خلاص هتروح البيت بقى أخيرا!!! … غالبا وانت مروح بتعدي على “تل أبيب” بتشوف العجب وانت ماشي … حتى لو حاطط وشك في الأرض … والله بتشوف أكتر من العجب!!!
و لو مروح من بوابة الجلاء بتشوف حاجات غريبة طول مانت ماشي … (آخر مرة كان -تقريبا- منظر بشوفه في معظم الأفلام الأجنبية … (بلاش نتكللم بقى!!))

16-بيطلع عين أهلك عشان تركب تاكسي

17- بتركب تاكسي و بتشوف نفس اللي شفته وانت رايح الجامعة!!!

18- بتروح البيت تعبان جدا من زيارتك لبلدان كتير عشان تشوف “عجائب الدنيا السبع” … و اللي في الأصل ما بقوش سبعة بس … دول بقوا كتير
بس احنا مانعرفش!!

19- ممكن تفتح الكمبيوتر و تشوف كام موضوع (زي الموضوع ده كدا) و تقعد تقرأ فيه نص ساعة …
و في الآخر تلاقي كاتب الموضوع بيقوللك:
“ادخل نام يابني … انت عانيت النهاردة”

20- ابقى تعالى كل يوم!!!

سلام!!

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

37 Responses to “يومياتك!!!”

RSS Feed for BooDy's BloG Comments RSS Feed

بجــــــــــــــــــد موضوع فعلاااااا بيحصلى يوميااااااااااااا
وخاصه الجزئيه دى
يعني ممكن تطلع من غير موبايل … ممكن من غير محفظة … ممكن من غير كتب …. و ممكن متطلعش (عشان الجزمة
لان طلعت مرتين من غير الموبايل لدرجه كرهت اروح مسجد علووم
وحضرتك نسيت من غير الشنطه كلهاااا(هههههههههههههه)
زيى كده……..

عارف المعاناه دي والله الناس كلها بتعاني
طب اية رئيك عشان يحلو المشاكل دي يلغو التكسيات ولا يلغو شارع تل ابيب و لا يلغو الكليات من الاساس و يريحونا
لنا الله 🙂

من الاخر عايز الحل
ادخل نام يابني … انت عانيت النهاردة
:))

بجد موضوع جميل جدااااااااااااااااااااااا وناقشته بطريقة أجمل
وفعلا نفس السيناريو ده يبتكرر كل يوم
وخاصة حكاية التاكسى ده الواحد بيشوف العجب وبنشيل كل يوم هم وإحنا بنوقف التاكسى
يعنى هو أكيد السواق بيحس إن أنا مخنوقة حبتين فلازم يفسحنى قبل مايوصلنى
وفى منهم اللى بيسابق نملة ومنهم اللى حاسس إنه راكب طيارة
وكل واحد وحظه
ده إحنا بنشوف مناظر مش عارفة إمتى ربنا يرحمنا
بس دايما بنقول عااااااااااااااااااادى خااااااااااااااااااااااااالص
شكراااااااااااااااااا على الموضوع

@soma:
أنا فعلا كنت هكتب “من غير الشنطة” … بس قلت مش بتحصل كتير دي! 😀

@Hunikal:
والله يا اسلام انا بقول كده برضه!!!
انا هدخل أنام كمان شوية … عشان بجد بجد عانيت النهاردة!!

مش ملاحظ ان ده خامس يوم على التوالي من التهييس؟!!!

@sara:
عادي جدا!!!
أنا ساعات بروح مشي بعد ذل الوقوف ده كله!!
😀

yeb2a enta aked 7edana fe masr ya m3alem 😀

3esh we t3aysh ….. kol elly 2oltoh by7sl 3’er moga el asfr we el a5dr elly 3’ar2t el gam3a aw el asfr we el bnfsgy 3alm 3ageba ya gad3

a2 we fe el taxi el nharda el swa2 yeshwr 3ala wa7ed we y2oly hwa mesh da sa3d ??? a2olh eh ana ya3ny bstloh belbsa elly enta 3arfha we 2oltlo we esh 3arfny ana 😀

la2 we kman ba3d kol mo3na el taxiat de tewsl lemo7dra 3aby6a we 30 min we t5rog tea2dy el yooom betolh men 10 le7ad 4 mestny mo7dra 😀

ana tawlt sa7 tayb ana ray7 anam b2a
peace

@metoo:
ههههههههههههههههههههههههههههههههههههههه
حلوة أوي حكاية “سعد” دي!! 😀 😀

كنت تعمل زيي و تنادي على سعد … لو بص يبقى هوا … لو مبصش … يبقى هو برضه بس بينفضلك 😛

ههههههههههههههههههههههههههههههههههههههههههههههههه
حلو جداااااااااا وغالبا دا لو مش اكيد دا الي بيحصل فعلا معانا
ولو علي المناظر يعنى احنا اصلا الي نيتنا وحشه دايما كدا يا شريريييييييين
يلا ربنا يتوب علينا من كل دا من اول التاكسي لحد الفلبينيه الي بيستنوها دى
شكرا جدا
سلام

هههههههههههههههههههههههههههه
الموضوع تحفة
بس نوعا ما حضرتك سرقت فكرته مني 😀
أصل كله كوم ومعاناة التاكسى الصبح دي كوم تااااااااااااني
وزي ما سارة قالت أنا فعلا قلبي بيتشعبط فى التاكسي أو بأحس أني هأوصل على اخر اليوم
بس أحلي حاجة لو خدني فسحني فعلا من اول الماشية كدا الواحد يشم هواااا
بس حكاية أن الواحد بيدخل المسجد ويخرج ناقص حته
فأحنا بنعمل خطة شريرة أن أحنا مش كلنا بندخل سوااا فيه ناس بتستني برا ومعاهم كل ممتلكاتنا 😀
وبعدين الأحسن أن الواحد يروح مشى عشان ده أسرع من أنك تحاول تاخد تاكسى وخصوصا بعد العجب اللى حصل فى الشوارع
أه وبالنسبة للولاد والبنات فأنا ديما باقول أن احنا لازم نحس بالناس
هى البنت تلاقيها تعبانة شوية فبتريح شوية على كتفه ولا حاجة
يعني تريح فين؟؟؟؟
أصعب حاجة واللى بتعصبني جداااااااا أن البنت هى اللى بتروح تزنق نفسها فى الولد وتسند راسها
وبعدين ساعات برضه بتبقي عايزة الواد يقرألها الكف ايه المشكلة فى كدا؟؟؟؟
بجد لازم نحس بالناس شوية عن كدااااا
بس بجد شكراااا الموضوع ده ضحكني جامد
سلاااام بقي

أحلى نظريتين شفتهم في تاكسيات المنصورة اتنين( المنصورة بالذات)

1- fragmentation :

انه صاحب التاكسي لازم يحاول انه يستفيد بكل شبر في التاكسي بتاعه

2- ان كل 2 سم قدام يبىقي هو كدة ماشي صح المهم يكون قدام

حاول تتكيف مع الوضع ده وكله حيبقى تمام مع التاكسيات

😀

الى يعيش ياما يشووف يا عبده
ومهما قلت
لااااااااااااااااااااا حياة لمن تناااااااااااااااااااااااااادى
و
ادخل نام يبنى انت عانيت النهارده

@key of life:
يااااارب ربنا يتوب علينا و يهدينا و يهدي الناس دي!!!!

@your fate: (ما نسيتش اهوه)
1- سرقت فكرته منك؟!!!! …. لا مش أنا على فكرة …. هتلاقي حد سرق الفكرة وانتي في الجامع …

2-المرواح مشي ده شيء ممتع في حد ذاته …. بس لما يكون الواحد حاسس ان كل ضلع منه في ناحية … فده شيء ممتع جدا جدا!!

3-معاكي حق بصراحة في ان البنت بتريح على كتف الواد!! … يا عيني تعبانة من كتر الكلام اللي بيقولهولها!!

والله الواحد بيجيب آخره على آخر اليوم!! (و ممكن يجيب أوله على أول اليوم)

أحيانا بحس اننا قاعدين في عصارة كبييرة

كل ما حد يطلب حاجة … احنا اللي بنتعصر … و ساعات بنتمغرب و بنتعشاء كمان!!!

تقريبا انا وصلت لـ Level جديد من التهييس

بقالي كتير عايز أدخل أنام و مش عارف … كل شوية حاجة تطلعلي!!

محدش يصحيني على السكشن عشان مش ناقصة بلطجة على الصبح!!
انتوا فاهمين بقى!!

سلام!!!

@Eleven:
انت نسيت نظريتين مهمين!!:
3-3’aba2mentation!!

4-floosmentation

@abdelhamid:
والله نفسي أنام بجد!!!
دانا هروح أبوس السرير شعر و دقن … (الجملة دي بسمعها كتير بس بحس انها غبية … ماهو الشعر بيطلع في الدقن … إيه الهبل ده؟!)

سلام بقى!!!!!!!!!!!!!!!!

=))
ebtasem e7na fe masr….

وياريتها جت على كدا وبس
وادينا عايشين..:(
وبرضه ربنا يستر

=))

والله انا بقرا وعمااااااااااالة اضحك
وكمان مكنش ليا نفس اضحك مش عارفة اية دا كلة
بجد ضحكت جامد
شكرا جدااااااااااااااااااا
🙂
وهيا دى مصر على فكرة
انا لسا مكملتش الكلام
حروح اكمل بقى :d
وغالبا اما الحجات دى بتحصل فى اى دولة(لو حصلت لانها مش بتحصل)
السواق بيدفع غرااااااااامة لان كدا مش بيتعامل كبنى ادم مع بنى ادمييين
:d بس

@YouYou … (Oops … i mean MeMe):
ايوة … أنا كل ما الاقي واحد صاحبي قرفان من اللي بيحصل حواليه … بقوله “يابني احنا لسه في مصر” …
ربنا يكون في عونا بقى!!

@b_pri:
ربنا مايحرمكيش من الضحك ده …
و بالنسبة للغرامة!! … اسأليني أنا!! …
ده لما كنت في الإمارات … التاكسي لو ما وقفش و هوا فاضي ممكن نوديه في داهية! 😀

و بعدين لو هنتكللم عن بره … بره بيحطوا قوانين عشان يطبقوها
انما هنا بيحطوا قوانين عشان يكسروها!

eh dah neset 7agga mohema el7egeaaaaaaz
ye ebny la2enak lazem b3d youm zay dah msh hat2dar testan takol fe btkom f lazem tedrab ay 7agga bara

@3abed:
الواحد ما بيبقاش فيه حيل عشان يروح يضرب حاجة من الحجاز!!
بس بيني و بينك … الرز بلبن اللي عندهم بيخلي الواحد يروح هناك غصب عنه!!
حتى اسأل سلطان و هوا يقوللك!!
😀 😀

ههههههه
اه والله يابني ده تقريبا البروجرام بتاعنا كل يوم
لا انا بالنسبالي بقى معدتش بركب تاكسيات بركب موتورجل وخلاص
من وإلى القرية الاولمبكيه
😛
هناك الحته طراااااااااااااااااااوه
😛

بمناسبه المشى هو احنا السنه دى ما عدناش بنروح مشى ليه الظاهر
ان العضمه كبرت
:((

@ahmed samir:
ماااااااااشي يا عممم … بيتك جنب الجامعة بقى!!
طيب يارب ينقلوا الجامعة في شارع المديرية يا اخي!! 😛

@3abed:
انت عاوزنا نروح مشي بعد يوم حافل زي ده!!
بعدين مش كفاية اني ببقى شايل العيل على كتفي طول النهار؟!!!! (اللاب يعني)!!!

ههههههههههههه
والله كل اللى بتقوله ده يعنى يضحك وبيحصل فعلا
بس يا جماعه متنسوش ان احنا فى مصر ..هو اى نعم اصلا المفروض التاكسى مايركبش الا شخص واحد او يكونوا تبع
بعض مش يركب اللى فى طريقه لان ده المفروض انه مش قانونى ..بس ده مش فى مصر ده زى ما حضرتك قولت كدا فى البلاد المحترمه زى االامارات .
والله الواحد بيبقى خايف لسواق التاكسى يتخانق معاه …حصلت معايا مره وصلنى غلط مع انى قولتله على الطريق ولسه هايقولى انا لسه هاروح كل ده ..قولته خلاص هامشيها ….بس مش هانسى برده واحد طيب قوى بس التاكسى بتاعه عايز يترمى فى الزباله ..ماسمعنيش بقوله اقف هنا فرجع تانى لما قولتله بس كان التاكسى قديم ومقرف الصراحه كفايه ان رائحته سمك .:(
بس ماتظلموهاش اكتر من كدا يعنى السواق المصرى بتاع التاكسى فى مصر مش هايكسب برده زى سواق الامارات 🙂

@Dina Shaldoum:
ماتفكرينيش بالتاكسيات المكحكحة!! عشان مرة ركبت مع واحد و فضلت ماسك باب التاكسي طول الطريق تقريبا عشان ميتفتحش و آخدها دحرجة أنا بقى!!

ده طبعا غير التاكسي اللي ركبته و جاي أنزل الباب مش عايز يفتح!!! … واضح ان التاكسيات بتحبني اوي!!

انا لو قعدت أحكي على المواقف اللي بتحصللي مع التاكسي و كده مش هخلص النهاردة!!

شكرا على تعليقاتكم كلكم 🙂
سلام

هههههههههههههه
السيناريوهات تختلف والنتيجه واحده
” انت عانيت النهارده ”
علي فكره ان التاكسي بيمشي بسرعه دي حاجه كويسه جدااا
انا بتبسط والله
او يمكن انا متعوده علي كده عشان بابايا كان استاذ في انه ياخد مخلفات سرعه
في مصر والسعوديه بكل محافظاتهم
بسم الله ما شاء الله يعني 😀

على راى ميتو
يبقى انت اكيد فى مصر
دا احين تعليق لكل اللى بحصل فى البلد دى
يابنى دول هيبيعوا البلد وانت مخنوق من سيناريو كل يوم
مش كفاية عليك 2000 جنيه ورثك فى بلدك انت هتنهب
قال تاكسى و جامعة
بكرة مش هتلاقى لا تاكسى ولا جامعة
ماعلينــــــــــــــــــــــــــــــــــــــا
بردو يبقى انت اكيد فى مصر 🙂

@sandy:
والله انا لما بركب مع حد بيمشي بسرعة .. بيبقى أهم حاجة عندي أوصل حتة واحدة!!!!!

@roma:
ايه ده هما لسه هيبيعوا البلد؟!!
ولا هيبيعوها تاني؟!!

و بعدين بلاش حكاية “مش هتلاقي جامعة” دي عشان احنا اصلا مكناش لاقيين كلية لحد السنة اللي فاتت!!

فعلا بيحصل وياريتها بتيجى على أد كده
بعد كل اللى فوق ده … ترجع البيت تقعد ع الجهاز تلاقى اللى ينرفز
تفتح منتدى تلاقى اللى ينرفز …تفتح بلوج تلاقى اللى يغيظ ويفقع …تبقى مش عارف تروح فين عشان ترتاح
عادى جدا

ربنا يسترها علينا ونطلع منها على خير

@A.O :
ايه كمية النرفزة دي كلها!!

بصراحة أنا عندي غير كده خالص …
انا برجع البيت … كلهم بيبقوا عارفين ان الكلام معايا محظور لمدة نص ساعة مثلا … على ما أرتاح شوية

و بعدين لما بفتح الجهاز محدش بيقوللي حاجة عشان خلاص هما عارفين ان كل شغلي و مذاكرتي على الجهاز!!

ربنا يكون في عونا كلنا ان شاء الله

aywa ya roma walahy 3ayzeeeeeeeeen yebe3o el bld we ta5od 2000 LE … TEEEEEEEEEEEEEEET begad de 7aga 5las 3adet m3ahom begad .. homa 3ayzen eh tany 7raaaaaaaaaaaam ..

sorry boody el topic 2alb syasi

@Boody& @roma
ايه ده هما لسه هيبيعوا البلد؟!!
ولا هيبيعوها تاني؟!!

انتوا ماعدنكوش علم ان بجد بيبيعوا دلوقتى البلد بجد …النيل بيتباع وكله كله بيتباع ..انا كلامى مش هزار جد الجد …لسه كنت بقول للبت كاتكات واسماء يعنى بعد كدا الغلابه الفلاحين اللى بيزرعوا هايتحاسبوا على الميه اللى بيزرعوا بيهاويبقى ليهم عداد زى البيوت ..وخلى الشعب يعيش.
فاكرين فيلم عايز حقى!! …احنا دلوقتى عايشين فى فيلم حقيقى كبيييييير

@mr metoo

sorry boody el topic 2alb syasi

مابلاش نتكلم فى السياسه 😀

أنا لسه عارف من شوية ان الموضوع ده بجد حقيقي
والله صدمة قوية جدا!!

و هيشتروا المواطن الواحد بألفين جنيه!!!
و الأصغر من 18 سنة ببلاش!!

والله قمة المسخرة

نفسي أعرف ايه الغرض من ده كله!!

ايه اللي يخلي الموضوع يوصل لانهم يبيعوا البلد؟!!!!!!!!!!!!!!!!!!!!!!!!!

حسبي الله و نعم الوكيل!!!

هو مين فين؟؟؟؟
بلد هتتباع؟؟؟
بلد ايه؟؟
هو أنتوا مين؟؟
هو جاب المسدس بكام؟؟
شكل النمرة غلط
لأ بجد هو الموضوع باين لسه فى مجلس الشعب
وأكيد أكيد أكيد إن شاء الله يعني الموضوع مش هيتوافق عليه
بلد ايه اللى تتباع؟؟؟
هو الشعب أينعم ساكت على كل حاجة بس مش للدرجة دي ولا ايه؟؟؟

بصراحة ما تستبعديش ان الموضوع يتوافق عليه!!

ممكن السبب الرئيسي اللي يخلي الموضوع ده ما يتوافقش عليه هوا انهم كده هيصحوا الشعب

على العموم المفروض ان البوست الجاي ان شاء الله هيتكللم في الموضوع ده
بس ده على حسب موافقة صاحب البوست اني أحطه ولا لأ (أيوة مش أنا اللي كاتبه)
🙂

سلام

isa el mowaf2a 3ala yom el etnen keda ya boddy
asly zay ma2oltelak lesa ba3adel feh
we ba3den eh ya 3am el fadaye7 de ma tsbor showaya 🙂

@roma:
lol 😀
wala fadaye7 wala 7aga!!
ana law kont 3rft en el mawdoo3 dah bgad kont etkallemt 3anno
bas ana 3reft b3d ma shoft el topic bta3ek … fa 2olt mmken an2elo 3andy a7sn 🙂

thx anyway 🙂

salam

isa haykon 3andak be 2a5er el ta3delat bokra bel kter


Where's The Comment Form?

Liked it here?
Why not try sites on the blogroll...

%d bloggers like this: