No For PlayBoy

Posted on Friday, October 17, 2008. Filed under: Other... |


السلام عليكم

Playboy

دي شركة من أكبر شركات الـ Porn في العالم

في موقف حصل معايا من يومين .. لقيت واحد صاحبي لابس تي شيرت عليه الرمز ده

فكرت شوية كده … قلت أتبرا من الواد ده ولا أكني أعرفه لحسن يجيبلي شبهه

بس قلت ليه ماهو ممكن ميكونش عارف ده رمز إيه أصلا

فأول ما شافني … ضحكتله كده و قلتله انت عارف ان الرمز اللي على التي شيرت ده بتاع Playboy?!!

-بتاع ايه؟!! .. مين ده؟!!

-دي من أكبر شركات البورن في العالم

-اه منا عارف

-ايه؟!!!!!!!!!! ….. عارف؟!!!!!!!!!!! … انت عبيط؟!!! … امال لابسه ليه؟!!

-قعد يتوه في الكلام و مش عارف ايه … و شوية و قام خالع بسرعة قبل ما أكمل كلامي معاه في الموضوع ده

انا لحد دلوقتي فعلا مستغرب ازاي الواحد يبقى عارف انه بيعمل اعلانات للحاجات دي و مفيهاش أي مشاكل كده

خلاص يعني وصل بيكم الانحطاط للدرجة دي؟!

وصل بيكوا الموضوع انكوا تفتخروا بالحاجات دي؟!!

طيب ليه؟! … بجد عايز أعرف الإجابة ليه؟!

عشان يتقال عليك مثقف مثلا؟!! … ماشاء الله على الثقافة

و انا كنت متخيل ان الموضوع وقف على الملابس و الستيكرز و كده …

بس طلع ان في محلات لسه فاتحة قريب بإسم Playboy و عليها الشعار بتاعهم

ايه اللي بيحصل؟! هوا الربح الحلال مبقاش يرضي الناس خلاص فبقوا يفتحوا محلات و فروع لشركة البورن دي!

بجد الموضوع “لا يمكن السكوت عليه

ده كان موضوع اتكتب بواسطة صديقي اسلام محمود في المدونة بتاعته

احنا المفروض مانسكتش … واجب علينا اننا ننصح الناس دي (على الأقل اللي نعرفهم منهم)

الموضوع انتشر جامد و اصبح السيطرة عليه صعبة جدا … بس مش مستحيلة أبدا

ياريت كل شخص يقرأ الموضوع ده يساعدنا في الحملة دي

الموضوع كبير جدا و مش عايزين حد يستهين بيه

شكرا مقدما

سلام

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

7 Responses to “No For PlayBoy”

RSS Feed for BooDy's BloG Comments RSS Feed

ايه دا …!! انا اول مره اعرف الموضوع دا
هيه وصلت للدرجه دى ؟؟ وعالتشيرتات كمان ؟
…….
زى منته قولت يا عبد الله ان فى ناس مش بتكون عارفه
فى ناس اصلا وهيه رايحه تشترى حاجه حاطط فى دماغه انه لازم يشترى تشيرت مثلا مكتوب عليه كلمه او مرسوم عليه اى حاجه … ايه هيه الحاجه دى ميعرفش
المهم انه يحس انه واد مقطع وجايب من الاخر

وفى ناس متعرفش بس دول قليلين اوى الايام دى
وفعلا الموضوع مينتظرش السكوت لازم نتصرف وباسرع وقت
!!!!

لا اله الا الله
والله انا اول مرة اسمع اصلا عن الشركة
واول مرة اعرف يعنى اية الكلمة اللى تحتها دى
فالحمد لله ان بقى عندى خلفية
وان شاء الله ننشر الموضوع دا والكل ياخد حذرة
والف شكر
بس انا فاكرة ان الموضوع يبقى عادى عند كله الا مصر
بس الظاهر ان اى حاجة بقت عادى الزمان دا وفى اى حتة كمان
وصلت بلاعلانات؟؟؟!!!تيشيرتات!!!!!!!!!

,انا كمان اول مرة اعرف الموضوع ده خالص ..
والنهارده الصبح على بوابة الجامعة .. ببص بالصدفة لقيت ولد لابس تيشيرت مرسوم عليه الرسمة دى ومكتوب playBoy !!
استغربت بس قلت برده يمكن فعلا مش عارف !!!!!!!!

والله يا عبد الله هى فعلا بقت حاجه زياده عن اللزوم
الفكره انه فعلا ناس ما تعرفش ودوول كتير
احنا لازم نعرفهم بقى وبعدين هو على قد دى بس
ما فى كمان
D&G
هى ماركه عالميه والحياه حلوه ماشى بس الحرفين دول هما
dolce&gabanna
والاتنين دول زى ما تقول كده اتنين ذكور نص سوا”افهموا انتوا بقى” واكيد فى غيرهم
بص يا عبد الله هى عدم وعى عند الناس كلها او تقدر تقول انها عامله
كانك ماشى مشغل اغنيه اجنبى بتشتم فيها كل اللى فى الشارع
ومعظمهم مش فاهم اصلا
الى جانب التقليد وخلاص عشان احنا بقينا الى حد كبير ممسوخين
فهو الحل فعلا اننا نبدأ نقول للناس وده اللى بنعمله الحمد لله

عندك حق والله هي بجاحة، والواحد بيمشي في الشارع الوقتي كأنه ماشي في شوارع دولة كافرة.
لا قوة الا بالله

N@B!L
http://www.nabil-space.blogspot.com

الظاهرة دي انتشرت فعلا

بس الغريب ان الناس مش عارفين

ربنا يهدي الجميع إن شاء الله

إنت عليك النصح وخلاص

ومتتبراش منه ولا حاجة 😀


Where's The Comment Form?

Liked it here?
Why not try sites on the blogroll...

%d bloggers like this: