عيد بعد عذاب شديد
السلام عليكم
كل عام و أنتم بخير بمناسبة عيد الاضحى المبارك
—–
النهاردة و الحمد لله كان نهاية امتحانات الميدترم
و الحمد لله انها خلصت والا الواحد كان جاله تخلف عقلي بسبب لخبطة الوقت دي
نظامي في الامتحانات دي كان أغرب نظام مشيت عليه في حياتي:
1- ابدأ مذاكرة ليلة الامتحان الساعة 11 أو 12 بالليل
2- اسهر للفجر في مذاكرة مستمرة [...]
swe night
امبارح بالليل … في وقت متأخر شوية
ماكنتش قادر أجمّع أي حاجة و مش مركز خالص
و دي كانت النتيجة
|
|
\/
دي كانت نهايتي مع مذاكرة الـ
Software Engineering
اه .. معلش الخط وحش بقى بس عموما زي مانتو شايفين أنا خطي أحسن على الكمبيوتر
…
هدوء ما قبل العاصفة
فعلا الواحد حاسس بعنوان الموضوع ده دلوقتي
حاسس ان الجو دلوقتي هادي جدا جدا
و فجأة
هقعد الاسبوعين الجايين ماشوفش الا:
الكتب و ورق المذاكرة
و اللاب بتاعي
و كباية النسكافيه
و ممكن اشوف السرير (نظرا لان الواحد بيكون اغمى عليه خلاص و مش شايف السرير فين عشان يقدر يوصله)
و أكيد هشوف الكلية عشان الامتحانات بس
و برضه احتمال اشوف صحابي و الناس [...]
book.open()
السلام عليكم
النهاردة صحيت من النوم لقيت نفسي فايق كده و في مود الـ (لا مؤاخذة) ـمذاكرة
فقررت اني هبدأ النهاردة بقى
و دي بصراحة لحظة من اللحظات التاريخية و المفروض تتسجل في موسوعتي الخاصة
و هيا اني هبدأ مذاكرة قبل الامتحانات بأسبوووووووووووع بحااااااااااااااله!!!!!!!!!!
ربنا يكون في عونا ان شاء الله
سلام
الخلّاط
السلام عليكم
ابتسم .. أنت في حاسبات ….
النهاردة كان رابع يوم على التوالي في خلّاط الكلية …
حيث اني بقالي 4 أيام بمتحن امتحانات عملي و شفوي + المادة المملة اللي معايا (و يارب المرة الجاية أقول “كانت معايا”) اللي اسمها “الجوانب الأخلاقية و الاجتماعية”
ما علينا ….
المهم بقى النهاردة كان في موقف حاسوباتي بحت حصل الصبح ….
حيث [...]
« Previous Entries
