Zero Tarkeez

Posted on Sunday, October 12, 2008. Filed under: My Life |


السلام عليكم

عارفين لما يكون وراكوا 100 حاجة تعملوها … بتفكروا في 99 حاجة في نفس الوقت (و الحاجة الـ100 هي انكوا بتفكروا في الـ99 حاجة دول) و في الآخر مش عارفين تعملوا أي حاجة فيهم

بسبب عجز منك يعني؟!! … لأ

امال … بسبب كسل منك؟!! برضه لأ

بسبب عدم التركيز …

عشان وراك 100 حاجة تتعمل؟!! … لأ خالص

بسبب ان واحد -ربنا يهديه- فاتح محل جديد … و بيحتفل بافتتاحه

المشكلة اني رجعت من الكلية قرب العشاء كده … و لقيت عزاء في الشارع … و قبل ما يخلص بدقيقتين بالظبط لقيت أغاني شغالة

طبعا بالنسبة للعزاء أنا بعذر الناس دي بصراحة

انما بالنسبة لافتتاح المحل …

اولا قلة ذوق منه انه يشغل الأغاني بأعلى صوت و في عزاء في نفس الشارع بعده بشوية

و تقريبا هو عايز يحفظ الناس الأغاني اللي مشغلها

عشان هما أغنيتين بس اللي بيشغلهم بقاله حوالي ساعة

والله بدأت أحفظهم غصب عني

بفكر أبعتله كام أغنية لــلينكن بارك … أخلي الناس تطفش من عنده

هوا عموما انا بحمد ربنا انه بيعمل الافتتاح دلوقتي بدال ما يعمله أيام الامتحانات زي ما بيحصل كتير هنا (طبعا مش نفس المحل 😀 )

على فكرة أنا مش عارف أجمع خالص

حتى البوست ده مش عارف اكتب فيه حاجة

خايف أدخل فيه حتة من الأغنية اللي شغالة ولا حاجة تبقى مصيبة 😀

انا شكلي هعمل اللي عملته في الجامعة النهاردة كل يوم بقى

خلصت اللي عليا و قعدت أشتغل أنا و صحابي شوية

يادي النيلة … هبدأ أدخل المواضيع في بعضها بقى ….

انا ماشي احسن

أشوفكم في بوست تاني ان شاء الله

سلام

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

5 Responses to “Zero Tarkeez”

RSS Feed for BooDy's BloG Comments RSS Feed

السلام عليكم و رحمة الله و بركاته

معلش يا بودى استحمل يا باشا..الشارع بتاعكم فيه برضو شوية مطاعم جامدة تعوض السلبيات دى 🙂

يا اخى سبحان الله..يعنى لو كل واحد فهم دينه صح واتقى الله فى جيرانه و الناس اللى حواليه مكانش هيبقا فيه حاجة زى كده ابدا

ربنا يتوب علينا جميعاً..اللهم امين

بس ايه ال smily
الموجودة فى الجنوب الاقصى من مدونتك دى 😀

والله قليل اوي لما تلاقي حد بيراعي ظروف اللي حواليه اليومين دول

ربنا يهدي بجد

بالنسبة للـ smily

ده دليل على تفاؤل البلوج

و بعدين “تبسمك في وجه أخيك صدقة”

أنا معلم البلوج شوية حاجات برضه 😛

مدلعهوش اوى بس عشان ميقلبش عليك 😀

معلش يا بودي , بس لية مبعتلوش اغنية من بتوع Linkin Park اعتقد لو كان شغلها مكنتش هتكون مدايق :))

و فعلا والله ان حاجة تيجي تشتت التركيز بالشكل دة موضوع يدايق , لو كل واحد يراعي مشاعر اللي حواليه ….

يلا ربنا معاك وترجع تركز و تشتغل في ال 100 جاجة اللي وراك 😀

ياعم احمد ربنا ع الاقل انت عايش ف مكان حاسس ان حد حواليك
ده انا حاسس اني عايش ف صحراااااااااااااااااااااااا
😦
هو اه الواحد بيحب الهدوء بس مش الهدوء الغبي الي الواحد عايش فيه ده
طب ماتيجي نبدل ؟؟
😛


Where's The Comment Form?

Liked it here?
Why not try sites on the blogroll...

%d bloggers like this: