م/وليد محمد محمود العدروسي
السلام عليكم
ممكن ناس كتير استغربت اني قعدت في المنصورة الاسبوع ده مع اني بسافر كل اسبوع
بس الحقيقة انا قعدت عشان حاجة واحدة
عشان أحضر حدث مهم أوي بالنسبة ليا و بالنسبة لمعظم طلاب كلية الحاسبات و المعلومات
الحدث ده كان مناقشة رسالة المهندس وليد محمد محمود العدروسي
وللي مايعرفوش … فده معيد عندنا في كلية الحاسبات و المعلومات – جامعة المنصورة
مش معيد بس …. ده أكتر من أخ كبير لكل اللي درسه ولكل اللي استفاد منه
انا مش بكتب البوست ده عشان البشمهندس يشوفه …. و أغلب الظن هوا مش هيبقى عنده وقت يقرأ حاجة زي دي
أنا بس حبيت أسجل اليوم التاريخي ده
اليوم اللي بشمهندس وليد حصل فيه على درجة الماجستير
ربنا يوفقه و يجزيه كل خير 
أنا ليا الشرف اني اكون طالب تحت ايده
و أفخر انه يكون الليدر بتاع مشروع التخرج بتاعنا
Advertisement
بص والله يا عبدالله زي ما قولتلك بالزبط
احساس وفرحه لا توصف ،، يمكن عمري ما فرحت لحد بالشكل دا ولكن دا جاي من جوا جوا قلوبنا كلنا
ربنا يكرمه ويوفقه ويبارك فيه وله
jfalconcs
Thursday, December 31, 2009
ربنا يبارك فيه , صعب انك تلاقى شخصيه زى دكتر وليد الايام دى
فى أخلاقه وتواضعه وعلمه .
ciscawy
Thursday, December 31, 2009
بجد فرحتله جدا
انسان محترم خلقا وعلما
Ahmed Samir
Thursday, December 31, 2009
لتانى مرة تقريبا اجرب دموع الفرح!!
عقبال منجربها كتييييير يارب وعقبال كل اللى عايز الماجيستير والف مليون مبروك لبشمهندس وليد….
la principessa
Thursday, December 31, 2009
بجد بشمهندس وليد يستاهل اكتر من كده بكتيييير
ربنا يكرمه ويوفقه ويبارك فيه
وانا كمان ليا الفخر جدا انى طالبه درسلها واتعلمت منه حاجات كتير جدا
فرحانه جداااا انى حضرت المناقشه عقبال ما نفرح بالدكتوراه قريب .
katkat89
Thursday, December 31, 2009
هو فعلا يوم تاريخي
بشمهندس وليد ربنا يوفقه دايما للخير
فيه صفات حلوة أوي كأنسان مسئول
ربنا معاه وياخد الدكتوراه
أكيد حاسبات هتتغير كتير للأحسن إن شاء الله
key of life
Thursday, December 31, 2009
سبقتني في التدوينة دي بس المهم الفرحة اللي فرحناها لكنا لدكتور وليد و عقبال كل اللي عايز ان شاء الله
Hunikal
Thursday, December 31, 2009
هو فعلا حدث رائع وعندك حق يا باشمهندس إنك تدونه
المهندس وليد أخ لينا كلنا وكلنا فرحنالو من قلوبنا
مبروك ليه على الماجيستير وعقبال يارب الدكتوراه وربنا يوفقه ويوفقنا وإياكم….آمين يارب
safira
Thursday, December 31, 2009
كانت لحظة بجد جميلة جدا لحظة اعلان حصول بشمهندس وليد على درجة الماجستير
ربنا يوفقه ان شاء الله
ويوفقنا كلنا باذن الله
Amany
Thursday, December 31, 2009
بجد يا بخت بشمهندس وليد بحب الناس ليه
حاجة حلوة جدا لما الناس تسقف بحرقة كده ولما الناس تكون فرحانه كده
ناس ولا يقربوله ولا ليهم اي صلة بيه غير ان هو درسلهم
ربنا يوفقه يارب في حياته
والنهاردةبصراحة يوم تاريخي في حيات الحاسوباتية
hend89
Thursday, December 31, 2009
بجد كانت فرحه لا توصف وكان يوم جميييل جداااا
واجمل لحظه التسقيف بجد يهز القلوب
فعلا يا بخته بحب الناس ديه كلها
انا فخوره ان بشمهندس وليد أستاذى
شخصيه لا يوجد منها الكثير هذه الايام ..
ربنا يكرمه يارب ونباركله على الدكتوراه عن قريب ياااارب:)
Dina Shaldoum
Friday, January 1, 2010
بالرغم انى للاسف مقدرتش احضر ..لكن بجد الكل فرحان ليه جداا ومن قلوبهم فعلا
ماشاء الله ..ربنا يوفقه ويكرمه يااارب..
بجد رجل يستحق كل الاحترام والتقدير ..ويستاهل كل خير.
يمكن انا من الناس اللى محالفهاش الحظ انها تدرس تحت ايده ..ولكن فعلا سبحان الله محبته فى قلوب كل الناس ..وكفايه انه مبيخذلش اى حد يطلب منه حاجه حتى لو هو مش مسئول عنه
..وكفايه انه من الناس اللى بتضحى بوقتها وراحتها عشان تساعد اللى حواليها
ربنا يوفقه دايما ويارب نشوفه فى اعلى المناصب ونشوف شخصيات زيه كتير
bosycat
Friday, January 1, 2010
وده كان اخر بوست في سنة 2009
وانا فرحان جدا اني نهيت السنة ببوست زي ده
شكرا لكل اللي ردوا
وكل سنة وانتوا طيبين
BooDy
Friday, January 1, 2010
[...] اللي فرحني بجد هوا الكلام اللي البشمهندس وليد العدروسي و البشمهندسة سارة المتولي قالوه علينا و على [...]
مفاضلش غير … « BooDy's BloG
Tuesday, July 20, 2010