يوم جميل

Posted on Wednesday, June 11, 2008. Filed under: My Life |


السلام عليكم

ازيكووووو؟؟؟

النهاردة يوم جاااامد جدااا بصراحة لحد دلوقتي و الحمد لله يعني 😀

النهاردة قابلت صاحبي و زميلي القديم … و قائد الشلة السابق 😀

حسن ابراهيم

الحقيقة أنا كلمته امبارح و رتبت معاه اني هروحله الجامعة بما انه النهاردة كان اخر امتحان ليه

المهم نزلت النهاردة الصبح و رحت جامعة عين شمس … للأسف معرفتش أدخل الجامعة لأسباب أمنية 😆 😆

بس الحمد لله خليت حسن يطلعلي و اتمشينا شوية و كنا محتارين نروح فين عشان احنا الاتنين منعرفش حاجة في المنطقة بتاعة الجامعة دي 😀

المهم قررنا بعد تفكير كتير اننا نروح قريب من المنطقة اللي هوا ساكن فيها عشان يكون عارف حتة كويسة نقعد فيها

ركبنا المترو و قعدنا نهيس طول الطريق و نقول لبعض على مواقف و حاجات حصلتلنا السنة دي

وصلنا محطة الجيزة بالمترو و رحنا هناك برضه اتحطينا قدام قرار صعب وهو هناكل فين؟!

الحمد لله قررنا بعدها بشوية و رحنا اكلنا و قضينا وقت ممتع و  حسن قعد يعرفني على شوية معالم في الجيزة

بعد كده ضغطنا زرار

Up

و رجعنا على المترو و بعدين رجعنا على الجامعة و وصلنا لمكان ما انا بركب و سلمت على حسن و رجعت البيت بعد ما ركبت الفرن اللي اسمه

MCV

تقريبا هوا اختصار

MiCrowaVe 😆

بس بجد مهما كان الجو حر برضه قضينا وقت حلو و اليوم كان زي الفل الحمد لله

😀 😀

سلاااااااااااااااام

Advertisements

Make a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

2 Responses to “يوم جميل”

RSS Feed for BooDy's BloG Comments RSS Feed

ربنا يكتر من الأيام الحلوة 😀

أحلى حاجة فى الدنيا لما الواحد يقابل صديق بقاله كتير مابقلوش الواحد بيحس ساعتها بفرحة جامدة جداااااااااا
وربنا يفرحلك ويفرح الحاسوباتين كلهم على طوووووووووول
سلااااااااام


Where's The Comment Form?

Liked it here?
Why not try sites on the blogroll...

%d bloggers like this: