كايرو و عمايلها

Posted on Thursday, August 21, 2008. Filed under: My Life |


السلام عليكم

بقالي كتييير مكتبتش ع البلوج 😦 … و ده كله طبعا بسبب الشغل الكتير في الأجازة

و المشاريع المركونة و الشغل المتأجل و مش عارف ايه

17/8/2008

كنت متفق مع عابد اني أروحله شارع الهرم عشان هو كان قاعد هناك كام يوم كده

طبعا أنا رحت في المعاد … و هو جه متأخر كالعادة 😀

(متصدقوش كل كلمة أقولها … احنا أصلا محددناش معاد معين)

المهم رحنا اتقابلنا عند لا مؤاخذة “كايرو مول” … وهو بصراحة مول فظيع جدا!!!! … جدا جدا كمان!!

يعني بجد نفسي أعرف ازاي مول ميكونش مكيف!! … و ليه في حاجات مؤذية طالعة من الحيطة مخصوص عشان يعوروا بيها الناس

و ليه السلالم المتحركة مش شغالة؟؟!!! … و ليه في قهوة جوا المول الناس بتشيش فيها؟!!

بجد انا مكنتش متوقع انه يطلع بالسوء ده … و الحمد لله اني مش ساكن قريب من هناك!!

المشوار من عندنا أصلا أخد ساعة و 10 دقايق بالظبط عشان أوصل

ماله “سيتي ستارز” … والله زي الفل!!

المهم بعد ما طلعنا من المول رحنا نتمشى كده ندور على كافي محترم نقعد فيه

ماشيين ماشيين … مفيش أي حاجة عدلة في طريقنا … فعابد بيقوللي “ايه ده! .. مفيش أي كافي عدل هنا؟!!”

المهم من حظنا المهبب!! واحد سمعنا … قاللنا تعالوا اتفضلوا! … فين يا عم؟؟ .. تعالوا تعالوا!!

ادينا جينا … مشينا وراه خطوتين صغيرين …. أول ما قرب من باب “الكافي” .. سمعنا صوت “دي جيه” .. فشكينا في الحكاية

الراجل فتح الباب … هوووب

و إذا باللي كنا بنقول عليه كافي … طلع بار!!

احنا طبعا أول ما شفنا المنظر …ردينا “شكرا … سلااااااام” … و قمنا خالعين بسرعة قبل ما يقوللنا عندي واحد أحسن من ده ولا حاجة!!

منظرنا واحنا ماشيين اللي يشوفنا يقول شربوا في البار و طلعوا بسرعة … كنا بنضحك بطريقة غبية!!!!!!

لا بجد الموقف ميضحكش اه …. بس لما تخيلنا شكلنا بالـ”ريآكشن” الأخير ده واحنا ماشيين ماقدرناش نمسك نفسنا من الضحك

طبعا مرحناش الناحية اللي هناك دي تاني خالص!!

20/8/2008

اتفقت أنا و عابد نخرج تاني بس المرة دي … مع صاحبنا القديم “حسن إبراهيم”

😀 ..(لايقة مش كده؟!!)

المهم المرة دي حددنا معاد بقى!!!

رحت هناك في وقت قياسي … ساعة و 7 دقايق!! 😀

وصلت متأخر ال 7 دقايق دول … فلقيت عابد و حسن مستنيين … (هتلاقيهم كانوا واصلين قبلي بدقيقتين ولا حاجة)

المهم قعدنا نتمشى لحد ما وصلنا لمحطة المترو (اللي هيا اللي انا جاي منها!)

طبعا 3 مستخدمي لينوكس … فعمالين نتكللم طول الطريق عن اللينوكس و التطورات اللي فيه

قررنا نروح حتة نقعد فيها بدال الشحططة اللي احنا فيها دي

رحنا قعدنا في مكان محترم حسن كان قاللنا عليه

و في حين ماحنا قاعدين نتكللم

حسن قاللنا

“على فكرة أنا هخطب بكرة”

احنا طبعا تنحنا كده … و قلنا السؤال المعتاد عند التتنيح … “هتـ … إييييه … والله؟!!!!!”

بجد كانت مفاجأة جامدة جدا أنا مكنتش متوقع خالص انه يقول “بكرة” كده على طول!

اه صحيح … بكرة دي قالها امبارح … يعني الخطوبة النهاردة!!

ألف مبروووووووووووووووووووووك يا صاحبي

والله فرحان عشانك جداااا!!!

ربنا يوفقكوا و يخليكوا لبعض ان شاء الله 😀

بصراحة في كلام كتير أقولة المرة دي عشان بقالي كتير مكتبتش

بس تعبت من الكتابة!!

هبقى أكمل في بوست جديد لما أشتغل شويتين بقى 😀

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

7 Responses to “كايرو و عمايلها”

RSS Feed for BooDy's BloG Comments RSS Feed

انا مش هاقول لبودي اي حاجة انا هاقول لحسن الفين مبروك وبس كده عشان انا نفسي اشوفه والله الراجل ده فيينه ع العموم الف مبروك

الله يبارك فيك يا عبدالله، الحمدلله الدبلة في إيدي خلاص أهي 😀 وعقبال كل اللي ناويين 😀
والدرس وصل 😉
وممنوع تشويه سمعة كايرو، شارع الهرم بس هو اللي كدة (على ما أعتقد 😀 )
@DaRwiEsH
الله يبارك فيك، أنا موجود أهو، في كايرو اللي بيقول عليها دي، متهيألي أجيلك أنا أحسن بعد اللي سمعته صح؟ 😀

خلاص القاهره ضاقت بيكوا ورايحين تتقابلوا ف شار الهرررررم :-P:-P:-P:-P
ههههههههههههه لا انا متوقع شكلكوا وانتوا بتجروا ههههههههههههههه
:)) :)) :)) :))
اكييييييييييييد مسخره
طب محدش خد باله اسم الكافتريا دي ايه اصدي البار ده يعني
:-P:-P:-P:-P:-P

@ 7abib 2alby hassan ibrabeem
والله فرحتلك اووووووووووي اووووووووووووووي ياحسن
انت من الناس المحترمين الي قابتلهم ف الكليه دي
وربنا يباركلك ان شاء الله
🙂 🙂 🙂 🙂
وعقبالي بقىىى عشان انا زهقت ;););)
وعقبال لما الدبله تروح الايد التانيه كده ان شاااااااء الله
سلام ليكوا كلكوا :):)

andaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaal 70 MARA … zamroooo 2olo kont agy (ned5ol el Bar tab3aa hhhhhhhhhhh)

@ 7assan beeeeeeeek
walahy ya ebny aana 3rft yomeha el sob7 we kont hagy lola el mawdoo3 3a2ly

yalla alf alf alf mabrooook we ye3enk 3ala el mas2olya es2al wa7ed shaf b2a a5oh we o5toh … Rabina m3aaaaaaak we 3o2bally ya raaaaaaaaaab 🙂

@Darwiesh
mashy mashy … fe el blog bta3y w mesh gai trod 3alya!!

@7assan
3la ra2y abo el asrar … 3o2bal ma el debla troo7 lel 2eed el tanya 😀

@abo el asrar
mashy ya 3am …. lek 7a2 teshmat fena -.-
da kan youm ….. !!!!!!!!
bt7eb enta el 7agat de 😛

@metoo
howa e7na l7e2na nezammar!!

😆

howa eih 7war el zmamer elly ento maskeen feih dah?
heya el zomara dy ba2et 5alefet el talaga walla eih? 😀

hhhhhhhhhhhhhh
yaaaah … enta lessa faker el tallaga!!!

de maba2etsh tsa5an ya 3am!! w nsenaha 5ales!! 😀 😀


Where's The Comment Form?

Liked it here?
Why not try sites on the blogroll...

%d bloggers like this: