My First Certification

1- الهبل

2- العبط

3- العربية

التلاتة دول بينهم عامل مشترك قوي جدا وهوا:

ان التلاتة بيتساقو

بما اني مبقتش اعرف اقعد على الجهاز الايام دي

فقلت استغل الوقت الضايع ده في حاجة مفيدة

و النهاردة (اللي هوا 1-10-2009) … كان نتيجة الحاجة المفيدة دي

الحمد لله اخدت رخصة القيادة النهاردة و  بعد عناء من طوابير ملهاش لازمة

بس الحمد لله ولا واسطة ولا بطيخ ولا دفع فلوس في الفاضي ولا رشاوي ولا اي حاجة

بركة دعاء الوالدين و كل الحبايب اللي قلتلهم اني ناوي ع الرخصة قريب

و بركه الكوتشي اللي اخويا جايبهولي هدية

انا عارف ان واحد صحبي ممكن يرتكب فيا جريمة بعد ما يشوف البوست ده

بس ربنا يعينك انت كمان و تاخدها في اقرب فرصه

بكده الحمد لله نفذت جزء كبير من الخطة اللي كنت ناويها في الأجازة دي

ماعدا شوية اجزاء حكمت عليا الظروف اني ماكملش فيها

Explore posts in the same categories: My Life