هدوء ما قبل العاصفة
فعلا الواحد حاسس بعنوان الموضوع ده دلوقتي
حاسس ان الجو دلوقتي هادي جدا جدا
و فجأة
هقعد الاسبوعين الجايين ماشوفش الا:
الكتب و ورق المذاكرة
و اللاب بتاعي
و كباية النسكافيه
و ممكن اشوف السرير (نظرا لان الواحد بيكون اغمى عليه خلاص و مش شايف السرير فين عشان يقدر يوصله)
و أكيد هشوف الكلية عشان الامتحانات بس
و برضه احتمال اشوف صحابي و الناس اللي معايا في الكلية
و ده نظرا لاني مذاكرتش كويس في الفترة من أول ما اتخذت قرار المذاكرة لحد دلوقتي!!!
بس خير ان شاء الله
اشوفكم على خير
ولا ممكن ماشوفكوش انتوا كمان الفترة الجاية دي!
بس أكيد هيكون في حاجات عايزة تتكتب …
الواحد اصلا بقى يقعد في البلوج اكتر ما بيقعد في البيت …
ما علينا …
سلام
Wednesday, May 20, 2009 at 1:31 am
مش قادرة أقول لحضرتك أن ده نفس إحساسي فعلااا
قلقانة اني مش قلقانة بالنسبة للإمتحان
بس عامة إن شاء الله خير
وتقدر تركز وانا كمان أعرف أركز
تقريبا التركيز كلمة اتلغت من قاموسي بالنسبة للمذاكرة
ربنا يعدي الأيام الجاية على خير ياااا رب
سلاااام
Wednesday, May 20, 2009 at 1:42 am
كلمونى عنها فكرونى بيهااااااا
بس أنا ماحنتش للأمتحانات نوهاااااااائيا
بس إن شاء الله كلنا نفتكر الأيام ونضحك مش عارفه أزاي
ربنا معاااانا ويوفقنا
ويساعدنا علي الخروج من المفرفة بخير
سلااام
Wednesday, May 20, 2009 at 1:40 pm
لا انا عندي “عاصفه ما قبل الطوفان ”
لاني للاسف الشديد جدا … بذاكـــــــــــــــــــــــــــــــــــــــــــــــــــــــــــــــــــر
الايام دي
Thursday, May 21, 2009 at 4:27 am
@your fate:
لا الحمد لله انا مابقيتش أقلق اد كدا من الامتحانات
و التركيز موجود .. بس النفس بقى!!
عموما الحمد لله!!
@key of life:
مع ان الواحد بيطلع عينه الايام دي فعلا
بس هيا بجد ايام ممتعة
@Rana:
ربنا يكون في عونا جميعا!!
ماهو احنا بردو للأسف الشديد بنذاكر …
بس انا عن نفسي بلعب يجي نص الوقت اللي بذاكر فيه
خييييييييير خيييييييييييير ان شاء الله
شكرا على كومنتاتكم
سلام